2 Samuele 4:12 - Bibilia Buk na Ŋun nagon koti luŋu a

¹² A Dawidi saŋi teton kanyit, a se tatuje lepeŋat, a ’duŋöddi ’dapan kase ti könisi ko ti mokosi kaŋo, a se leleji mugunya kase ki nyona ko jor na gwon Keberon nu. Ama a se joŋgi kwe na Isa-boset a nuŋge nugga i gulöm na Abiner na gwon.

2 Samuele 4:12 ပူးပေါင်းရင်းမြစ်များ

2 Samuele 1:15

A kirut Dawidi luŋgi lele titinti lonyit a sarakiŋdye lepeŋ adi, Iti ko tatune lepeŋ. A nye rembi lu ŋuto, a lepeŋ twane twan.

2 Samuele 16:8

MATAT a ropakiŋdya rima liŋ ti kötumit na Saula konut i kwe, logon do a ruddya tumatyan nanyit lo; MATAT aje tiŋdu tumatyan inot i könin lo ŋuro ilot Abisaloma. Meddi, kine kulya do lo joŋdya kogwon do a ŋuto katowŋonit lo rima.

2 Samuele 2:8

A kudyakan Abiner ŋuro lo Ner, duma lo kamörök ti Saula, aje joŋga Isa-boset ŋuro lo Saula, a tulapuŋdye lepeŋ tojo ko Makanayim;

2 Samuele 21:9

a nye wukiŋdye se ko ŋutu ti Gibeon i könisi, a se to ’yi lepeŋat i mere ki ko MATAT i komor, a kilo buryo twatwane twatwa i pirit na geleŋ. Lepeŋat tatua i perok ti kokwe ti ’butun, i suluet na ŋera na ’bolot saora.

2 Samuele 3:32

A se nuŋge Abiner Keberon yu; a mor luluöddi ki i gulöm na Abiner; a ŋutu liŋ gwine gwien.

Saumajin 55:23

Amado pon ŋun, mo gubara ŋutu katowijok ti rima ko a ’burönök kak i dili tukaret; se mo ti tutuŋgö swöt lo perok kase; ama ko gwe gwoso nan, nan yinikin mugun konut.

Matayo 7:2

Kogwon liliet nagon ta lileŋ na mo liliki i ta, a temet nagon ta yeŋ temakiŋdye kulye ŋutu na nye mo köti na temaki ’e ta.