2 Samuele 7:23 - Bibilia Buk na Ŋun nagon koti luŋu a

²³ Nene kotumit ŋona kata kak ni nagon gwoso ŋutu kulok Yisaraele le? Kogwon do Ŋun a tu i lwökuŋdyö na se Ejipeto yu anyen gwon a ŋutu kulok. A do iŋge tiŋdu karin kunok i kono parik kogwon do a konakiŋdya ŋutu kulok ŋo temejik ko sörösi, i rikoddu na ŋutu liŋ ti ŋilu jur kaŋo kase i ko-mon mora ko nunyen kase.

2 Samuele 7:23 ပူးပေါင်းရင်းမြစ်များ

2 Samuele 7:24

A do aje togwo ’ya nutu kulok Yisaraele anyen gwon a nutu kulok lomoriot nupi nupi, a do koti gwe a Ŋun lose pon MATAT.

1 Dekat 17:21

Nene kötumit ŋona kata kak ni nagon gwoso ŋutu kulök Yisaraele le? Kogwon do Ŋun a tu i lwökuŋdyö na se Ejipeto yu anyen gwon a ŋutu kulök. A do iŋge tiŋdu karin kunök i kuön parik kogwon do a konakiŋdya ŋutu kulök ŋo temejik ko sörösi i riköddu na ŋutu ti jurön kaŋo ko ŋutu kulök i komor, logon do a lwökuŋdyö se kaŋo i Ejipeto.

Nemaya 1:10

Kilo a kölipönök kulök ko a ŋutu kulök logon do a lwökuŋdyö ko riŋit inot duma ko könin ilot iŋgo.

Saumajin 106:22

iŋkoi, a kondya kitajin sörösi i jur lo Ama, ko kulya tokujönöesi nyona ko Tör Nator.

Saumajin 111:9

Nye a sondu a iŋge lwökundyö ŋutu kanyit, nye a togwi ’dikindya tomoret nanyit go ŋupi ŋupi. Karin kanyit a nake kukujönörikin.

Saumajin 145:6

Ŋutu mo jambu kulya ti riŋit na konesi kunök nagon se kukujönöri, a nan mo tukökindye kulya ti todumalan inot.

Saumajin 147:20

Nye a ko konakindya lele jur sona; kulye ŋutu a ko den saresi kanyit. Pupurje ta MATAT!

Saumajin 40:5

Pon MATAT Ŋun lio, do a konakin yi ŋo jore sörösi, do yeyeju yi parik. Lele ’bayin logon gwon jojo ko do! Ko nan ködyö nyönyöggu jambu kulya nagon do yeyeju konakindya yi kine, a se gwe jore lalaŋgu i kena.

Saumajin 44:3

Ama se a ko riŋundya ŋilu jur ko bandujin kase, köti könisi kase a ko tindu se i te ’ya; ama könin ilot lo lutaten se ko parara na komor inot a tindu lepeŋat i te ’ya, kogwon do a lyöŋön ko se.

Saumajin 65:5

Pon Ŋun kalwökönit likaŋ, do ruruk kwasesi kaŋ, do kondya kulya sörösi i lwö-kundyö na yi. Ŋutu ti ’dutesi ti kak liŋ yinikindyö ’börik konut, iŋkoi, ŋutu lo gwon ŋajo i törön ti ’balaŋ kulo yinikindyö ’borik konut.

Saumajin 66:3

Kulyani ta ko Ŋun adi, Konesi kunök totokiijöndu! Riŋit inot a duma, nyenagon a merok kulök bönundye konut i komor.

Yuörö 12:12

Kogwon i lu tukwaje nan mo laŋaddu i jur lo Ejipeto, a nan mo tatuje kayujin liŋ ti jur lo Ejipeto, kweja adi kayujin ti Ŋutu ko ti toro ’bo; a nan mo ’duŋökiŋdye ŋunyen liŋ ti Ejipeto putet. Nan logon a MATAT.

