2 Samuele 7:2 - Bibilia Buk na Ŋun nagon koti luŋu a

² a mor kulyani ko nebi Natana adi, Mete, nan lo soŋinana si ’dani i kadi na tetena ko kaden logon gwoso tika, ama saŋduk na Ŋun nu gwon i kemia.

2 Samuele 7:2 ပူးပေါင်းရင်းမြစ်များ

2 Samuele 11:11

A Uriya nyobbi Dawidi adi, Saŋduk na ŋun ko ŋutu ti Yisaraele ko ti Yuda doto i murugujin; a duma liŋ Yöaba ko köliŋönök kanyit ’beggu mera mu ’diŋ; nyena ada lolor nagon nan tu köyö mede i nyesu ko i möju ko i doto ko narakwan nio? ’Diri gwak, gwoso na gwoŋdi do na, ko gwoso na gwoŋdi ködudwö inot na, nan ti bulö koŋdya ŋina ŋo.

2 Samuele 12:1

A MATAT sonyoddi Natana ko Dawidi yu. A Natana ’duröki kanyit yu, a kulyani ko lepeŋ adi. Kulye ŋutu kata murek i nene köji, lele lose a kwörinit a lele gwe a lomeri.

2 Samuele 5:11

A Kiram mor lo Turo sonyoddi luyökie ko Dawidi yu joŋga kaden logon gwoso tika, se ko kakepak ti kaden ko ka ’dukök logon a ’dukö-kiŋdyö Dawidi kadi.

2 Samuele 6:17

A ŋutu tolupöddi saŋduk na MATAT i lukata na kemia nagon Dawidi a ’bikikin lepeŋ na, a tosi ’dakiŋdye nye kanyit i pirit; a Dawidi wukiŋdye rubaŋgajin lo ’yu ’yura ’buluŋ ko rubaŋgajin ti taliŋ ko MATAT i komor.

2 Samuele 7:17

A Natana nyönyökökiŋdye Dawidi kilo kulyaesi liŋ ko ŋo liŋ nagon a kweki lepeŋ kune.

1 Moran 1:22

Nyena mete, nagon nye nyuŋ jajambu ko mor nu, a nebi Natana lo lupöni lukata.

1 Moran 1:8

Ama a koane Sadok, ko Benaya ŋuro lo Yoyada, ko nebi Natana, ko Simei, ko Rei, ko ŋutu walan ti Dawidi gwe a ko morakiŋdya ko Adoniya.

1 Moran 4:5

a Ajaria ŋuro lo Natana gwe a duma lo kamemetak; a Tabuda ŋuro lo Natana gwe a koane ko köti a ju lo mor;

1 Moran 8:17

Nyena a Dawidi monye lio gwe ko ’deket kanyit i töili anyen ’dukökiŋdyö karin ti MATAT Ŋun lo Yisaraele kadi.

1 Dekat 14:1

A Kiram mor lo Turo sonyoddi luyökie ko Dawidi yu lo joŋga kaden gwoso tika, se ko ka ’dukök ko kakepak ti kaden anyen se tu ’dukö-kiŋdyö Dawidi kadi.

1 Dekat 16:1

A se tolupöddi saŋduk na A Ŋun, a tosi ’dakiŋdye lepeŋ i lukata na kemia nagon Dawidi a ’biki-kin lepeŋ na; a se wukiŋdye rubaŋgajin lo ’yu ’yura ’buluŋ ko rubaŋgajin ti taliŋ ko Ŋun i komor.

1 Dekat 22:7

A Dawidi kulyani ko Solomona adi, ŋuro liŋ, töili liŋ köju a ’dekan ’duggö kadi a na karin ti MATAT Ŋun liŋ.

1 Dekat 29:29

Nyena konesi ti mor Dawidi, suluja i suluet tojo ko ’dutet, a wuröki i Dekat ti Samuele kametanit lo kulya na popo, ko i Dekat ti nebi Natana, se ko i Dekat ti Gada kametanit lo kulya na popo,

2 Dekat 1:4

(Ama a Dawidi aje ’dokoro saŋduk na Ŋun kaŋo Kiryat-yarim yu tojo ko pirit nagon lepeŋ aje tetenakin nye nu. Kogwon lepeŋ aje ’bikikiŋdyö ŋinu saŋduk kemia Yerusalema nyu.)

2 Dekat 29:25

A nye sarakiŋdye Lewijin i gwo­ ’dan ko re gwoesi ko tomon ko rababa­jin i kadi na MATAT, gwoso i saresi ti Dawidi ko ti Gada ŋuto lo mor, logon a kametanit lo kulya na popo, se ko ti nebi Natana; kogwon ŋilo salet a lo MATAT logon a jama ko nebijin kanyit.

2 Dekat 9:29

A pitönö ti konesi ti Solomona i suluwa tojo ko ’dutet, kine ’bayin a se nagon a wurö i dekat ti nebi Natana, ko i keesi ti Akiya Silotyo, ko i ŋo na met Ido kametanit lo kulya na popo i kulya ti Yerobama ŋuro lo Nebat le?

Saumajin 132:2

Yeyeji ko nye a milyekin do MATAT ada; yeyeji ko nye a nyesu milye ko do Riŋit na Yakobo adi,

Saumajin 132:5

tojo ko nan a ryekindyö MATAT ŋirit, iŋkoi, tojo ko nan a ryekindyö Riŋit na Yakobo ŋirit si ’daet.

Yuörö 40:21

a nye joŋgi saŋduk i kemia lukata, a togwi ’dikiŋdye boŋgo koiet ki, a muŋge saŋduk na ŋurupö tökoresi; gwoso na sarakiŋdye MATAT Mose nu.

Kagai 1:4

Na a diŋit nagon ta ko mugunya kasu si ’da kasu i kadijik na gwon ko lo ’deka lo ’but, ama na kadi gwon a murwo sona le?

Yoane 2:17

A ŋutu kanyit kajujumuk yiyiuŋdye kulyaesi logon a wurö adi, Pusök nio na kadi inot mo totomi nan asut.

Konesi 7:46

A Dawidi iŋge ryeju ’busan ko Ŋun i komor, a pije lepeŋ anyen nye tetenakiŋdya nye ŋun lo Yakobo pirit si ’daet.