2 Samuele 9:1 - Bibilia Buk na Ŋun nagon koti luŋu a

¹ A Dawidi pipije adi, Lele ŋuto ŋona kata logon a pituŋdyö ko Saula i kötumit le, anyen nan bubulö konakiŋdya lepeŋ ’bura kogwon kulya ti Yonatana?

2 Samuele 9:1 ပူးပေါင်းရင်းမြစ်များ

2 Samuele 1:26

Luŋaser lio Yonatana, nan a delya do parik; do a lo ’but parik köyö; nyaŋu inot na nan ’diri a ŋo sörit, a lwöŋ ma ’di nyaŋu na ŋuto nakwan.

2 Samuele 21:7

A mor kö ’yi Mepiboset ŋuro lo Yonatana tore lo Saula, kogwon milye lo MATAT lo gwon i kiden nase Dawidi ko Yonatana ŋuro lo Saula lo.

2 Samuele 9:7

A Dawidi kulyani ko lepeŋ adi, An do ko kujönö; kogwon nan de kökonakin do ’bura kogwon kulya ti monye ilot Yonatana, a nan de nyökökiŋdye do kak liŋ na merenye ilot Saula; a do de nyesi köyö i misa perok liŋ.

1 Moran 2:7

Ama konaki ŋwajik ti Barujilai ŋuto lo Gilada ’bura, ko ti se morakiŋdye i ŋutu logon nyesu konut i ’baŋ kilo; gwoso nagon lepeŋat a parakiŋdye nan na wöggiri nan kaŋo kujönö luŋösur Abisaloma nu.

Tolupesi 27:10

An do ko kö ju ilot kode ju lo munyi; an do ko tu ko luŋösur mede i lor logon do a ryeju kulya narok. Marate logon nyona a lo ’but lwölwöŋ luŋaser logon pajo.

Matayo 10:42

’Diri nan takiŋdya ta adi, ko ŋa lo tiŋdu lele geleŋ lo kilo lo ’di ’dik kopo lo piŋo nalilik anyen mamat kogwon lepeŋ a ŋuto liŋ kajujumunit, ŋilo ŋuto mo ti jaran i ropaki.

Matayo 25:40

A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

Marako 9:41

Kogwon ko lele ŋuto a tiŋdu ta piŋo ko dikori anyen mamat, kogwon ta a ti Masia, ’diri nan takiŋdya ta adi, nye mo ti jaran wuju ropet nanyit.

1 Petero 3:8

Kune gwe a kulya ti ’dutet adi, ta liŋ ködyö gwon ko töili gelen, i ŋaŋu na delyaesi ko lyöŋesi i pirit na geleŋ ko kulye ŋutu; tunyare ta tunyar ko ’börik gwoso luŋasirik, gwe ta kowon na konyen se ko töilyet lokoyokak.

1 Samuele 20:42

A Yonatana kulyani ko Dawidi adi, Iti ’bura, gwoso nagon yi aje nyekiŋdye ’börik milye i karin ti MATAT nu adi, MATAT mo lo gwon i kiden nikaŋ ko do, ko i kiden na nyakwariat kwe ko na nyakwariat kulök ŋupi ŋupi. A Dawidi ŋine ŋien, a iti tu; a Yonatana yitöni köji.