2 Samuele 4:1 - Bibilia Buk na Ŋun nagon koti luŋu a

¹ A Isa-boset ŋuro lo Saula koyiŋge adi Abiner aje twan Keberon yu, a riŋit nanyit gwe a namunyan, a ŋutu ti Yisaraele liŋ gwe ko wiwinyesi.

2 Samuele 4:1 ပူးပေါင်းရင်းမြစ်များ

2 Samuele 17:2

Nan de ’du ’dur ko lepeŋ yu i diŋit nagon lepeŋ aje doddya ko gwe a lomunyan, a nan de tokujöŋdi lepeŋ; a ŋutu liŋ lo gwon ko lepeŋ kulu de wöki wökön. A nan mo rimikiŋdye mor kak ka ’de,

2 Samuele 2:8

A kudyakan Abiner ŋuro lo Ner, duma lo kamörök ti Saula, aje joŋga Isa-boset ŋuro lo Saula, a tulapuŋdye lepeŋ tojo ko Makanayim;

2 Samuele 3:27

A nagon Abiner aje yitwe Keberon, a Yöaba joŋgi lepeŋ a swot i lukata na kötumit lupet anyen tu jambu ko lepeŋ a lwön, a nye iŋge rem lepeŋ nyu kanyit i pele, a lepeŋ twane twan, ropakiŋdya rima ti Asaele luŋaser lonyit.

Ejira 4:4

A kirut kulye ŋutu logon si ’da kase i Jur kulo yoyoŋgi ŋutu ti Yuda, a tokujoŋdi lepeŋat i ’duggo,

Nemaya 6:9

Kogwon lepeŋat lio ’de ’dekan tokujöŋdu yi, a se yeyeji adi yi mo dadara, a riŋit nikao gwe ’bayin tutuŋet na kita. Nyena pon ŋun, böŋö togole könisi kwe.

Yisaya 13:7

Nyenagon könisi ti ŋutu liŋ mo gwon a lomunyak, a töilyet ti ŋutu liŋ mo doddi doddya,

Yisaya 35:3

Togo ’yi könisi lokolokak, ko togwo ’yi kuŋwat lukadaŋak.

Yeremia 50:43

Mor lo Babela aje yiŋ lore lo kilo ŋutu, a könisi kanyit gwe a lokolokak; a tömiesi morgi lepeŋ, a nye ŋoŋgi gwoso ŋuto na tata ’du.

Yeremia 6:24

Yi aje yiŋ lore lo kilo ŋutu, a könisi kaŋ gwe a lokolokak; a tömiesi morgi yi a yi ŋoŋgi gwoso ŋuto na tata ’du.

Jepania 3:16

A i ŋilu lor a Yerusalema mo jamakine adi, Ko kujönö Siona, ti könisi ti ŋutu kulök gwe ti gwon a lokolokak.