2 Samuele 20:1 - Bibilia Buk na Ŋun nagon koti luŋu a

¹ A lele ŋuto mök gwe nyu karin kanyit a Seba, ŋuro lo Bikiri Benyaminatyo; a lepeŋ kuddye tore adi, Kulya kaŋ ’bayin ko Dawidi, yi ’bak lomore i ŋuro lo Yisai;ta ŋutu liŋ ti Yisaraele, yitöni ta kasu i midijik!

2 Samuele 20:1 ပူးပေါင်းရင်းမြစ်များ

Suluet 46:21

A ŋwajik ti Benyamina gwe a ko Bela, ko Beker, ko Asebele, ko Gera, ko Naman, ko Eki, ko Rosu, ko Mupim, ko Kupim, se ko Areda.

2 Samuele 15:10

Ama a Abisaloma soŋdi luyökie kulye a lwön i kötumitön liŋ ti Yisaraele kulya adi, Ko ta a yiŋga tore i kuta kulyani ta ’de ’de adi,

2 Samuele 16:11

A Dawidi kulyani ko Abisai ko köliŋönök kanyit liŋ adi, Mete ta, ŋuro liŋ logon lupuŋdyö köyö i pele lo ga ’yu tatuja nan; bia parik ŋilo Benya-minatyo. Kö ’yi ta lepeŋ, ti lepeŋ tomore; kogwon MATAT a sarakin lepeŋ.

2 Samuele 16:7

A Simei tomore ko lepeŋ adi, iŋgo, iŋgo, do ŋuto katowŋonit lo rima, do ŋuto kamönyönit.

2 Samuele 18:17

A se ’dumuŋdye mugun na Abisaloma a gubaddi i dili duma na gwon i rudu lukata, a sobbi ŋurupö a ’dome duma parik ko lepeŋ i kwe; a ŋutu liŋ ti Yisaraele wöki wökön kase i midijik.

2 Samuele 20:2

A ŋutu liŋ ti Yisaraele kukute bot ko Dawidi, a kepoddi Seba ŋuro lo Bikiri; ama a ŋutu ti Yuda ’depakiŋdye go ko mor lose, suluja Yardene tojo ko Yerusalema.

2 Samuele 20:22

A nu ŋuto ko koŋon nanyit iti ko ŋutu liŋ ti köji. A lepeŋat ’duŋuŋdye kaŋo kwe na Seba ŋuro lo Bikiri, a gubaddi ko Yöaba yu. A kirut lepeŋ kuddye tore a se reki rekin i ŋinu köji, ŋutu liŋ geleŋ geleŋ kase i midijik. A Yöaba yitöni Yerusalema ko mor yu.

2 Samuele 23:6

Ama ŋutu liŋ logon ti twöju Ŋun kulo gwon gwoso kikwa nagon korotoji mu ’diŋ; kogwon lepeŋat ti bulö ’du ’duma ko könin;

1 Moran 12:16

A ŋutu liŋ ti Yisaraele ko meddi adi mor ti yiŋ se, a se nyökökiŋdye mor ruket adi, Kulya kaŋ a nyo ko Dawidi ŋuro lo Yisai? Yi ’bak nene lomore ko lepeŋ. Ta ŋutu ti Yisaraele, yitöni ta kasu i midijik! Ta ŋutu ti Dawidi, sopinana meddi ta kötumit nasu. A ŋutu liŋ ti Yisaraele reara kase i midijik.

1 Moran 21:10

ko tosi ’dakiŋdye ta kamönyök murek i todir ko lepeŋ, ko ti se ŋökiŋdye lepeŋ adi, Do a lömbu Ŋun se ko mor. A kirut ta joŋgi lepeŋ kaŋo a gugubuje lepeŋ ko ŋurupö, anyen nye twatwan.

2 Dekat 10:16

A ŋutu liŋ ti Yisaraele ko meddi adi mor ti yiŋ se, a se nyokokiŋdye mor ruket adi. Kulya kaŋ a nyo ko Dawidi ŋuro lo Yisai? Ta ŋutu ti Yisaraele, yitöni ta liŋ kasu i midijik! Ta ŋutu ti Dawidi, soŋinana meddi ta kotumit nasu. A ŋutu liŋ ti Yisaraele reara kase i midijik.

