2 Samuele 7:6 - Bibilia Buk na Ŋun nagon koti luŋu a

⁶ Nan a ko si ’da kadi suluja i lor logon nan a toyuuŋdyö ŋutu ti Yisaraele kaŋo i Ejipeto tojo ko lo lor, ama nan gwon i tuwöröji i kemia a kadi nio.

2 Samuele 7:6 ပူးပေါင်းရင်းမြစ်များ

2 Samuele 11:11

A Uriya nyobbi Dawidi adi, Saŋduk na ŋun ko ŋutu ti Yisaraele ko ti Yuda doto i murugujin; a duma liŋ Yöaba ko köliŋönök kanyit ’beggu mera mu ’diŋ; nyena ada lolor nagon nan tu köyö mede i nyesu ko i möju ko i doto ko narakwan nio? ’Diri gwak, gwoso na gwoŋdi do na, ko gwoso na gwoŋdi ködudwö inot na, nan ti bulö koŋdya ŋina ŋo.

1 Moran 8:16

Suluja i lor logon nan a joŋdi ŋutu kwe Yisaraele kaŋo i Ejipeto lu, a nan gwe a ko wuluŋdyö köji i kötumitön liŋ ti Yisaraele nagon ’dukörikin kadi, anyen karin kwe mo gwon nyu; ama nagon nan a wuluŋdyö Dawidi a duma lo ŋutu kwe Yisaraele.

Konesi 7:44

Merenyejin kaŋ koju gwon ko kemia i yobu yu nagon tokororikin adi Ŋun gwon ko se. Ŋina kemia koju a tetena gwoso nagon Ŋun a sarakiŋdya Mose i teteŋdya, gwoso i miret nagon nye a met nu.

2 Korinto 6:16

Kadi na Ŋun ŋona bubulö gwon a ŋo geleŋ ko nyömuejin le? Kogwon yi a kadi na Ŋun lo gwon jörun; gwoso na kulyari ŋun nu adi, Nan mo gwolor ko se, a mo wöröni ko se; a nan mo gwe a ŋun lose, a se mo gwe a ŋutu kwe.

Nyökit 23:14

Kogwon MATAT Ŋun losu gwon i wörö i kiden na mera nasu, i lwöggu na ta ko i pakiŋdya na ta merok kasu, nyenagoŋ a mera nasu ködyö gwe a nake na rurwan, an nye ko meddya nene tolimuön kasu a löpuköddi kaŋo kasu.

Yosua 18:1

A momoret ’bukuluŋ na ŋutu ti Yisaraele pepenuŋdye Silo, a ’bikikiŋdye kemia torumet nyu; a jur liŋ iŋge tela kase i komor.

Kweyatti 2:1

Wuroki malaikatat lo kanisa na gwon Epeso na adi, Kilo a kulyaesi ti nye lo ’debba kaser buryo kanyit i könin lutaten, lo wörö i kiden na lombojin buryo logon a dakaŋ lo.

Ka’duŋök 20:27

A ŋutu ti Yisaraele iŋge piyuŋdya ko MATAT (kogwon saŋduk na tomoret na ŋun gwon nyu i kilu perok,