Yuörö 33:16

Kogwon mo dena ada adi nan se ko Ŋutu kulök a ryö ’busan konut i komor? Ŋutu mo deŋdya adi do a lyöŋön koyi kogwon do a moraddu koyi, ’bayin sona le? Nyena a yi mo gelwene ka ’de, nan ko Ŋutu kulök i kiden na Ŋutu liŋ lo gwon i na kak kulo.

Yuörö 6:7

a nan mo joŋgi ta a Ŋutu kwe, a nan mo gwe a Ŋun losu, a ta mo dene den adi nan a MATAT Ŋun losu logon a joŋdya ta kaŋo i kita na pömöni nagon Ŋutu ti Ejipeto a ri ’dikin ta na.

Yuörö 9:15

Kogwon suluja i nu diŋit tojo ko soŋinana ko nan ködyö a riöddu könin lio i gwuddyö na do se ko Ŋutu kulök ko twanti iŋgo, a do ködyö aje tukara i na kak;

Yuörö 9:16

ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ.

Yeremia 32:20

Do köju a kweja kweyesi ko sörösi i jur lo Ejipeto, do nyuŋ kweja se i kiden na Yisaraele ko i kiden na gweyajin liŋ ti ŋutu, a do iŋge tiŋdu karin kunök i kuön gwoso i lo lor na.

Yeremia 32:21

Do köju a joŋdya ŋutu kulök Yisaraele kaŋo i jur lo Ejipeto ko kweyesi ko sörösi, ko könin iŋgo lo riöji ko tokujönöesi dumalak,

Ejikele 20:9

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon se ŋutu ti Yisaraele si ’da kase kiden kulu, logon nan a tikin mugun i dena kase i metet na joŋdi nan Yisaraele kaŋo i jur lo Ejipeto köju nu.

Kenet 6:27

Nyena a se ködyö ’diŋdye karin kwe i ŋutu ti Yisaraele, a nan mo ’boroji lepeŋat.

Epeso 1:6

Lepeŋ a kondya sona anyen yi pupurja kwelen na ’busan nanyit nagon nye a ’doggi yi kana na ko Ŋuro lonyit lo nyanyara i mugun.

Nyökit 10:21

Ta ködyö pupurja lepeŋ; nye a Ŋun losu logon a konakin-dya ta kine ŋo temejik ko tokujönöesi nagoŋ ta aje met ko konyen kasu.

Nyökit 15:15

A ti do yiyiuŋdye adi do köju gwon a ’dupiet i jur lo Ejipeto, a MATAT Ŋun ilot aje dakuŋdya do kaŋo; nyenagoŋ a nan aje sarakiŋdya do kine kulya i lo lor.

Nyökit 33:29

Ta ŋutu ti Yisaraele ’diri a kalyöŋök! Ko ŋa logon gwoso ta logon a gweya na ŋutu logon MATAT a lwök kulo! MATAT a ’buku paret nasu, ko a baŋdu telet losu. A merok kasu mo mamanyuŋdye kasu ni; a ta mo ryoryöggi ko ’dulan kase.

Nyökit 9:26

a nan momo ’yi MATAT adi, Pon MATAT Ŋun, ko tukaŋu ŋutu kulök lomoriot logon do a dakun ko todumalan iŋot, logon do a toyuuŋdyö se kaŋo i Ejipeto ko könin iŋgo kulo.

Tito 2:14

Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.

Yosua 7:9

Kogwon ŋutu ti Kanana se ko ŋutu ti lo jur liŋ de ko yiŋge, a de tumakiŋdye yi kiden, a de ’duŋöddi karin kaŋ kaŋo i na kak; a do de koŋdi nyo kogwon karin kunök na kukwön?

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

Kweyatti 5:9

A kilo ŋo iŋwan se ko temejik kulo yo ’yi koli ludukotyo adi, Do a lo ’but jujukin ’dumuŋdya ŋina waraga ko i ŋaŋdu na nya ’dotesi kanyit, kogwon do koju a ’duŋö, a rima kunok iŋge gwörökiŋdyö Ŋun ŋutu ti kotumiton lio, ko ti kutusen liŋ, ko ti gweyajin lio se ko ti juron liŋ.