2 Samuele 21:2 - Bibilia Buk na Ŋun nagon koti luŋu a

² A mor luŋgi ŋutu ti Gibeon. Ŋutu ti Gibeon ’bayin a ŋutu ti Yisaraele, ama lepeŋat a pitönö ti ŋutu ti Amori; agu ma ’di köju ŋutu ti Yisaraele a milyeju i kölökiŋdyö na se, ama Saula aje ga ’yu tatuja se kogwon pusök nanyit na ŋutu ti Yisaraele ko ti Yuda.

2 Samuele 21:2 ပူးပေါင်းရင်းမြစ်များ

Suluet 15:16

A i nyakwari toiŋwan a se mo yitwene bot ni koti; kogwon ŋonyan na Ŋutu ti Amori a ko nyuŋ jukin i riŋa.

2 Samuele 24:1

A woran na MATAT köti yuköki i ŋutu ti Yisaraele, a lepeŋ jujukiŋdye Dawidi i jakiŋdya na se kulya narok, kulya adi, Iti, kene ken ŋutu ti Yisaraele ko ti Yuda.

2 Moran 10:16

A Yeu kulyani adi, Ti yi moraddi ko do, a do de meddi pusök nio i kitakiŋdya na MATAT. Nyena a nye tiŋdi lepeŋ i moraddu ko lepeŋ i arabia lonyit lo jijiko.

2 Moran 10:31

Ama Yeu ’bak tirikwet i wörö i saret lo MATAT Ŋun lo Yisaraele ko töili lonyit liŋ; a nye gwe a ko löpuggö i toronjin ti Yerobama nagon nye a tiŋdu Yisaraele i toroŋdya kune.

1 Dekat 1:14

ko ŋutu ti Yebusi, ko ti Amori, ko ti Girigasi,

Yoane 16:2

Ŋutu mo rikun ta kaŋo i kadijik momoresi. ’Diri diŋit mo popo nagon ŋutu liŋ logon a tatuja ta kilo mo yeyeju adi se koŋdya kita na Ŋun.

Roma 10:2

Nan a den adi se gwon ko pusök ’diri i twöju na Ŋun, ama se ’bak denesi na ’but.

Galatia 4:17

ŋutu logon nan jambu kulya kase adi dyadya ’yu ta kulo gwon ko pusök ko ta, ama töilyet kase ’bayin a lo ’but. Lepeŋat ’dek koraddu ta kaŋo köyö anyen ta bögö gwon ko pusök ko se.

Nyökit 7:16

A ta ködyö tukaŋi gweyajin liŋ ti ŋutu logon MATAT Ŋun losu mo pakin ta kulo; a ta tine won konyen ko se; a ta koti tine kitakiŋdya Ŋunyen kase. Ko ta a won konyen ko se a ta mo lokajine lokaji.

1 Samuele 14:44

a Saula milyeji adi, Ti Ŋun konakiŋdye nan sona ko lwölwöŋ kine; do Yonatana ’diri de tatatua.