2 Samuele 3:29 - Bibilia Buk na Ŋun nagon koti luŋu a

²⁹ Ti toron na rima kanyit ’duki ko Yöaba i kwe, ko i kötumit liŋ na monye lonyit. Ti kötumit na Yöaba molu gwe ti jaran ko ŋutu logon piŋo wowon kase i mugunya, kode logon a moka ko rimajin, kode ko ŋutu logon a bata lo wörö ko turya, kode logon tatua ko wale, kode logon ’bak kinyo.

2 Samuele 3:29 ပူးပေါင်းရင်းမြစ်များ

2 Samuele 1:16

A Dawidi kulyani ko ŋuto lo Amalek lo adi, Ti rima kunök gwe konut i kwe; kogwon kutuk inot na pökiŋdyö do adi do lo tatuja ŋuto logon MATAT a welakin a mor lo.

2 Samuele 16:8

MATAT a ropakiŋdya rima liŋ ti kötumit na Saula konut i kwe, logon do a ruddya tumatyan nanyit lo; MATAT aje tiŋdu tumatyan inot i könin lo ŋuro ilot Abisaloma. Meddi, kine kulya do lo joŋdya kogwon do a ŋuto katowŋonit lo rima.

2 Samuele 3:28

A i mukök nagon Dawidi aje yiŋ kine kulya nu, a lepeŋ kulyani adi, Nan ko tumatyan nio ŋupi a loke ko MATAT i komor kogwon rima ti Abiner ŋuro lo Ner.

2 Moran 5:1

A Namana, kasaranit lo kamörök ti mor lo Suria gwe a ŋuto duma lo bubula ko duma lonyit i komor, kogwon MATAT a tiŋdu Suria i te ’ya kogwon kulya kanyit. A nye gwe a ŋuto wa, ama nye a ŋuto lo rimajin.

2 Moran 5:27

Nyenagon rimajin ti Namana de momok do ko nyakwariat kulök ŋupi. A Geaji kö ’yi lepeŋ a nye gwe a ŋuto lo rimajin, a kwekweji a lokwe gwoso kurök.

Saumajin 7:17

Nan tindu MATAT puresi kogwon kulya kanyit na rigwo, a nan yoloni puresi ’dindya karin ti MATAT Katoŋanit lo ki liŋ.

Yuörö 21:19

ko lepeŋ a ŋien ki Köti a juara kaŋo ko ture, nyena ti nye lo gwuddyö lepeŋ lo gwe ’bak kulya; ama tuŋ ti lepeŋ robbi rogga nanyit kak, ko ti nye tiŋdi lepeŋ i tokela a lo ’but.

Lewi 15:2

Kulyani ta ko ŋutu ti Yisaraele adi, Ko lele ŋuto gwon ko pioŋ na wowon kanyit i mugun, a ŋina won nanyit gwe a lut i kulya ti keri.

Kenet 35:33

A ta ködyö tine toluddya jur lo si ’dari ta lu, kogwon rima na toluddya jur, a jur tine bulö tokela kogwon rima nagoŋ a ’buköki lukata kune, ama tuŋ tokela ko rima ti ŋuto lo ’bukökiŋdyö se lu.

Konesi 28:4

A kilu ŋutu ko meddi munu leleju ko Paulo i könin nu, a se tokulyaki ko ’börik adi, Ŋilo ŋuto meta gwoso nye a katatuanit, a rima mo tine kölökin lepeŋ ma ’di nagon nye a lwökun mugun kaŋo i tör.

Nyökit 21:6

A kirut ti temejik ti nu köji liŋ nagoŋ nyona ko ŋuto lo tatua lu, lalaji könisi ko nu tagwok loki nagoŋ murut nanyit a ’beleŋo i loro nu;

Kweyatti 16:6

adi, kogwon kilo ŋutu a ’buköddu rima ti ŋutu ti Ŋun se ko ti nebijin, a do iŋge tiŋdu se i möju na rima; ŋina a ŋo nagon a jukin lepeŋat.

Ka’duŋök 9:24

anyen toron nagon a konaki ŋwajik ti Yerubala merya buryo kulu ti ködyö yitokine, ko ti rima kase mete Abimelek luŋaser lose logon a tatuja se lo, ko ti mete ŋutu ti Sekeme, logon a togo ’yu lepeŋ i tatuja na luŋasirik kanyit kulo.