2 Samuele 21:1 - Bibilia Buk na Ŋun nagon koti luŋu a

¹ A dyaŋ gwe kata ko kiŋajin A musala i perok logon Dawidi sasaŋi kulu; a Dawidi ga ’yi komor na MATAT. A MATAT kulyani adi, Toron kata ko Saula ko kötumit nanyit kogwon rima ti ŋutu ti Gibeon na ’bukörö lepeŋ kunu.

2 Samuele 21:1 ပူးပေါင်းရင်းမြစ်များ

Suluet 12:10

A kak gwe a dyaŋ, a Abarama iti tojo Ejipeto, anyen tu mönuŋdyö nyu, kogwon kak gwe a dyaŋ parik.

Suluet 26:1

A dyaŋ gwe i ŋilu jur, leŋe dyaŋ lo gwon i diŋit na Abarayama nu. A Yisaka iti Gerar ko Abimelek mor lo Pelesete yu.

Suluet 41:57

a Ŋutu liŋ ti kak wöröni Ejipeto ko Yosepa ni i döju na ’bolot, kogwon dyaŋ gwe a duma parik i kak ’bukuluŋ.

Suluet 42:5

Nyena a ŋwajik ti Yisaraele moruŋdye ko Ŋutu lo po i gworo na ’bolot kulo, kogwon jur lo Kanana a dyaŋ.

Suluet 43:1

A dyaŋ gwe a duma i lujur.

2 Samuele 16:8

MATAT a ropakiŋdya rima liŋ ti kötumit na Saula konut i kwe, logon do a ruddya tumatyan nanyit lo; MATAT aje tiŋdu tumatyan inot i könin lo ŋuro ilot Abisaloma. Meddi, kine kulya do lo joŋdya kogwon do a ŋuto katowŋonit lo rima.

2 Samuele 20:26

a Ira ŋuto lo Yair köti lo gwe a koane lo Dawidi.

2 Samuele 21:5

A se nyobbi mor adi, Ŋuto logon a tutuŋgö yi ko ga ’yu köŋu yi anyen yi gwon ’bak pirit asut i koresi ti Yisaraele liŋ lo,

2 Samuele 24:1

A woran na MATAT köti yuköki i ŋutu ti Yisaraele, a lepeŋ jujukiŋdye Dawidi i jakiŋdya na se kulya narok, kulya adi, Iti, kene ken ŋutu ti Yisaraele ko ti Yuda.

2 Samuele 5:19

A Dawidi piyun­dye MATAT adi, Nan ŋona bubulö tu i mörö ko ŋutu ti Pelesete le? Do ŋona de wuwukin lepeŋat köyö i könisi? A MATAT waddi Dawidi adi, Iŋkoi, iti; kogwon nan ’diri de wuwukin ŋutu ti Pelesete konut i könisi.

2 Samuele 5:23

A Dawidi ko piyuŋdye MATAT, a nye waddi lepeŋ adi, Do ti tu; ka ’de loraddi lepeŋat a lo ki ’dio, ko labaki kase loki i swöt lo kaden logon a baka.

1 Moran 17:1

A Eliya Tisibetyo lo Tisibe na Gilada kulyani ko Aba adi, ’Diri gwak gwoso na gwoŋdi MATAT Ŋun lo Yisaraele logon nan a köliŋönit lonyit lo, puŋutut kode kudu mo gwe ’bayin i kilo kiŋajin, ake ko nan a kulya.

1 Moran 18:2

A Eliya iti i kwekiŋdya na mugun ko Aba. A dyaŋ gwe a duma Samaria.

2 Moran 6:25

A dyaŋ gwe kata a duma Samaria kogwon tuma nanyit, tojo ko kwe na kaine tugwöröni -ko pödö nagon temuŋdya a sekelejin merya budök, a swöt geleŋ na iŋwan na wuyit nagon a kaba na kin ti gure tugwöröni ko pödö sekelejin mukanat.

