2 Samuele 7:9 - Bibilia Buk na Ŋun nagon koti luŋu a

⁹ nan a gwon ko do i piritön liŋ nagon do a tiri kunu, ko aje ’duŋörö merok kulök liŋ kaŋo konut; a nan mo tiŋdi karin kunök i kuön parik gwoso karin ti ŋutu temejik ti na kak.

2 Samuele 7:9 ပူးပေါင်းရင်းမြစ်များ

Suluet 12:2

A nan mo tuŋduŋdye kaŋo konut jur duma, a nan mo ’boroji do, a töduma ’yi karin kunök, anyen do mo gwon a ’boriet.

2 Samuele 22:1

A Dawidi jambi ko MATAT ko kulyaesi ti lo köli i lor logon MATAT lwökuŋdye nye i könisi ti merok kanyit liŋ ko i könin lo Saula lu.

2 Samuele 22:30

lye, kogwon kulya kunök nan bubulö muddya teŋ na kamörök, koti kogwon kulya kunok ti Ŋun liŋ nan bubulö labara i lu swöt lo mariŋ.

2 Samuele 22:43

Nan a jikin se adi minyit, gwoso ŋutu ti kak; nan a muyugga se, a ryoggi se gwoso wo ’do ’do ti kikolin.

2 Samuele 23:1

Nyena a kilo gwe a kulyaesi ti Dawidi ti ’dutet adi: Ŋilo a ’dolet lo Dawidi ŋuro lo Yisai, ŋilo a ’dolet lo ŋuto logon a todumala, logon Ŋun lo Yakobo a welakin a mor lo, ko a miri kayolonit lo saumajin ti Yisaraele.

2 Samuele 5:10

A Dawidi puputuru ŋerot a iŋgo parik, kogwon MATAT Ŋun lo kurumi gwon ko lepeŋ.

2 Samuele 8:13

A karin ti Dawidi kuörö kuörö parik, na yitwene nye nagon nye aje rembu ŋutu aliŋan puök wot budök ti nutu ti Edom i pirit na ’dir na ’Balaŋ nu.

2 Samuele 8:14

A nye tiŋdi kamörök i si ’da Edom, a tiŋdi se i swötön liŋ ti Edom, a ŋutu liŋ ti Edom gwe a ’dupi ti Dawidi. A MATAT tiŋdi Dawidi a katelanit temba i piritön liŋ na tiri nye kunu.

2 Samuele 8:6

A Dawidi tiŋdi kamorok i si ’da Aram na Damaseke; a ŋutu ti Suria gwe a ’dupi ti Dawidi, a ’bukokiŋdye lepeŋ usur. A MATAT tiŋdi Dawidi a katelanit temba i piriton liŋ na tiri nye kunu.

1 Dekat 17:8

nan a gwon ko do i piritön liŋ nagon do a tiri kunu, ko aje ’dupörö merok kulök liŋ kaŋo konut; a nan mo tiŋdi karin kunök i kuön gwoso karin ti ŋutu temejik ti na kak.

Saumajin 21:6

Do titin lepeŋ i ’boria bia parik ŋupi; do a tulyöŋgu lepeŋ ko lyöŋon konut i komor.

Saumajin 89:23

Nan mo muyugga merok kak kanyit i komor, a nan mo tatuje ŋutu lo mandu lepeŋ kilo.

Luka 1:52

Nye aje nyokun kasarak kak i si ’daesi kase ti tumatyanjin, ama a nye iŋge ’bilikin ŋutu lokoyokak ki.

Yosua 6:27

Nyenagon a MATAT gwe ko Yosua; a nye kune kuön i lu jur ’bukuluŋ.

1 Samuele 18:14

A Dawidi gwe a lokoŋ i ŋo liŋ nagon nye kökon kune, kogwon MATAT gwon ko lepeŋ.

1 Samuele 18:30

A dumalak ti kamörök ti Pelesete poŋdi kaŋo i mörö, ama temba i diŋitan nagon se pöri kaŋo nu, a Dawidi gwe a lokoŋ i mörö lwölwöŋ köliŋönök ti Saula; nyena a karin kanyit bulani bula parik.

1 Samuele 2:8

Nye ’bi ’bilun lomerika ki i ŋutut, lepeŋ köti totoŋiun ŋutu lo gwon ko yöŋö na ŋo kulo ki i sudi lo kurök ti kimaŋ, anyen tosi ’daju se ko kimak i pirit na gepeŋ i ruddya na si ’daesi ti todumalan. Kogwon togwi ’diesi ti kak a ti MATAT, a nye iŋge pipiluŋdya kak i loki

1 Samuele 31:6

Nyena a twan na Saula gwe sona se ko ŋwajik kanyit musala kulo, ko ka ’dokonit lonyit lo tito moriesi lo, se ko ŋutu kanyit liŋ i pirit na geleŋ i lor geleŋ.

1 Samuele 5:10

A se soŋdi saŋduk na ŋun tojo ko köji na Ekron. A ko gwe sona na ’durökiŋdye saŋduk na ŋun Ekron nu, a ŋutu ti Ekron woŋoro ki adi, Lepeŋat aje joŋdya kayaŋ ni saŋduk na ŋun lo Yisaraele anyen ko tatuja yi ko ŋutu kaŋ.