2 Samuele 6:12 - Bibilia Buk na Ŋun nagon koti luŋu a

¹² A kine kulya iŋge nyönyököki mor Dawidi adi, MATAT aje ’boroja mede na Obede-edom ko ŋo kanyit liŋ kogwon kulya ti saŋduk na Ŋun. A Dawidi iti tu, a joŋdi saŋduk na Ŋun kaŋo ko Obede-edom kadi a joŋgi tojo ko köji na Dawidi lukata ko lyöŋön a duma.

2 Samuele 6:12 ပူးပေါင်းရင်းမြစ်များ

2 Samuele 5:7

Kölumbö a Dawidi morgi nu pirit nago nagon a Siona, ŋinu a köji na Dawidi.

1 Moran 8:1

A mor Solomona momori ŋutu temejik ti Yisaraele kanyit i komor Yerusalema yu, se ko ŋutu ti kokwe liŋ ti kotumiton logon a kusik ti kötumitön ti merenyejin ti ŋutu ti Yisaraele. A nye momori se anyen dogga saŋduk na tomoret na MATAT na gwon i köji na Dawidi nagon a Siona.

1 Moran 8:3

A ŋutu temejik liŋ ti Yisaraele iŋge po, a koanejin ’dukuŋdye nu saŋduk.

1 Moran 8:4

A se joŋdi nu saŋduk na MATAT, ko kemia torumet, ko toro ’bo liŋ loke lo gwon i ŋinu kemia; a koanejin se ko Lewijin yekuŋdye se.

1 Dekat 15:15

A Lewijin ’doggi saŋduk na Ŋun ko turya kase i geliya, gwoso saret lo Mose logon a taki lepeŋ ko MATAT.

1 Dekat 15:25

Nyena a Dawidi ko temejik ti Yisaraele se ko dumalak ti kamörök ti aliŋan iti i joŋdya na saŋduk na tomoret na MATAT kaŋo ko Obede-edom kadi ko lyöŋön a duma.

1 Dekat 16:16

ŋinu a tomoret nagon nye a teteŋdya se ko Abarayama, ko a milye logon nye a milyekin Yisaka,

1 Dekat 26:4

A Obede-edom gwe ko ŋwajik lyan logon a ko Semaya kayu lose, ko Yeyojabada a logoni, ko Yöak a tomusala, ko Sakar a toiŋwan, ko Netanele a tomukanat,

1 Dekat 26:5

ko Amiele a tobuker, ko Yisakar a toburyo, ko Puletai a tobudök; kogwon Ŋun a ’boro lepeŋ.

2 Dekat 5:2

A Solomona momori ŋutu temejik ti Yisaraele Yerusalema yu, se ko ŋutu ti kokwe liŋ ti kotumiton logon a kusik ti kotumiton ti merenyejin ti ŋutu ti Yisaraele. A nye momori se anyen dogga saŋduk na tomoret na MATAT na gwon i köji na Dawidi nagon a Siona.

Matayo 10:42

’Diri nan takiŋdya ta adi, ko ŋa lo tiŋdu lele geleŋ lo kilo lo ’di ’dik kopo lo piŋo nalilik anyen mamat kogwon lepeŋ a ŋuto liŋ kajujumunit, ŋilo ŋuto mo ti jaran i ropaki.