2 Samuele 24:12 - Bibilia Buk na Ŋun nagon koti luŋu a

¹² Iti ko kulyani ko Dawidi adi, MATAT lo kulya sona adi, Nan a wulökin do ŋo musala; ti do wuluŋdye nene geleŋ nase, anyen nan böŋö konakin do lepeŋ.

2 Samuele 24:12 ပူးပေါင်းရင်းမြစ်များ

2 Samuele 12:14

Nyenagon do aje lauŋdya MATAT asut kogwon do a koŋdya ŋina ŋo; Ŋilo ŋuro logon a yuŋweki do ŋilo mo twatwan.

2 Samuele 24:11

A nagon Dawidi aje ŋien ki i ko ’bure nu, a kulyaet lo MATAT poki ko nebi Gada ŋuto lo Dawidi logon a kametanit lo kulya na popo lo adi,

2 Samuele 24:13

A Gada poŋdi ko Dawidi ni a nyönyökökiŋdye lepeŋ kine kulya adi, Bia ti kiŋajin musala ti dyaŋ poki konut i jur le? Kode ti do wöwökine wöwöki ko merok kulök i komor ko yapala musala nagon se gwon i riggö na do nu? Kode ti twanti iŋgo poki konut i jur ko perok musala? Nyenagon yeyeji ko wuluŋdye ruket nagon nan toyitökin lepeŋ lo sunyuŋdyö nan lu.

1 Dekat 27:24

A Yöaba ŋuro lo Seruya suluje keŋdya ŋutu, ama a gwe a ko tutuŋ; kölumbö a woran iŋge ’dukin ko Yisaraele kogwon kine kulya, a ŋina kenet gwe a ko wuröki i dekat ti mor Dawidi.

Tolupesi 3:12

Kogwon MATAT kukuju ŋuto logon nye nyanyar lo, gwoso nagon monye riŋge ŋuro logon tulyoŋgu lepeŋ.

Yeremia 30:11

Kogwon nan MATAT lo kulya adi, Nan gwon ko ta a mo lwöggi ta. Nan mo togirökiŋdyö jurön liŋ logon nan aje toreaddu ta kata kulu, ama a nan mo tine togirökiŋdyö ta. Nan mo ti kölörö ta i tu kana ’bak riŋa, ama nan mo ririŋ ta ko temet na gwon jojo.

Lewi 26:41

a nan wöröjine a wok kasu a joŋgi lepeŋat tojo i jur lo merok kase; nyena ko töilyet kase logon a ti ŋutu logon a ko yubbö nan kulo a tokoyokwe kak, a se iŋge ropakin ŋonyan nase;

Lewi 26:43

Ama a se iŋge kö ’yu lu jur, a jur mo yuke yukan i sabatajin kanyit na gwoŋdi nye a ruba ’bak lepeŋat kata nu, kogwon se a renya kulya na ’duŋ nan kune a toilyet kase maŋdi saresi kwe lo wurö.

Kweyatti 3:19

Nan ririŋ ŋutu logon nan nyanyar kulo a tojumbi se. Nyena gwe ko pusok ko lopuŋge toili.