2 Samuele 7:13 - Bibilia Buk na Ŋun nagon koti luŋu a

¹³ A nye mo ’duŋge kadi kogwon karin kwe, a nan mo togwo ’yi si ’daet na tumatyan nanyit go ŋupi ŋupi.

2 Samuele 7:13 ပူးပေါင်းရင်းမြစ်များ

Suluet 49:10

Ture lo tumatyan ti wuddya ko Yuda i könin, iŋkoi, kasaranit mo ti jaran pukun i kiden na mokosi kanyit, tojo ŋilo ŋuto a po logon kine go a kanyit lo; a gweyajin ti Ŋutu mo twöji lepeŋ.

2 Samuele 22:51

Ŋun titiŋdu lwökit duma ko ŋuto logon nye a welakin a mor lo, a nye kwekiŋdye Dawidi ko nya-kwariat kanyit ŋupi ŋupi nyaŋu nanyit nagon ti ’duddyö kwöŋ.

2 Samuele 7:16

A kotumit inot ko tumatyan inot mo yeŋe go ŋupi ŋupi koyo i komor; a si ’daet na tumatyan inot mo togwi ’dikine go ŋupi ŋupi.

2 Samuele 7:27

Kogwon do pon MATAT lo kurumi, Ŋun lo Yisaraele, do aje kwekiŋdya nan koliŋonit ilot adi do mo pipilikin-dya nan kotumit nio; nyenagon a nan koliŋonit ilot a ryo koyo i töili anyen nan momo ’yu do ko ŋilo kwaset a purutat.

1 Moran 2:24

Nyenagon ’diri gwak, gwoso na gwoŋdi MATAT na, logon aje togwi ’dikin nan go, ko a tiŋdu nan i si ’daet na monye lio Dawidi, ko a pipiluŋdya nan a kötumit lo, gwoso na milyeji nye nu, ’diri Adoniya de tatatua i lo lor.

1 Moran 2:4

anyen MATAT böŋö togwi ’dikiŋdya kulyaesi kanyit logon nye a jamakin i kulya kwe adi, ko ködyö ŋwajik kwe a tiju kikolin kase anyen wöwörö kanyit i komor ko to ’diri ko töilyet kase lio ko kodudwö-lön kase lio, a lele ŋuto mo tine jaran i si ’daki köyö i si ’daet na tumatyan na Yisaraele.

1 Moran 2:45

Ama nan mor Solomona mo ’bo ’boria, a si ’daet na tumatyan na Dawidi mo totogwi ’diki go ko MATAT i komor ŋupi ŋupi.

1 Moran 5:5

Nyenagon nan yöŋö ’duggö kadi a na karin ti MATAT ŋun lio, gwoso na kulyari MATAT ko Dawidi monye lio nu, adi, ŋuro ilot logon nan mo titin konut i si ’daet i pirit inot lu, nye molu lo ’duggi kadi kogwon karin kwe.

1 Moran 6:12

Nan jambu ko do i kulya ti ŋina kadi nagon do ’du ’duk na, adi ko do mo wöröji i saresi kwe lo wurö, ko do mo koŋdya gwoso jujuwesi kwe ko ’de ’deŋ saresi kwe liŋ anyen kepöddu se, a kirut nan mo togo ’yi kulyaesi kwe ko do logon nan a takin Dawidi monye ilot kulo.

1 Moran 8:13

Nan aje ’dukökiŋdyö do kadi si ’daet inot, nagon a pirit inot gwiliŋit ŋupi ŋupi.

1 Moran 8:15

A nye kulyani adi, Ti MATAT Ŋun lo Yisaraele purani pura, kogwon nye aje koŋdya ko könin lonyit gwoso nagon nye aje milyekin monye lio Dawidi ko kutuk nanyit adi,

1 Moran 8:19

nagon kölumbö do mo ti ’duggö kadi, ama ŋuro ilot logon mo yuyupweki do lu nye mo lo ’duggö kadi kogwon karin kwe.

2 Moran 21:4

A nye ’duŋge piritön ’yuresi ti rubaŋgajin i kadi na MATAT, nagon MATAT a kulyari adi, Nan mo tiŋdu karin kwe Yerusalema na.

2 Moran 21:7

A nye tiŋdi Asera nagon a nyömue na gigiru nagon nye a teten na i kadi na Ŋun. Ŋina a kadi nagon köju MATAT a kulyari ko Dawidi se ko ŋuro lonyit Solomona adi, Nan mo tiŋdu karin kwe ŋupi i na kadi, ko i Yerusalema nagon nan a wulun i kötumitön liŋ ti Yisaraele na;

2 Moran 8:19

Ma ’di sona MATAT a ko ’dekan tukaŋu Yuda, kogwon kulya ti Dawidi köliŋönit lonyit, gwoso na milyeji MATAT i tiŋdu na Dawidi se ko nyakwariat kanyit kötumit nagon gwoso lombo lo kokobbu ŋupi.

