2 Samuele 24:16 - Bibilia Buk na Ŋun nagon koti luŋu a

¹⁶ A nagon malaika-tat riöddi könin lonyit tojo ko Yerusalema i tukaŋu na lepeŋ nu, a MATAT löpukuŋdye kaŋo i ŋinu riŋet, a kulyani ko malaikatat logon tutukaŋu ŋutu lo adi, Aje jo; teŋe könin ilot soŋinana. A malaikatat lo MATAT gwe nyona ko pirit gwutet na ’bolot na Arauna lo Yebusi lu.

2 Samuele 24:16 ပူးပေါင်းရင်းမြစ်များ

Suluet 10:16

ko Ŋutu ti Yebusi, ko ti Amori, ko ti Giriŋasi,

Suluet 6:6

MATAT iŋge delya kogwon nye a gwekiŋdya Ŋutu i kak, a kine kulya iŋge tomi töili lonyit.

2 Samuele 24:18

A Gada poŋdi ko Dawidi ni i ŋilu lor, a kulyani ko lepeŋ adi, Iti ko dipakiŋdye MATAT pirit ’yuret na rubaŋgajin i pirit gwutet na ’bolot na Arauna lo Yebusi.

2 Samuele 5:8

A Dawidi kulyani i ŋilu lor adi, Ko ŋa de rembu ŋutu ti Yebusi, ti nye lupöri lukata na gwoke lo ’boka a wokiet lo pioŋ anyen mörö ko ŋutu ŋodeki ko mo ’dokeno logon nan maman parik kulo. Nyenagon a kulyarikin adi, Mo ’dokeno ko ŋodeki ti lupö i kadi na Ŋun.

1 Moran 19:4

Ama a nye lo lwöŋöddi geleŋ i yöbu na sese nagon jölö nanyit a lor geleŋ, a nye iti tu a si ’dakine i ’bukuli mukök; a nye momo ’yi momo ’yu adi ti nye twane twan, kulya adi, Aje jo; soŋinana ŋon MATAT, joŋgi ru nio kaŋo; nan ’bayin a lo ’but lwölwöŋ merenyejin kwe.

2 Moran 19:35

A i pilu tukwaje a malaikatat lo MATAT iti kaŋo, a tatuje ŋutu aliŋan mia geleŋ ko merya budök wot mukanat i mera na ŋutu ti Asura; a ko ŋutu a ŋien ki ko ’bure kobubut, mete, kilo liŋ gwe a lutwatwa.

1 Dekat 1:14

ko ŋutu ti Yebusi, ko ti Amori, ko ti Girigasi,

2 Dekat 3:1

A kirut Solomona suluje ’duggökadi na MATAT Yerusalema i mere Moria, i pirit na pukokiŋdye MATAT ko Dawidi monye lonyit i komor nu. Ŋinu a pirit gwutet na ’bolot na Oman lo Yebusi nagon Dawidi köju a wulun anyen ’dukorikin kadi na MATAT.

2 Dekat 32:21

A MATAT sonyoddi malaikatat i tatuja na walan kamorok liŋ ko kanyomok kase se ko temejik kase lo gwon i mera na mor lo Asura. Nyena a lepeŋ yitöni kanyit i jur ko kwe na yu. A na­gon nye aje lupö i kadi na ŋun lonyit nu, a kulye ŋwajik kanyit tukukiŋdye lepeŋ kak nyu ko baŋdu.

Saumajin 135:14

Kogwon MATAT mo ’duŋgo kulya ti ŋutu kanyit rigwo, a nye mo won konyen ko köliŋönök kanyit.

Saumajin 35:6

Ti kiko lose gwe a mudwe ko a lojelete, na riköddi malaikatat lo Ŋun mukök nase na!

Saumajin 78:38

Ama Ŋun a kayatanit, lepeŋ ŋiŋitökin lyaŋan nase a tine tukaŋu se; diŋitan jore a nye teŋgi woran nanyit, a tine wiwijö ŋoma nanyit liŋ.

Saumajin 90:13

Pon MATAT, diŋit ŋoman nagon do löpukwe kayaŋ ni? Won konyen koyi köliŋönök kulök!

Yuörö 12:13

a kine rima mo gwe a kweyet kasu i kadijik na gwoŋdi ta kine; a na meddi nan kine rima nu, a nan mo laŋaddi laŋaddu kasu, a nene tomiet na tatatuja mo tine ’dukin kasu ki na tukaŋi nan jur lo Ejipeto nu.

Yuörö 12:23

Kogwon MATAT mo wöröji i jur ’bukuluŋ i tukaŋu na Ŋutu ti Ejipeto; a na meddi nye rima i görit ko i goŋesi murek ti nene kötumit nu, a MATAT mo laŋakiŋdye nu kötumit kak, a tine kölökiŋdyö katukaranit i lupö kasu i kadijik i tatuja na ta.

