2 Samuele 5:19 - Bibilia Buk na Ŋun nagon koti luŋu a

¹⁹ A Dawidi piyun­dye MATAT adi, Nan ŋona bubulö tu i mörö ko ŋutu ti Pelesete le? Do ŋona de wuwukin lepeŋat köyö i könisi? A MATAT waddi Dawidi adi, Iŋkoi, iti; kogwon nan ’diri de wuwukin ŋutu ti Pelesete konut i könisi.

2 Samuele 5:19 ပူးပေါင်းရင်းမြစ်များ

2 Samuele 2:1

A gwe sona i mukök na kine kulya, a Dawidi piyuŋdye ko MATAT adi, Nan ŋona bubulö lupö i nene na köjinö ti Yuda le? A MATAT waddi lepeŋ adi, lye, iti. A Dawidi pipije adi, Nan ködyö lupö i nan köji? A nye waddi adi, Do bubulö lupö Keberon.

2 Samuele 5:23

A Dawidi ko piyuŋdye MATAT, a nye waddi lepeŋ adi, Do ti tu; ka ’de loraddi lepeŋat a lo ki ’dio, ko labaki kase loki i swöt lo kaden logon a baka.

1 Moran 22:6

A mor lo Yisaraele momori nebijin i pirit na geleŋ, a se gwe gwoso ŋutu miajin iŋwan, a nye pipije lepeŋat adi, Nan ŋona bubulö tu i mörö ko Ramot-gilada kode ti nan gwe ti tu? A se ruŋge adi, Do bubulö tu, kogwon MATAT de titin nu köji konut i könisi ŋon mor.

Tolupesi 3:6

Yeyeji lepeŋ ko do tu da, a nye de rikindye kikolin kulök gwogwo.

Yakobo 4:15

Kolumbö ta kodyö kulya adi, Ko Matat ’de ’dekan a yi mo yeŋe gwon jorun, a yi mo koŋdi na go kode nu go.

Ka’duŋök 20:28

a Pinasa ŋuro lo Elejara, ŋuro lo Arona lo gwe a koane i kilu perok), a se pipije adi, Ti yi köti yitöni i mörö ko luŋasirik kaŋ logon a ŋutu ti Benyamina, kode ti yi kö ’yi mörö? A MATAT waddi adi, Iti ta, kogwon ko ’bure nan de wuwukin se kasu i könisi.

1 Samuele 22:15

Na a daŋ togeleŋ le nagon nan a mo ’yu ŋun i kulya kanyit? ’Bayin asut! Ti mor gwe ti kena-kiŋdya nan köliŋönit lonyit nene ŋo naron kode i ŋutu liŋ ti mede na baba; kogwon köliŋönit ilot a ko den nene ŋo asut i kine kulya liŋ na jore kode na ku ’dik.

1 Samuele 23:2

Nyenagon a Dawidi muluŋdye ko MATAT adi, Nan ŋona bubulö tu i mörö ko kilu ŋutu ti Pelesete le? A MATAT kulyani ko Dawidi adi, Iti i mörö ko ŋutu ti Pelesete kulu, anyen lwökuŋdyö Keila.

1 Samuele 23:4

A kirut Dawidi köti muluŋdye ko MATAT. A MATAT ruŋge lepeŋ adi, ŋine ŋien, ko lulurara kak Keila yu; kogwon nan mo puŋutukin ŋutu ti Pelesete konut i könisi.

1 Samuele 28:6

A Saula ko momo ’yi MATAT, a MATAT tine ruggö nye ma ’di i rudweesi, kode ko ’duŋet na Urim, kode ko nebijin i kutusen.