1 Dekat 28:10

Yeyeji yeyeju soŋinana, kogwon MATAT aje wuluŋdyö do anyen ’duggö kadi a pirit nake na rurwan; gwe do a iŋgo ko kitani kita.

2 Dekat 33:4

A nye ’duŋge piriton ’yuresi ti rubaŋgajin i kadi na MATAT, nagon MATAT a kulyari adi, Karin kwe molu gwon Yerusalema ŋupi.

2 Dekat 6:16

Nyenagon pon MATAT Ŋun lo Yisaraele, ’depe ’deŋ milye ilot kase kölipönit ilot Dawidi monye liŋ, logon do a jamakin lepeŋ adi, Do mo ti jaran ko ŋuto koyo i komor logon mo ruddya tumatyan na Yisaraele, ko kodyo ŋwajik kulok gwon ko tirikwet i kiko lose, anyen woro koyo i saresi, gwoso nagon do a worori koyo i komor na.

Eyobo 36:7

Lepeŋ a ko löpuköddu konyen kanyit kaŋo i ŋutu lo rigwo. Nye a tosi ’dakiŋdya moran i si ’daesi ti tumatyanjin ŋupi, a lepeŋat bu ’ye ’börik.

Saumajin 72:17

Ti karin kanyit yeŋoro ŋupi, ti karin kanyit yeŋoro na gwondi kolor nu! Ti ŋutu mo ’yi Ŋun anyen ’boroja se gwoso na ’boroji Ŋun mor na, ti jurön liŋ luŋgi lepeŋ a kalyöpönit!

Saumajin 89:21

Nan de ŋaparakin lepeŋ ko könin lio, iŋkoi, nan de togo ’yu lepeŋ.

Saumajin 89:29

A nan mo tindi kötumit nanyit ŋupi i gwo ’dan go, nan tindu si ’daet na tomoran nanyit i gwo ’dan go gwoso nagon ’diko gwo ’dan go na.

Saumajin 89:4

Nan mo titin nyakwariat kulök i tumatyan ŋupi ŋupi, iŋkoi, nan totogwi ’dikin si ’daet na tomoran inot tojo i nyakwariat liŋ.

Yisaya 49:8

MATAT lo kulya sona adi, Nan a ruggö do i diŋit na ’but, a nan garakiŋdye do i lor lwökit. Nan aje ’debba do ko a tiŋdu do i gwon a katomoranit lo ŋutu, i teteŋdya na kulya ti jur, i korakiŋdya na ŋutu rutat nagon a kölöki a rubajin;

Yisaya 9:6

Kogwon lupudi a yugweki yi, a ŋuro lo ’dokarikin yi; a tumatyan mo gwe kanyit i kido, a karin kanyit mo luguni a Kajujuwanit katusörönit, a Ŋun Kabulönit, a Monye lo yeŋ nyin, a Mor lo taliŋ.

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Yeremia 33:17

Kogwon nan MATAT lo kulya adi, ŋuto lo kötumit na Dawidi mo tine jaran i si ’daki i si ’daet na tumatyan na kötumit na Yisaraele,

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Daniele 2:44

A i perok ti kilu moran a ŋun lo ki mo togwi ’dikiŋdye tumatyan nagon ti bulö tukara asut, a riŋit saret na ŋina tumatyan mo tine bulö tiki lele gweyari lo ŋuto. A lepeŋ mo gwagwalaggi kine tumatyanjin liŋ i tupesi a tukaŋi se adi sit, a nye mo na yeŋe ŋupi;

Jakaria 6:12

taki lepeŋ adi, MATAT lo kurumi lo kulya sona adi, Mete ŋilo ŋuto logon karin kanyit a Kene lo; nye mo wiwilun ki kanyit i pirit, a nye mo ’duŋge kadi na MATAT.

Jakaria 6:13

ŋilo a nye logon mo ’duggo kadi na MATAT, a mo ’depaddi minyo lo tumatyan, a mo si ’dani kanyit i si ’daet a matat. A koane mo gwe kanyit i si ’daet nyona, a taliŋ mo gwe kase kiden se liŋ murek.

Matayo 16:18

Nyena nan takiŋdya do adi, Do a Petero lurutat, a nan mo gweyuŋdye kanisa nio i ŋilo lurutat, a riŋitön ti twan mo tine te ’ya ŋina momoret na kayupok.

Ebere 3:3

Ama Yesu jojo bula lwölwöŋ Mose, gwoso nagon kapipilunit lo mede bubula lwölwöŋ mede nanyit na.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.