2 Samuele 24:2 - Bibilia Buk na Ŋun nagon koti luŋu a

² A mor kulyani ko Yöaba ko dumalak ti kamörök logon gwon ko lepeŋ kulo adi, Iti ta i kötumitön liŋ ti Yisaraele, suluja Dan tojo Ber-seba, ko kene ta ken ŋutu anyen nan bubulö deŋdya ko se muda.

2 Samuele 24:2 ပူးပေါင်းရင်းမြစ်များ

Suluet 21:14

A Abarayama ŋine ŋien ko ’bure kobubut, a ’dumuŋdye ambata ko kere lo pioŋ, a tiŋdi Agara, a ’dukukiŋdye ŋuro ko Agara i ki ’diŋ, a nye soŋdi lepeŋ. A Agara iti tu, a wirte i yöbu na Ber-seba.

2 Samuele 17:11

Ama yeyeet nio adi ti ŋutu liŋ ti Yisaraele momoruŋdye konut ni suluja Dan tojo Ber-seba, gwoso sese na kijit na tör i tojore nase, a ti do ko mugun inot iti i gor.

2 Samuele 2:13

a Yöaba ŋuro lo Seruya ko köliŋönök ti Dawidi kulo iti kaŋo a torumbe ko se i jor na Gibeon; a ŋutu ti Abiner si ’dani i lo swöt lo jor ko ŋutu ti Yöaba i lu swöt.

2 Samuele 20:23

A Yöaba gwe a duma lo kamörök liŋ ti Yisaraele; a Benaya ŋuro lo Yoyada gwe a duma lo kamörök logon a Kereti ko Peleti;

2 Samuele 23:37

ko Selek lo Amon, ko Nakarai lo po Berot ka ’dokonit lo tito möriesi ti Yöaba ŋuro lo Seruya,

2 Samuele 24:15

A kirut MATAT sunyukiŋdye Yisaraele twanti iŋgo suluja i ko ’bure tojo ko diŋit na wulwe nu; a ŋutu twatwane twatwa aliŋan merya buryo suluja Dan tojo Ber-seba.

2 Samuele 3:10

anyen wusaddu tumatyan kaŋo i kötumit na Saula, a tosi ’dakiŋdye Dawidi i si ’daet na tumatyan i Yisaraele ko i Yuda, suluja Dan tojo Ber-seba.

2 Samuele 8:16

A Yöaba ŋuro lo Seruya gwe a duma lo kamörök; a Yosapata ŋuro lo Akiluda gwe a katoyeyeonit;

1 Dekat 21:2

Nyena a Dawidi kulyani ko Yöaba ko dumalak ti kamörök adi, Iti ta, kene ta ken ŋutu ti Yisaraele, suluja Ber-seba tojo ko Dan, ko jaki ta nan lore, anyen nan bubulö deŋdya ko se muda.

2 Dekat 32:31

Koti ma ’di i diŋit nagon luyökie ti mor lo Babela logon a sunyuki lepeŋ anyen pija kweyet nagon ajekona i jur, a Ŋun kolokiŋdye lepeŋ anyen temba lepeŋ i deŋdya na po liŋ na gwon kanyit i töili kune.

Tolupesi 29:23

Bu ’ya na mugun nyökundyo ŋuto kak, ama ŋuto logon a lokoyok i töili mo bubula.

Yeremia 17:5

Nan MATAT lo kulya adi, Ŋuto a lömö loron yinikiŋdyö mugun i lele ŋuto, loron tökökiŋdyö mugun ko lele ŋuto, loron löpuköddu töili lonyit kaŋo köyö ko MATAT.

2 Korinto 12:7

Nyena kikwöti a suki köyö i mugun anyen teŋgu nan i ’du ’duŋga kogwon ŋo sörösi jore na met nan kune. Ŋina kikwöti a luyökie lo Satani anyen tomijö nan anyen teŋgu nan i ’du ’duŋga.

Ka’duŋök 20:1

Nyena a ŋutu liŋ ti Yisaraele iti koŋe, suluja Dan tojo Ber-seba, mora ko jur lo Gilada, a yodom na ŋutu iŋge momora gwoso ŋuto geleŋ ko MATAT i komor Misepa yu.