2 Samuele 8:11 - Bibilia Buk na Ŋun nagon koti luŋu a

¹¹ A mor Dawidi wukiŋdye kine ŋo köti ko MATAT mora ko pödö ko dakap nagon a ti juron liŋ logon nye a te ’ya kulo,

2 Samuele 8:11 ပူးပေါင်းရင်းမြစ်များ

2 Samuele 8:10

a Toi sonyoddi ŋuro lonyit Yorama ko mor Dawidi yu anyen roman ko lepeŋ, koti anyen puŋ a lepeŋ kogwon nye aje moro ko Adadejer ko aje te ’ya lepeŋ; kogwon Adadejer a ka ’do ’dolanit lo Toi. A Yorama baraddi tito nagon a pödö, ko a dakap ko a mölwö.

1 Moran 7:51

A gwe sona a mor Solomona tutuŋge kitajin liŋ ti kadi na MATAT. A Solomona joŋdi ŋo liŋ nagon Dawidi monye lonyit a gelakin MATAT, nagon a pödöjin ko dakap ko toro ’bo kune, a nye ’de ’yi se i piritön ’delesi ti kadi na MATAT.

1 Dekat 18:11

a mor Dawidi wukiŋdye kine ŋo köti ko MATAT mor a ko podö ko dakap nagon nye aje ryakun i jurön liŋ, kweja adi ko Edom, ko Moaba, ko ŋutu ti Amon, ko ti Pelesete, ko ti Amalek.

1 Dekat 29:2

Nyena nan a möŋu parik i galuŋdya na dakap anyen tetena a tito ti dakap, ko pödö a ti tito ti pödö, ko mölwö a ti tito ti mölwö, ko witiöt a ti tito ti witiöt, ko kaden a ti tito ti kaden, kine liŋ a ti kadi na Ŋun lio, kökö ŋurupö lorem logon a berilo, ko ŋurupö logon jojo to ’depaki a tokwelenyesi, ko ŋurupö lomilyaŋak, ko ŋurupö lokiri, ko gweyarijin ka ’de ka ’de ti ŋurupö lokwekwelen lo gwörö go, se ko ŋurupö nakwe namilyaŋak jore.

2 Dekat 5:1

Nyena a Solomona tutuŋge kitajin liŋ ti kadi na MATAT, a nye yekuŋdye ŋo nagon monye lonyit Dawidi köju a gelakin MATAT kune, a nye ’de ’yi podo, ko dakap, se ko toro ’bo liŋ i piriton ’delesi ti kadi na Ŋun.

Mika 4:13

Do köji na Siona, suluje gwuddyo ’bolot gwoso dwöt lo tokitai, kogwon nan mo kökon pogwora kulok a witiöt, a sulukwakan kulok gwe a mölwö, a do mo rarayaggi gweyajin ti ŋutu jore, a do mo wukiŋdye nan MATAT go na ryakun se a ŋo nake na rurwan, a do tiŋdi nan MATAT lo kak ’bukuluŋ tukworien nase.