2 Samuele 7:7 - Bibilia Buk na Ŋun nagon koti luŋu a

⁷ A i piritön liŋ nagon nan a wöröri ko ŋutu ti Yisaraele liŋ i pirit na geleŋ kunu, nan ŋona a jamakiŋdya nene ŋo ko lele lo ka ’duŋök ti Yisaraele, logon nan a sarakin se i yuggu na ŋutu kwe Yisaraele kulo adi, Ko nyo ta a ko ’dukökiŋdyö nan kadi ko kaden logon gwoso tika?

2 Samuele 7:7 ပူးပေါင်းရင်းမြစ်များ

2 Samuele 5:2

I diŋitan na lwoŋgu nagon Saula lo gwon a mor likaŋ nu, do köju lo nyömbu ŋutu ti Yisaraele i gor ko i nyököddu bot; a MATAT iŋge kulya ko do adi, Do mo lo gwon a kayukunit lo ŋutu kwe Yisaraele, a do mo gwe a kanyömönit lose.

1 Dekat 11:2

I diŋitan na lwöŋgu ma ’di na gwoŋdi Saula a mor nu, do köju lo nyömbu ŋutu ti Yisaraele i gor ko i nyököddu bot; a MATAT Ŋun ilot iŋge kulya ko do adi, Do mo gwon a kayukunit lo ŋutu kwe Yisaraele, a do mo gwe a kanyömönit lose.

1 Dekat 17:6

A i piritön liŋ nagon nan a wöröri ko ŋutu ti Yisaraele liŋ i pirit na geleŋ kunu, nan ŋona a jamakiŋdya nene ŋo ko lele lo ka ’dupök ti Yisaraele, logon nan a sarakin se i yuggu na ŋutu kwe kulo adi, Ko nyo ta a ko ’dukökiŋdyö nan kadi ko kaden logon gwoso tika?

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 66:1

A MATAT kulyani sona adi, ’Diko a si ’daet nio, a kak gwe a tökit nio na mokosi; a kadi gwe a nyo nagon ta ’dukökin nan? Iŋkoi, pirit a nyo nagon nan yukan kata?

Yeremia 23:4

A nan mo wuluŋdye kayukuk logon mo yuggu se, a köbilu kwe mo tine kujönö köti, kode delya, a nene nase mo tine likin köti. Kilo a kulyaesi kwe ti MATAT.

Yeremia 3:15

A nan mo tiŋdi ta kayukuk logon töili lio ’de ’deggi kulo, a lepeŋat mo yuggi ta ko deŋdya se ko kuruŋdyö na kulya.

Ejikele 34:15

A nan ko mugun nio mo lo gwe a kayukunit lo köbilu kwe,

Ejikele 34:2

ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?

Ejikele 34:23

A nan mo tiŋdi ŋuto geleŋ logon a Dawidi köliŋönit lio a kayukunit lose, a lepeŋ mo lo tunyeji se, iŋkoi, lepeŋ mo lo tunyeju se a gwe a kayukunit lose.

Mika 5:4

A nye mo gwo ’de gwo ’dan ko riŋit na MATAT i yuggu na yidin kanyit, i todumalan na karin ti MATAT Ŋun lonyit. A se mo si ’dani ’bak kujono, kogwon riŋit nanyit aje yegga tojo ko ’dutesi ti kak;

Matayo 2:6

Ta ŋutu ti Beteleme na gwon i jur lo Yuda, ma ’di ködyö kötumit nasu a na ’dit i kiden na kasarak ti Yuda, ama kasaranit mo pupukun kaŋö konut logon mo yuggu ŋutu kwe Yisaraele.

Konesi 20:28

Tiji ta ’börik, köti tiji ta teŋ na yidin ’bukuluŋ nagon Mulökötyo Loke a tiŋdu ta a kamemetak kase na, anyen ta yuggu kanisa na Matat, nagon nye a ryekin mugun ko rima kanyit na.

Konesi 21:28

a lepeŋat kulyajine ki adi, Ta ŋutu ti Yisaraele, paraki ta yi! Ŋilo a ŋuto logon todiŋdyö ŋutu arabat i piritön liŋ i kulya ti ŋutu kaŋ ko i kulya ti Saresi kaŋ ko i kulya ti na pirit; a nye köti joŋdi ŋutu ti kulye jurön i Kadi na Ŋun, a iŋge toluddya na pirit nake na rurwan.

Nyökit 23:14

Kogwon MATAT Ŋun losu gwon i wörö i kiden na mera nasu, i lwöggu na ta ko i pakiŋdya na ta merok kasu, nyenagoŋ a mera nasu ködyö gwe a nake na rurwan, an nye ko meddya nene tolimuön kasu a löpuköddi kaŋo kasu.

1 Petero 5:1

Nan gwon ko kulya na jamaki ŋutu kasu logon a temejik kilo. Nan jambu ko ta kogwon nan köti a lele temejiktyo. Nan a ŋuto logon ’diri a met Kristo i ŋoŋgo, a nan yeŋdi ŋaruŋdya na bulet nagon mo kwekweya nu.