2 Dekat 10:6

A mor Rabama iti i denuŋdya na jujuwet na ’but ko ŋutu muduŋin logon köju a kitakiŋdya Solomona monye lonyit nagon nye nyuŋ gwon kata nu, a nye pipije se adi, Ta ŋona bubulö jujuja nan ada anyen nan waddu kilo ŋutu?

Saumajin 17:13

Pon MATAT, ŋine ki! Gorokindye gwögwoti kase i komor, gubakindye se kak! Lwöggi nan ko bandu ilot i könisi ti ŋutu lorok;

Saumajin 34:19

Ŋuto lo rigwo gwon ko yöyöŋesi jore; ama a MATAT riŋundye nye kaŋo i se liŋ.

Tolupesi 25:8

Ko nyogga tukökindyö ŋutu i ri go nagon do a met; a do mo kondi nyo i ’dutet ko marate ilot a toyuun kwe inot?

Tolupesi 26:21

Ŋuto lo lodokon lo toju ’yö kulya rerenyesi gwon gwoso kuk na to ’deparikin kimaŋ na twatwaara, ko gwoso kaden na torekarikin kimaŋ.

Marako 3:24

Ko ködyö tumatyan a koŋa mugun, ŋina tumatyan ti bulö yeŋon a tumatyan.

Luka 19:14

Ama a ŋutu kanyit ti jur maŋdi lepeŋ; a se yokiöddi ŋutu ko lepeŋ i mukök, adi, Yi ti ’bön ŋilo ŋuto gwon a mor likaŋ.

Luka 19:27

Ama kilo merok kwe logon ti ’bön nan tumatyan ko se kilo, joŋdi ta se ni ko tatuje ta se koyo i komor.

Yoane 13:8

A Petero kulyani ko lepeŋ adi, Do de ti lala mokosi kwe kwöŋ! A Yesu waddi adi, Ko nan ti lala do a do tine parundya kulya kwe.

Nyökit 13:13

adi kulye ŋutu logon a logon aje tu kaŋo kasu kiden, ko a lulukaddu ŋutu ti nu köji nase adi, Ti yi iti ta i kitakiŋdya na kulye Ŋunyen logon ta a ko den,

Ka’duŋök 19:22

A nagon se nyuŋ gwon i lyöŋön ko binyo nu, mete, a kulye ŋutu ti köji logon a logon lorakiŋdye nu köji kiden, a kwokwoggi kötumit; a kulyani ko ŋuto modoŋ monye kadi lo adi, Topuköki yi ŋuto logon a lupö konut kadi lo, anyen yi böŋö yoyoja lepeŋ.

Ka’duŋök 3:27

A gwe sona, a nye ko ’dure yu, a kuddye tore i jur lo Epuraima logon a merya, a ŋutu ti Yisaraele luluru kak i jur logon a merya ko lepeŋ kase ŋerot.

Ruta 2:3

Nyena a lepeŋ ko iti a ’duröki nyu i ’du ’dumba na pitönö ti ’bolot i melesen ko kaŋerak i mukök, a nye iŋge ’durökin i swöt lo melesen nagon a na Boaja lo kotumit na Elimelek.

1 Samuele 13:2

Saula wulökiŋdye mugun ŋutu ti Yisaraele aliŋan musala; a aliŋan murek gwe ko Saula Mikemasa i jur lo merya ti Betele, a aliŋ geleŋ gwe ko Yonatana Gibea na Benyamina; a nye soŋdi ŋutu lo pituŋdyö kulo mede, se liŋ geleŋ geleŋ kase i midijik.

1 Samuele 2:12

A ŋwajik ti Eli wöröni abur; a se tine twöju MATAT.

1 Samuele 30:22

A kirut ŋutu lorok liŋ logon a logon i kiden na ŋutu logon a tu ko Dawidi kulo kulyani adi, Yi ti bulo tiŋdu se nene ŋo i ryakat nagon yi a ryonu, kogwon lepeŋat a ko tu koyi, ka ’de ŋutu liŋ bubulö joŋga wate kase ko lupudiet ko ti se iti.