2 Samuele 6:14 - Bibilia Buk na Ŋun nagon koti luŋu a

¹⁴ A Dawidi gwoji gwoja ko MATAT i komor ko riŋit nanyit liŋ; a Dawidi iŋge pita-kiŋdya boŋgo na waratat na parere na luŋu a epoda kanyit i mukök.

2 Samuele 6:14 ပူးပေါင်းရင်းမြစ်များ

1 Samuele 2:18

A Samuele kitani ko MATAT i komor, a ŋilo ŋuro iŋge pitakiŋdya kanyit i mukök boŋgo na waratat naparere na luŋu a epoda.

Yuörö 15:20

A nebi Miriama kiaser Arona ’dumakiŋdye tiŋgili kanyit i könin; a Ŋutu wate liŋ gwöaddi ko lepeŋ i mukök ko tiŋgiliet.

Saumajin 150:4

pupurje ta lepeŋ ju ’yö tiŋgiliet ko i gwoja! pupurje ta lepeŋ ju ’yö ŋutu si ko kuddya kili ’bajin!

Saumajin 149:3

Ti se pupurje karin kanyit ko gwoja; ti se yulukindye lepeŋ puresi ju ’yö tiŋgiliet ko tomon!

Ka’duŋök 11:34

A Yepeta ’dure Misepa kanyit mede; mete, a ŋuro nanyit iti koŋo i mordu na lepeŋ ko tiŋgiliet ko gwoesi. Nye tuŋ geleŋ nagwona pilili namonye; iŋkoi, monye ’bak ŋuro lalet kode ŋuro nanakwan wat ŋina ŋuro.

Kolosai 3:23

Ko ta koŋdya nyo, koŋdi ta ko toilyet kasu liŋ, gwoso nagon ta kitakiŋdye Matat na ti gwon a ŋutu,

Saumajin 30:11

Do a lopukökin nan delya nio a worani a kore; do a laggu terekesi kwe, a duku-kindye nan lyöŋön.

1 Samuele 2:28

A nan geluŋdye merenye ilot kaŋo i kotumiton liŋ ti Yisaraele anyen gwon a koane liŋ, anyen tu köyö i pirit ’yuret na rubaŋgajin, i ’yuŋa na bökur ko i jupu na epoda köyö i komor; nan aje tikin kötumit na mere-nyu rubaŋgajin kwe liŋ lo ’yu ’yura ’buluŋ logon ŋutu ti Yisaraele a wukin kulo.

Luka 15:25

Ama a ŋuro logon a kayu lo gwe i melesen, a na pöri nye a gwe nyona ko ’dur mede nu, a nye yiŋge ŋutu yoyolo ko gwogwoja.

Katokuönit 9:10

Kondi kita nagon könisi kulök a ryöun ko riŋit inot liŋ, kode a nyo; kogwon kita, kode yeyeet, kode dendya na kulya, kode koŋon ’bayin kak yu i ŋirit na mulökö nagon do tu kata nu.

1 Dekat 15:27

A Dawidi jupuni boŋgo na waratat naparere, gwoso na jupuri Lewijin liŋ logon a ka ’dokök ti saŋduk, se ko kayolok ko Kenania kanyömönit lo kayolok; a Dawidi köti jupuni boŋgo na waratat na luŋu a epoda.

1 Samuele 22:18

A mor kulyani ko Doega adi, Iŋgo, tatune kilo koanejin. A Doega ŋuto lo Edom lo miju ŋun a tatuje koanejin kulo i ŋilu lor gwoso ŋutu merya budök wot mukanat logon a jupu epoda nagon a boŋgo naparere.

Ka’duŋök 21:21

ko tiji ta tiju; ko kö ’disi ti Silo lupuŋdyö kaŋo i gwoja na kore, kirut puku ta kaŋo i luköbiöt ti kaden ti binyo, ko momokakiŋdye ta ’börik wate ŋuto geleŋ ko nanyit narakwan i kö ’disi ti Silo, ko iti ta i jur lo Benyamina.

Nyökit 6:5

do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.

Yuörö 19:6

a ta mo gwe köyö a koanejin ti mor, ko a jur lo gelwe a loke. Kilo a kulyaesi logon do ködyö jamakin Ŋutu ti Yisaraele.

Yuörö 15:21

A Miriama ’dulukiŋdye se adi, Yulukiŋdye ta MATAT kogwon nye aje te ’ya parik; nye aje gubakiŋdya kusan ko kajoŋanit lonyit i tör na ’balaŋ.

2 Samuele 6:15

Nyenagon a Dawidi ko kötumit liŋ na Yisaraele ’dokoddi saŋduk na MATAT wowoŋoro ko kukutaddu toriot.

2 Samuele 6:20

A Dawidi yitwene i ’boroja na mede nanyit. Ama a Mikala tore na Saula lupene kaŋo i rum ko Dawidi, a kulyani adi, Do mor lo Yisaraele ’diri bu ’ya mugun i lo lor, i wörö inot a limu kana i komor na köliŋönök wate ti ŋutu kulök gwoso ŋuto logon ’bak ’bulit lo wöwörö a limu kana ’bak yu na kwe le?

Saumajin 87:7

A kayolok ko kagwoak ti kore köti kulyani adi, Yi liŋ pipilundya konut.

Ejikele 46:10

Ko lepeŋat lupö lukata a kasaranit lupöni ko se i pirit na geleŋ, a nagon se lupene kaŋo nu, a nye ködyö lupene ko se i pirit na geleŋ.