2 Samuele 3:3 - Bibilia Buk na Ŋun nagon koti luŋu a

³ a loponi gwe a Kilaba tore lo Abigaila nagon köju a karu ’be na Nabala lo Karmela na; a tomusala gwe a Abisa-loma tore lo Maka, ŋuro na Talemai, mor lo Gesur;

2 Samuele 3:3 ပူးပေါင်းရင်းမြစ်များ

2 Samuele 13:1

A Abisaloma ŋuro lo Dawidi gwe ko kiaser nanyit nake parik, karin kanyit a Tamara, a i mukök na diŋit a na ’dit, a Amunon ŋuro lo Dawidi nyare nyar lepeŋ.

2 Samuele 14:23

Nyenagon a Yöaba ŋine ŋien a iti Gesur, a nyökuŋdye Abisaloma Yerusalema ni.

2 Samuele 14:24

A mor kulyani adi, Ti lepeŋ si ’dani ka ’de kanyit kadi, lepeŋ ti bulö meddya komor nio. Nyena a Abisaloma si ’dani ka ’de kanyit kadi, a tine met komor na mor.

2 Samuele 14:32

A Abisaloma nyobbi Yöaba adi, Mete, nan a luŋgu do anyen nan ködyö bubulö soŋdu do ko mor yu i pija na lepeŋ adi, Kwe a nyo nagon nan po Gesur yu? Bia nan nyuŋ ködyö si ’da nyu. Nyenagon ti nan iti ko mor i komor; a ko toron kata köyö a ti lepeŋ tatuje nan.

2 Samuele 15:7

A i mukök na kiŋajin iŋwan, a Abisaloma kulyani ko mor adi, Böŋö kölörö nan i koŋdya na milye liŋ Keberon yu, logon nan köju a milyekin MATAT lu.

2 Samuele 15:8

Kogwon nan köliŋönit ilot a milyeju i diŋit na gwoŋdi nan Gesur i jur lo Aram nu, adi, Ko MATAT mo ’diri a nyökuŋdyö nan Yerusalema ni, a nan mo kitakiŋdye MATAT.

2 Samuele 18:33

A mor gwe ko delya duma parik, a kiyaddi i koŋilore na gwon i kötumit loki na, a gwine gwien; a luluöddi luluöddu adi, Wöidiö ŋuro liŋ Abisaloma! Ŋuro liŋ, ŋuro liŋ Abisaloma! Bia ködyö nan lo twan konut i pirit. Wöidiö Abisaloma ŋuro liŋ, wöidiö ŋuro liŋ!

2 Samuele 2:2

A Dawidi se ko wate kanyit murek kune iti nyu. Wate kanyit nagon a ko Akinoma na Yejerele ko Abigaila nagon köju a karu ’be na Nabala lo Karmela na.

1 Moran 1:6

A monye lonyit gwe a ko towoŋa lepeŋ i nene diŋit i kulya adi, Ko kwe na nyo do a koŋdya sona? Adoniya koti a ŋuto lokwelwelen parik; lepeŋ a loponi lo Abisaloma.

1 Moran 2:15

A lepeŋ kulyani adi, Do a den adi tumatyan ködyö a nio, a ŋutu lio ti Yisaraele iŋge yinikin nan i ŋina tumatyan; kölumbö a tumatyan na aje löpuköddu kaŋo a gwe a na luŋaser lio, kogwon MATAT a ’burukin lepeŋ.

1 Dekat 3:1

A kilo gwe a ŋwajik ti Dawidi logon a yuŋweki lepeŋ Keberon: adi ŋuro kayu logon a Amunon tore lo Akinoma na Yejerele; a loponi gwe a Daniele tore lo Abigaila na Karmela,

1 Dekat 3:2

a tomusala gwe a Abisaloma tore lo Maka, ŋuro na Talemai, mor lo Gesur; a toiŋwan gwe a Adoniya tore lo Kagita;

Nyökit 3:14

A Yari nyakwari lo Manase mokaddi koresi ti Arŋoba liŋ, kweja adi Basan tojo ko lokökorit lo ŋutu ti Gesur ko ti Maka, a nye gweŋ kilo turön ko karin kanyit adi, Kawot-yari, gwoso nagoŋ a luŋuri tojo ko lo lor na.)

Yosua 13:13

Ama a ŋutu ti Yisaraele tine riköddu ŋutu ti Gesur, se ko ti Maka; ama a ŋutu ti Gesur ko ti Maka yeŋe si ’da ko ŋutu ti Yisaraele kiden tojo ko lo lor.

1 Samuele 25:3

A karin ti ŋilu ŋuto gwe a Nabala, a karin ti narakwan nanyit gwe a Abigaila. A ŋinu ŋuto gwe a nakoŋ ko a nakwe-kwelen, ama a ŋilu ŋuto gwe a kaŋa ko gwiliŋit lonyit a loron; lepeŋ a ŋuto lo Kaleba.

1 Samuele 25:42

a Abigaila nyoŋgi ’de ’de, a ŋine ŋien, a kije i kaine loki, ko kö ’disi kanyit mukanat nagon kepöddu lepeŋ kune; a nye kepoddi luyökie ti Dawidi kulo, a nye gwe a narakwan nanyit.

1 Samuele 27:8

Nyena a Dawidi se ko ŋutu kanyit kulo yeŋe wörö i mörö ko ŋutu ti Gesur ko ti Giriji se ko ŋutu ti Amalek, kogwon kulu ŋutu ’beron si ’da i ŋilu jur tojo ko Sur tojo ko jur lo Ejipeto.