A Natana kulyani ko Dawidi adi, Ŋuto lo a do. MATAT Ŋun lo Yisaraele lo kulya sona adi, Nan a welakin do a mor lo Yisaraele, a nan aje lwökuŋdyö do kaŋo i könin lo Saula;
A kirut Mose se ko Ŋutu ti Yisaraele yulukiŋdye MATAT ŋilo köli adi, Nan yulukiŋdyö MATAT kogwon nye aje te ’ya parik; nye aje gubakiŋdya kusan ko kajoŋanit lonyit i tör na ’balaŋ.
Nyenagon ti MATAT gwe a kaliliyanit likaŋ, anyen ’duŋöki-ŋdyö kine kulya i kiden nikaŋ ko do. Ti nye meddi ko ti tokurukiŋdye kulya kwe, i ’buruŋdya na nan kaŋo konut i könin.
A ko ŋuto kepöddu do anyen ga ’yu tatuja do, a ti ru inot, pon duma liŋ, tiyuni tiyu go i pirit na geleŋ ko ŋo liŋ na gwon jörun ko MATAT ŋun ilot i könin kune; a nye mo wisaddiru na merok kulök kaŋo gwoso se gwon i lukata na lowiset.
Meddi, gwoso nagon ru inot a duma köyö i metet i lo lor na, nyena ti ru nio böŋö gwe a duma ko MATAT i metet, ko ti nye böŋö lwökuŋdye nan kaŋo i ŋisesi liŋ.
A Dawidi yeyeji kanyit i töili adi, Lor lele Saula mo ko tatatu nan; nene ŋo na ’but ’bayin köyö lwölwöŋ wökön nio i jur lo Pelesete; a Saula mo gwe ’bak yenet i ga ’yu na nan i lukata na jur lo Yisaraele, a nan mo lwököddi mugun kaŋo kanyit i könin.