2 Samuele 8:2 - Bibilia Buk na Ŋun nagon koti luŋu a

² A Dawidi te ’yi ŋutu ti Moaba, a tiŋdi se i peron kak, a tembi se ko pata; a lepeŋ temuŋdye kikolin murek logon tatatua ko kiko geleŋ ’bukuluŋ logon pipitoki. A ŋutu ti Moaba gwe a ’dupi ti Dawidi a ’bukokiŋdye lepeŋ usur.

2 Samuele 8:2 ပူးပေါင်းရင်းမြစ်များ

2 Samuele 12:31

A nye joŋgi kaŋo ŋutu logon si ’da nyu, a ri ’dikiŋdye se i kita ko sereserejin, ko ’bokesi nagon a witiot, ko tuluö logon a witiöt, a tiŋdi lepeŋat i kita i piritön ’duŋesi ti tupön. A nye konakiŋdye köjinö liŋ ti ŋutu ti Amon sona. A Dawidi ko ŋutu kanyit liŋ yitöni Yerusalema.

2 Samuele 8:6

A Dawidi tiŋdi kamorok i si ’da Aram na Damaseke; a ŋutu ti Suria gwe a ’dupi ti Dawidi, a ’bukokiŋdye lepeŋ usur. A MATAT tiŋdi Dawidi a katelanit temba i piriton liŋ na tiri nye kunu.

1 Moran 4:21

A Solomona gwe a kasaranit i tumatyanjin liŋ suluja i kare Perat tojo ko jur lo Pelesete ko tojo ko koret lo Ejipeto; a se joŋdi ’dokesi a kitakin-dye Solomona i perok liŋ ti gwiliŋit nanyit.

2 Moran 1:1

A i mukök na twan na Aba, a jur lo Moaba renyani sara ko Yisaraele.

2 Moran 17:3

A Salumaneser mor lo Asura poni i möro ko lepeŋ; a Osea ŋoŋdi a ’dupiet lonyit, a jakiŋdye lepeŋ usur.

1 Dekat 18:2

A Dawidi te ’yi ŋutu ti Moaba, a se gwe a ’dupi kanyit, a ’bukökiŋdye lepeŋ usur.

2 Dekat 26:8

A ŋutu ti Amon ropakiŋdye Ujiya usur, a karin kanyit iŋge kuörö tojo ko lokökorit lo Ejipeto, kogwon lepeŋ aje wora a iŋgo parik.

Saumajin 108:9

Jur lo Moaba a sape lio kwöyit; nan a gubakin kamuka kwe i jur lo Edom; jur lo Pelesete ŋona yeyeju adi nye sisira ko nan?

Saumajin 18:45

Lwaka gwe ’bak yenet i töilyet; a se luŋene kaŋo i piriton ’danaesi kase böbonundyö.

Saumajin 60:10

Pon Ŋun, do a ŋaju yi, ti gwon sona le? Pon Ŋun, do ti tu kaŋo ko teŋon kaŋ ti kamörök i ŋirit na geleŋ.

Saumajin 60:8

Jur lo Moaba a sape lio kwöyit; nan a gubakin kamuka kwe i jur lo Edom; jur lo Pelesete ŋona yeyeju adi nye sisira ko nan?

Saumajin 83:6

kilo a ŋutu ti Edom, ko ti Yisamaele, ko ti Moaba, ko ti Agari;

Yisaya 36:16

An ta ko yiŋ ta Kijikia; kogwon mor lo Asura lo kulya adi: Moruŋdye ta köyö ni i teteŋdya na taliŋ, ko poŋdi ta kaŋo köyö ni; a ta liŋ geleŋ geleŋ mo nyesi ludweki ti kaden kasu ti binyo, ko ti ki ’biet, a ta liŋ geleŋ geleŋ mo möji kasu i kidia;

Kenet 24:17

Nan ’do ’yu adi, Nan memet lepeŋ, ama ’bayin soŋinana; nan didir nye, ama ’bayin nyona; a kaseroköti mo puku kaŋo i kötumit na Yakobo, iŋkoi ture lo tumatyan mo pupukun kaŋo i ŋutu ti Yisaraele; a nye mo gwuddye temeneŋan ti Moaba, a mo ’bitökiŋdye ŋutu liŋ logon a kaŋisak kak.

1 Samuele 10:27

Ama a kulye ŋutu logon a mokon kulyani adi, Lo ŋuto bubulö lwöggu yi ada? A se lauŋdye lepeŋ a tine jakiŋdya nye ’dokesi. Ama a nye yiŋani taliŋ.

1 Samuele 14:47

A nagon Saula aje morga tumatyan na Yisaraele nu, a möröni ko merok kanyit liŋ ti swötön ka ’de ka ’de, kweja adi a mörö ko ŋutu ti Moaba, ko ti Amon, ko ti Edom, ko moran ti Soba se ko ŋutu ti Pelesete; a nye te ’yi te ’ya se i swötön liŋ lo tiri nye kulu.

1 Samuele 22:3

A Dawidi ŋiörö tojo Misepa na Moaba; a nye kulyani ko mor lo Moaba adi, Nan böŋö mo ’yu do ko do bubulö rukökiŋdyö baba ko mama i si ’da konut ni, tojo ko nan a den ko ŋun de konakiŋdya nan nyo.

1 Samuele 22:4

A nye kölökiŋdye se ko mor lo Moaba yu, a se si ’dani ko lepeŋ yu i nu diŋit liŋ nagon Dawidi gwon i pirit ’danaet nago nu.