2 Samuele 3:14 - Bibilia Buk na Ŋun nagon koti luŋu a

¹⁴ A Dawidi soŋdi luyökie ko Isa-boset ŋuro lo Saula yu kulya adi, Tiki nan Mikala narakwan nio nagon nan a yem ko ka ’bi ’binyalan mia geleŋ ti ŋutu ti Pelesete na.

2 Samuele 3:14 ပူးပေါင်းရင်းမြစ်များ

2 Samuele 2:10

A Isa-boset ŋuro lo Saula gwe ko kiŋajin merya iŋwan na suluje nye saŋu ŋutu ti Yisaraele nu, a nye saŋi ko kiŋajin murek. Ama a kötumit na Yuda kebbi Dawidi.

2 Samuele 3:15

A Isa-boset soŋdi ŋutu, a riŋuŋdye lepeŋ ko lalet lonyit Palatiele ŋuro lo Laisa.

2 Samuele 6:16

A na ’durökiŋdye saŋduk na MATAT i köji na Dawidi nu, a Mikala ŋuro na Saula ku ’di ’ye i kwiliset, a meddi mor Dawidi lalam ko gwogwoja ko MATAT i komor; a nye poki i la-uŋdya na lepeŋ kanyit i töili.

Matayo 1:18

Nyena a yuŋwe na Yesu Kristo gwe sona. Maria ŋote nanyit aje torukökin i toyem ko Yosepa, ama i ŋerot nagon se a ko nyuŋ törumbo nu, a kulya kanyit iŋge dena adi nye gwon ko pele na Mulökötyo Loke.

1 Samuele 18:25

A Saula kulyani adi, Nyönyö-köki ta Dawidi sona adi, Mor ti ’deggi toro ’bo yemesi asut, ka ’de nye ’de ’de-kan ka ’bi ’binyalan mia geleŋ ti ŋutu ti Pelesete, anyen mor böŋö ropuŋdya mugun ko merok kanyit. Ama Saula a yeyeju i tatuja na Dawidi ko könisi ti ŋutu ti Pelesete.

1 Samuele 18:27

A Dawidi ko ŋutu kanyit ŋine ŋien a iti tu, a tatuje ŋutu ti Pelesete gwoso miajin murek; a Dawidi joŋdi ka ’bi ’binyalan kase, a tiŋdi mor jore parik, anyen nye bubulö gwon a komonit lo mor. A Saula tiŋdi nye ŋuro nanyit Mikala a narakwan.

1 Samuele 25:44

Kudyakan Saula aje tiŋdu Palati ŋuro lo Laisa, ŋuto lo Galim ŋuro nanyit Mikala, nagon a nakwan na Dawidi na.