2 Samuele 21:7 - Bibilia Buk na Ŋun nagon koti luŋu a

⁷ A mor kö ’yi Mepiboset ŋuro lo Yonatana tore lo Saula, kogwon milye lo MATAT lo gwon i kiden nase Dawidi ko Yonatana ŋuro lo Saula lo.

2 Samuele 21:7 ပူးပေါင်းရင်းမြစ်များ

2 Samuele 16:4

A mor kulyani ko Siba adi. Mete, ŋo liŋ nagon a ti Mepiboset de gwe a kunök soŋinana. A Siba jambi jambu adi, Nan a katwöyönit ilot; böŋö ti nan ryeŋdi ’busan konut i komor pon mor duma liŋ.

2 Samuele 19:25

a gwe sona na poŋdi nye Yerusalema yu i rum ko mor nu, a mor pipije lepeŋ adi, Mepiboset, nyo nagon do a ko moraddu ko nan i pirit na geleŋ?

2 Samuele 4:4

A Yonatana ŋuro lo Saula gwe ko ŋuro logon a bata mokosi. Lu ŋuro gwon ko kiŋajin mukanat i diŋit nagon lore lo Saula ko Yonatana a kunu Yejerele yu nu, a ka ’depanit nanyit ’dumuŋdye lepeŋ, a wöki wökön; a na rurumaddi lepeŋ i wökön nu, a Ŋilo ŋuro iŋge ’doro, a batani bata. Karin kanyit a Mepiboset.

2 Samuele 9:1

A Dawidi pipije adi, Lele ŋuto ŋona kata logon a pituŋdyö ko Saula i kötumit le, anyen nan bubulö konakiŋdya lepeŋ ’bura kogwon kulya ti Yonatana?

2 Samuele 9:10

A do ko ŋwajik kulök ko köli-pönök kulök ködyö kurukiŋdye lepeŋ, a ta yekuŋdye kinyojin anyen ŋuro lo duma ilot bubulö gwon ko kinyo lo nyenyei; ama Mepiboset ŋuro lo duma ilot bubulö nyesu köyö i misa perok liŋ. A Siba gwe ko ŋwajik puök wot mukanat ko köliŋönök merya murek.

2 Samuele 9:6

A Mepiboset ŋuro lo Yonatana, ŋuro lo Saula poŋdi ko Dawidi ni, a ’dorone kak rupu, a twöji twöju. A Dawidi kulyani adi, Mepiboset! A nye nyobbi adi, Nan malo, köliŋönit ilot.

2 Samuele 9:7

A Dawidi kulyani ko lepeŋ adi, An do ko kujönö; kogwon nan de kökonakin do ’bura kogwon kulya ti monye ilot Yonatana, a nan de nyökökiŋdye do kak liŋ na merenye ilot Saula; a do de nyesi köyö i misa perok liŋ.

Katokuönit 8:2

Kondi ŋo nagon mor a sarakin do na, ama ko nyoŋga ’de ’de ko do ködyö milyeju ko ŋun.

1 Samuele 18:3

A Yonatana ko Dawidi tunyeki milye, kogwon lepeŋ nyanyar nye gwoso mugun nanyit.

1 Samuele 20:12

A Yonatana kulyani ko Dawidi adi, Ti MATAT ŋun lo Yisaraele lo gwe a katokoronit likaŋ, de ko ’bure kode luŋa i lor tomusala lonyit, gwoso i na diŋit na, ko nan aje galun kaŋo yeyeesi ti baba, meddi, ko se a na ’but konut, a nan mo sunyukiŋdye do lore i tukö-kiŋdyö na do, ’bayin sona le?

1 Samuele 20:15

ti do gwe ti kö ’yu nyaŋu kötumit nio ŋupi. A ko MATAT mo a tukaŋu merok ti Dawidi liŋ i na kak,

1 Samuele 20:17

A Yonatana köti tiŋdi Dawidi i milyeju i nyaŋu nanyit na lepeŋ; kogwon Yonatana nyanyar Dawidi parik gwoso na nyaŋi nye mugun nanyit na.

1 Samuele 20:42

A Yonatana kulyani ko Dawidi adi, Iti ’bura, gwoso nagon yi aje nyekiŋdye ’börik milye i karin ti MATAT nu adi, MATAT mo lo gwon i kiden nikaŋ ko do, ko i kiden na nyakwariat kwe ko na nyakwariat kulök ŋupi ŋupi. A Dawidi ŋine ŋien, a iti tu; a Yonatana yitöni köji.

1 Samuele 20:8

Nyenagon konaki nan köliŋönit ilot ’bura, kogwon do aje nyökiŋdyö nan köliŋönit ilot milye lo MATAT. Ama ko toron kata köyö, a ti do ko mugun inot tatuje nan; kogwon nyo nagon do ködyo joŋga nan ko munyi yu?

1 Samuele 23:18

A se murek liŋ nyesi milye ko MATAT i komor; a Dawidi si ’dani Koresa nyu, a Yonatana yitöni mede.

1 Samuele 24:22

A Dawidi nyekiŋdye Saula milye. A Saula iti kanyit mede; ama a Dawidi ko ŋutu kanyit kulo iti i pirit ’danaet nago.