2 Samuele 21:6 - Bibilia Buk na Ŋun nagon koti luŋu a

⁶ ti ŋwajik kulye buryo kanyit wukine yi anyen yi bubulö to ’yu se ko MATAT i komor i mere lo MATAT lo gwon Gibeon lu. A mor kulyani adi, Nan de wuwukin ta se.

2 Samuele 21:6 ပူးပေါင်းရင်းမြစ်များ

Suluet 40:19

nyena ko perok musala a ko nyuŋ jukin, a Paro mo ’biluŋdye kwe inot ki, a lilikiŋdye do i ködini ki i tolo; a kwen mö rya kaddi lokore inot kaŋo konut i mugun.

Suluet 40:22

ama a nye lilikiŋdye duma lo kaderak ti ambatajin lo ki i tolo, gwoso na tokurukiŋdye Yosepa lepeŋat nu.

2 Samuele 17:23

A Akitopele ko meddi adi jujuwet nanyit a ko kona, a lepeŋ toŋi kaine nanyit, a iti köji kanyit mede yu. A nye tetenakiŋdye mede nanyit i miru ’bura, a to ’yi to ’yu mugun, a twane twan, a nukani ko monye lonyit i gulöm.

2 Samuele 18:10

A lele ŋuto meddi lepeŋ, a takiŋdye Yöaba adi, Mete, nan a meddya Abisaloma lu leleyo i ködini lukata.

2 Samuele 19:28

Kogwon kötumit liŋ na baba a na ŋutu lo tatatua ko mor duma liŋ i komor; ama do kölum aje tiŋdu nan köliŋönit ilot i kiden na ŋutu logon nyesu konut i misa kilo. Kwe nio a nyo nagon nan pipije mor köti?

1 Dekat 12:3

a duma lose gwe a Akiyejer, a kirut Yöasa, lepeŋat murek a ŋwajik ti Sema lo Gibea; ko köti Yejiele ko Pelet ŋwajik ti Ajemawet; ko Beraka se ko Yeu lo Anatot,

Ejira 6:11

Koti nan a tiŋdu saret adi ko lele ŋuto a lopuk ŋilo saret, a ti ködini lonyit lo kadi ’dutwene kaŋo anyen lepeŋ ködyö suki nyin, a kadi nanyit ködyö turöni kak a gwe a ki ’dirö.

Esetere 9:10

kilo a ŋwajik puök ti Aman ŋuro lo Amedata miriku lo Yudayaki. Ama se a ko ’bulukiŋdyö könisi kase i toro ’bo.

Matayo 27:5

Nyena a nye gubakiŋdye pödöjin kune kak i Kadi na Ŋun. a nye iti tu, a to ’yi mugun.

Konesi 13:21

A kirut lepeŋat piyuŋdye mor, a Ŋun tiŋdi se Saula ŋuro lo Kisi ŋuto lo kötumit na Benyamina, a nye iŋge saŋu ko kiŋajin merya iŋwan.

Nyökit 21:22

A ko ŋuto a koŋdya toron nagoŋ jujukin tatuarikin, a nye tatuani tatua, a ta lilikiŋdye lepeŋ i ködini ki;

Yosua 10:26

A kirut Yosua rerembi se, a tatuje se, a lilikiŋdye se ki i kaden mukanat, a se dödönti sona i kaden loki tojo ko sömukö.

Yosua 8:29

A nye lilikiŋdye mor lo Ai i ködini ki tojo ko tokotyaŋ; a i ’doro na kolor a Yosua saŋi saŋu, a se ’dukuŋdye öpu nanyit kak i ködini ki, a gubakiŋdye lepeŋ i lupet na köji, a se ’du ’dulukiŋdye kanyit loki ’dome duma lo ŋurupö logon gwon nyu tojo ko lo lor.

1 Samuele 10:1

A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

1 Samuele 10:24

A Samuele kulyani ko ŋutu liŋ adi, Ta aje met nye logon MATAT aje wulun lo? Lele ’bayin gwoso lepeŋ i kiden na ŋutu liŋ. A ŋutu liŋ woŋoro ki adi, Ti mor si ’dani kanyit i tumatyan ŋupi!

1 Samuele 10:26

A Saula koti iti kanyit mede Gibea yu, a ŋutu walan logon ŋun a ’bo ’yu toilyet kase kulo moraddi ko lepeŋ.

1 Samuele 11:4

A nagon ŋutu lo sonyo kulo aje ’durökin Gibea na gwoŋdi Saula nu, a se nyonyoggi kine kulya a ŋutu yiyiŋga; a ŋutu liŋ gwine gwien parik.

1 Samuele 24:21

Nyenagon nyeki nan milye i karin ti MATAT adi do mo ti ’duŋörö nyakwariat kwe kaŋo lo pukun köyö i mukök, a do mo tine seyara karin kwe kaŋo i kötumit na baba.

1 Samuele 24:22

A Dawidi nyekiŋdye Saula milye. A Saula iti kanyit mede; ama a Dawidi ko ŋutu kanyit kulo iti i pirit ’danaet nago.