Yuörö 32:14

A MATAT löpuŋge töili i ŋina ŋo naron nagon nye a kulya adi nye kökonakin Ŋutu kanyit na.

Yuörö 9:28

Momo ’yi ta MATAT, kogwon kilo kipyala ti ki ko torok ti kudu aje jukin; a nan de kölöddi ta, a ta koti tine si ’da ni kwoŋ

Yisaya 27:8

Do a möröri lepeŋat i yeyekaji nase, i temet ko i temet; a nye wusaddi lepeŋat ko wuggö nanyit nago i lor lo wuŋge köbuŋöt lo ’yure lu.

Yisaya 57:16

Kogwon nan mo ti wuwugi ŋupi; a nan mo tine wowori ŋupi an ködudwölön ti ŋutu dosakiŋdya köyö i komor. kilo köbuŋötön ruesi logon nan a gwe kilo.

Yeremia 26:19

Kijikia mor lo Yuda se ko ŋutu liŋ ti Yuda ŋona a tatuja lepeŋ le? Lepeŋ ŋona a ko kujönö MATAT a mo ’yi lepeŋ i won konyen le? MATAT ŋona a ko löpuggö i po narok nagon nye a ’duŋdikin se kune le? Ama yi kulo gwe nyona ko jakiŋdya ’börik kulya narok parik.

Yeremia 42:10

Ko ta mo nyuŋ si ’da i lo jur, a nan mo gweuŋdye ta ki, a tine dukakin ta kak, iŋkoi, nan mo ’yu ’yut ta, a tine gwunyun ta kaŋo, kogwon nan lölöpuggö i ŋo naron nagon nan a yeyeju konakiŋdya ta na.

Amosa 7:3

A MATAT iŋge löpuggo i ŋo nagon nye a teten na, a MATAT kulyani adi, Kine ŋö mo ti pokin.

Amosa 7:6

A MATAT iŋge löpuggo i ŋo nagon nye a teten na, a MATAT ŊUN kulyani adi, Kine ŋo köti mö ti pokin.

Abakuk 3:2

Pon MATAT, nan a yiŋ lore ilot, pon MATAT, kita inot a tiŋdu nan i kujono. Nyoggi kita inot i kiden na kiŋajin, tiki nye i dena i kiden na kiŋajin; ko do a woran, yeyeji won konyen ko ŋutu.

Jakaria 9:7

A nan mo ’dumaddi rima kaŋo kase i kutusen, ko kinyojin manat kaŋo kase i kala; a se koti mo gwe a pitönö kwe nan ŋun; a se mo gwe gwoso lele ’dupet lo Yuda, a ŋutu ti Ekron mo gwe gwoso ŋutu ti Yebusi.

Marako 14:41

A nye ko yitwene daŋ tomusala, a nye pije lepeŋat adi, Ta nyuŋ dodoto ko yuyukan? Aje jo, diŋit aje temakiŋdya; nan Ŋuro lo ŋuto aje paki ko ŋutu katoronyak i könisi.

Konesi 12:23

’De ’de a malaikatat lo Matat gwuddye Erode ko twanti kogwon lepeŋ a ko bu ’ya Ŋun. A lepeŋ iŋge nyei ko kuru, a twane twan.

1 Korinto 10:10

An ta ko wiwinya ta gwoso na wiwinyari kulye kase nu, a malaikatat Katatuanit iŋge tatu se.

2 Korinto 2:6

Ŋina riŋet nagon ŋutu lojore aje ’duŋökin na aje jukin lepeŋ.

Yosua 15:63

Ama a ŋutu ti Yuda tine bulö riköddu kaŋo ŋutu ti Yebusi lo si ’da Yerusalema kulo; nyena a ŋutu ti Yebusi si ’dani ko ŋutu ti Yuda i pirit na geleŋ Yerusalema yu tojo ko lo lor.

Ka’duŋök 1:21

Ama a ŋutu ti Benyamina gwe a ko riköddu ŋutu ti Yebusi lo si ’da Yerusalema yu kulu; nyena a ŋutu ti Yebusi si ’dani i pirit na geleŋ ko ŋutu ti Benyamina Yerusalema yu tojo ko lo lor.

Ka’duŋök 19:11

A nagon se gwe nyona ko Yebusi nagon kolor gwe nyona ko ’doro nu, a kölipönit kulyani ko monye lonyit adi, Poŋdi, ti yi girara i nu köji na ŋutu ti Yebusi anyen doto nyu.

1 Samuele 15:11

Nan a delya i tiŋdu na Saula a mor; kogwon nye aje kukut bot I kebbu na nan, a tine koŋdya saresi kwe. A Samuele wore woran; a nye gwiki ko MATAT tukwaje liŋ.