2 Moran 8:1

A Elisa köju aje jambu ko ŋuto nagon nye a toru ŋuro lonyit na adi, ŋine ki ko ŋiörö kaŋo ni se ko mede inot liŋ, ko iti tu mönuŋdye i nene pirit nagon do bubulö monuŋdyo kata; kogwon MATAT a luŋgu dyaŋ logon mo ŋokin i lo jur ko kiŋajin buryo.

Eyobo 10:2

A nan de kulyani kö Ŋun adi, An do ko ’duŋökin kulya kwearabat, ama kweki nan ko nyo do wiwinya ko nan.

Saumajin 27:8

Do a kulya adi, Ga ’yi ta komor nio. A töili lio ruŋge do adi, Pon MATAT, nan gaga ’yu komor inot.

Saumajin 50:15

Luŋgi ta nan i lor delyaet; a nan mo lwökundye ta, a ta mo pupurje nan.

Saumajin 91:15

Nye mo luluŋgu nan, nyena a nan mo ruŋge lepeŋ; nan mo gwon ko lepeŋ i ŋirit na geleŋ i diŋit nagusu, nan mo lwökundyö lepeŋ, a nan mo tindi lepeŋ i bula.

Lewi 26:26

A ko nan a nyökuŋdyö kak kinyo losu logon töggu ta lo a lo ’dit parik, a ŋutu wate puök mo deŋi ambatajin kasu i namet geleŋ, a mo tembi ambatajin kasu ko mijan; a ta mo nyesi nyesu, a mo tine yimönö.

Kenet 27:21

A nye mo gwo ’de ko koane Elejara i komor, a koane mo galakiŋdye nye kulya kanyit ko MATAT i komor gwoso i ’duget na Urim; a ko lepeŋ a kulya adi, Iti ta, a se ködyö iti kaŋo, a ko lepeŋ a kulya adi, Lupöni ta, a se lupöni lukata, kweja adi Yosua se ko momoret liŋ na ŋutu ti Yisaraele.

Yosua 7:1

Ama a ŋutu ti Yisaraele laŋgi saret i kulya ti ŋo nagon a gelwe a na rurwan kunu; kogwon Akana ŋuro lo Karmi, ŋuro lo Tabedi, ŋuro lo Jerak, lo kötumit na Yuda, a ’dumuŋdya kunie ti ŋo na rurwan; a woran na MATAT tuleki i ŋutu ti Yisaraele.

Yosua 9:20

Yi de konakin sesona, a kölökiŋdye se jörun, an woran nanyit koŋokin kayaŋ loki, kogwon kulya ti milye logon yi a milyekin se lo.

Ruta 1:1

A ko gwe sona i diŋit saret na ka ’duŋök a dyaŋ gwe i jur, a lele nuto lo Beteleme na Yuda yuörö i jur lo Moaba, se ko narakwan nanyit ko ŋwajik kanyit murek.

1 Samuele 10:22

A se koti piyuŋdye ko MATAT adi, ŋilu ŋuto a ko nyuŋ poŋdya ni le? A MATAT kulyani adi, Mete, nye lu a ’delakiŋdya mugun i tito lukata.

1 Samuele 23:11

ŋutu ti Keila ŋona de wuwukin nan kanyit i könisi le? Saula ’diri de popo ni gwoso na yiŋge nan köliŋönit ilot na le? Nan mo ’yu do, pon MATAT ŋun lo Yisaraele, böŋö tuköki nan köliŋönit ilot. A kirut MATAT waddi adi, Saula de popo.

1 Samuele 23:2

Nyenagon a Dawidi muluŋdye ko MATAT adi, Nan ŋona bubulö tu i mörö ko kilu ŋutu ti Pelesete le? A MATAT kulyani ko Dawidi adi, Iti i mörö ko ŋutu ti Pelesete kulu, anyen lwökuŋdyö Keila.

1 Samuele 23:4

A kirut Dawidi köti muluŋdye ko MATAT. A MATAT ruŋge lepeŋ adi, ŋine ŋien, ko lulurara kak Keila yu; kogwon nan mo puŋutukin ŋutu ti Pelesete konut i könisi.