2 Samuele 5:2 - Bibilia Buk na Ŋun nagon koti luŋu a

² I diŋitan na lwoŋgu nagon Saula lo gwon a mor likaŋ nu, do köju lo nyömbu ŋutu ti Yisaraele i gor ko i nyököddu bot; a MATAT iŋge kulya ko do adi, Do mo lo gwon a kayukunit lo ŋutu kwe Yisaraele, a do mo gwe a kanyömönit lose.

2 Samuele 5:2 ပူးပေါင်းရင်းမြစ်များ

Suluet 49:24

ama a daŋ nanyit yeŋe gwogwo, a könisi ti Monye riŋit na Yakobo lo togo ’yi könisi kanyit; lepeŋ a togolo i karin ti Kayukunit logon a Lurutat lo Yisaraele lo,

2 Samuele 6:21

A Dawidi nyobbi Mikala adi, Kine kulya a kona ko MATAT i komor, logon a wuluŋdyö nan lwö-lwöŋ munyi se ko kötumit nanyit i gwon a kasaranit lo Yisaraele logon a ŋutu ti MATAT; nyenagon nan lyö-lyöŋön ko MATAT i komor.

2 Samuele 7:7

A i piritön liŋ nagon nan a wöröri ko ŋutu ti Yisaraele liŋ i pirit na geleŋ kunu, nan ŋona a jamakiŋdya nene ŋo ko lele lo ka ’duŋök ti Yisaraele, logon nan a sarakin se i yuggu na ŋutu kwe Yisaraele kulo adi, Ko nyo ta a ko ’dukökiŋdyö nan kadi ko kaden logon gwoso tika?

2 Samuele 7:8

Nyenagon a do de kulyani ko köliŋönit liŋ Dawidi adi, MATAT lo kurumi lo kulya sona adi, Nan a ’dumuŋdya do mu ’diŋ i yuggu na yidin, anyen do lo gwon a kasaranit lo ŋutu kwe Yisaraele;

2 Moran 20:5

Yitöni bot, ko taki Kijikia kasaranit lo ŋutu kwe adi, Nan MATAT Ŋun lo Dawidi merenye ilot lo kulya sena adi, Nan aje yiŋ momolesi kunök, ko nan aje met politan kunök; mete, nan de totoke do; a i perok musala a do mo iti i kadi na MATAT.

1 Dekat 11:2

I diŋitan na lwöŋgu ma ’di na gwoŋdi Saula a mor nu, do köju lo nyömbu ŋutu ti Yisaraele i gor ko i nyököddu bot; a MATAT Ŋun ilot iŋge kulya ko do adi, Do mo gwon a kayukunit lo ŋutu kwe Yisaraele, a do mo gwe a kanyömönit lose.

2 Dekat 1:10

Nyenagon soŋinana böŋö tiŋdi nan koŋon ko kuruŋdyo anyen nan bubulö nyombu kilo ŋutu ’bura; kogwon ŋutu ŋona a ŋa logon jujukin saŋu ŋutu kulok logon a kotumit duma?

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 55:4

Mete, nan köju a tiridu lepeŋ i gwon a katokuönit i gweyajin ti ŋutu, ko a kanyömönit ko a kasaranit lo gweyajin ti ŋutu.

Ejikele 34:23

A nan mo tiŋdi ŋuto geleŋ logon a Dawidi köliŋönit lio a kayukunit lose, a lepeŋ mo lo tunyeji se, iŋkoi, lepeŋ mo lo tunyeju se a gwe a kayukunit lose.

Mika 5:4

A nye mo gwo ’de gwo ’dan ko riŋit na MATAT i yuggu na yidin kanyit, i todumalan na karin ti MATAT Ŋun lonyit. A se mo si ’dani ’bak kujono, kogwon riŋit nanyit aje yegga tojo ko ’dutesi ti kak;

Kenet 27:17

logon mo tu kaŋo kase ŋerot a mo lubbe lukata kase ŋerot, logon mo nyömöddu se kaŋo a mo tolupödöi se lukata; an momoret na MATAT ko gwon gwoso köbilu nagoŋ ’bak kayukunit.

Matayo 2:6

Ta ŋutu ti Beteleme na gwon i jur lo Yuda, ma ’di ködyö kötumit nasu a na ’dit i kiden na kasarak ti Yuda, ama kasaranit mo pupukun kaŋö konut logon mo yuggu ŋutu kwe Yisaraele.

Yoane 10:11

Nan a kayukunit lo ’but. Kayukunit lo ’but pakiŋdya ru nanyit kogwon yidin kanyit.

Ebere 2:10

Ŋun a kagweyanit lo ŋo luŋ, ŋo liŋ gwon jörun kogwon lepeŋ. Lepeŋ ’de ’dekan joŋdya ŋwajik kanyit jore i minyo lonyit, nyena a gwe a na ’but ko lepeŋ i tiŋdu na ka ’dolanit lo lwökö nase i gwon jojo gwak kogwon ŋoŋesi na ŋoŋgi nye kune.

1 Samuele 13:14

Ama soŋinana tumatyan inot tine yeŋon; MATAT aje galuŋdya kaŋo ŋuto logon töili lonyit a ’deggi lo, MATAT aje wulökiŋdyö lepeŋ a kasaranit lo ŋutu kanyit, kogwon do a ko ’debba ŋo nagon MATAT a sarakin do kine.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 18:13

A Saula joŋgi Dawidi kaŋo kanyit i komor, a tiŋdi lepeŋ a duma lo kamörök kanyit aliŋ geleŋ; a nye gwe a kanyömönit lo ŋutu i tu nase kaŋo ko i yitwe nase.

1 Samuele 18:16

Ama a ŋutu liŋ ti Yisaraele ko ti Yuda nyaŋi Dawidi; kogwon nye a kanyömönit lose i tu nase kaŋo i mörö.

1 Samuele 18:5

A Dawidi iti kaŋo a te ’yi te ’ya i piritön liŋ nagon Saula a soŋdi nye kunu; nyena a Saula tiŋdi lepeŋ a duma lo kamörök. A ŋina metani a na ’but ko ŋutu liŋ se ko köliŋönök ti Saula köti.

1 Samuele 25:28

Böŋö pitökiŋdye lyaŋet nio nan köliŋönit inot; kogwon MATAT ’diri mo teteŋdya do duma liŋ a kötumit nagon a gwak, kogwon do duma liŋ gwon i mörö na goro ti MATAT; a ŋo naron mo tine rye konut ko do nyuŋ gwon jörun.

1 Samuele 25:30

A ko MATAT mo a konakiŋdya do pon duma liŋ, gwoso i ŋo liŋ na ’but nagon nye a jam i kulya kunök, ko a tiŋdu do i gwon a mor lo Yisaraele,

1 Samuele 9:16

Ko ’bure gwoso i na saa nan de susunyukin do ŋuto i jur lo Benyamina, a do de welakiŋdye lepeŋ a kanyömönit lo ŋutu kwe Yisaraele. A lepeŋ de lwökuŋdye ŋutu kwe i könisi ti ŋutu ti Pelesete; kogwon nan aje met yöyöŋesi ti ŋutu kwe kogwon gwien nase aje ’durökin köyö.