2 Samuele 2:6 - Bibilia Buk na Ŋun nagon koti luŋu a

⁶ Nyenagon ti MATAT nyaŋi ta ko to ’diri! A nan koti de konakiŋdye ta ’buia kogwon ŋina ŋo nagon ta a kon na.

2 Samuele 2:6 ပူးပေါင်းရင်းမြစ်များ

2 Samuele 10:2

A Dawidi kulyani adi, Nan de kökonakin Kanun ŋuro lo Nakasa ’bura, gwoso na konakiŋdye monye lonyit nan nu. A Dawidi sonyoddi köliŋönök kanyit i sugga na lepeŋ i kulya ti monye lonyit. A köliŋönök ti Dawidi kulo ’dure i jur lo ŋutu ti Amon.

2 Samuele 15:20

Do gwoso lo poŋdya kaje, nyena nan bubulö tiŋdu do i wörö ki koyi ada i lo lor? Kogwon nan lo wöki i pirit na ryö nan. Yitöni bot ko joŋgi luŋösurök ko do i pirit na geleŋ; ko ti nyaret na MATAT nagon ti ’duddyö na ko to ’diri nanyit ti gwe ko ta.

2 Samuele 2:7

Nyenagon soŋinana ti könisi kasu gwe a iŋgo, ko ti ta gwe a walan; kogwon Saula duma losu gwe ’bayin, a kötumit na Yuda aje ’börökiŋdya nan a mor lose.

2 Samuele 9:3

A mor koti pipije adi, Lele ŋuto nyuŋ kata logon a lo kötumit na Saula, anyen nan bubulö konakiŋdya lepeŋ ’bura ko nyaŋu na ŋun? A Siba ruŋge adi, Lele ŋuro lo Yonatana nyuŋ kata, ama lepeŋ a bata mokosi.

2 Samuele 9:7

A Dawidi kulyani ko lepeŋ adi, An do ko kujönö; kogwon nan de kökonakin do ’bura kogwon kulya ti monye ilot Yonatana, a nan de nyökökiŋdye do kak liŋ na merenye ilot Saula; a do de nyesi köyö i misa perok liŋ.

Saumajin 57:3

Nye mo sunyukindyö nan lwökit ki yu i lwöggu na nan, kogwon ŋutu logon ’dek wi ’yö nan kulo ’dö ’döju; Ŋun mo sonyoddu nyaŋu nanyit nagon ti ’duddyö na ko to ’diri nanyit.

Yuörö 34:6

A MATAT lwöŋöddi kanyit i komor laŋa adi, MATAT, MATAT, lepeŋ a ŋun logon wowon konyen ko a kanyaranit, ’di ’dikö i woran ko a jore ko nyaŋu nagon ti ’duddyö kwöŋ se ko to ’diri.

Tolupesi 14:22

Ŋutu lo yeyeju kondya arabat gona a ko giran le? ama ŋutu lo yeyeju kondya ’bura kulye ŋutu nyanyar lepeŋat a gwak.

Matayo 10:16

Mete ta, nan ŋilo soŋdu ta kaŋo gwoso köbilu i kiden na lujin. Nyena gwe ta a lokoŋ gwoso munuö, ko gwe ta gwoso gureki nagon ti konakiŋdya ŋutu arabat.

Matayo 5:44

Kölumbö nan takiŋdya ta adi, Nyare ta nyar merok kasu, ko momo ’yi ta Ŋun kogwon kulya ti ŋutu lo sasaŋdu ta kilo,

Matayo 5:7

ŋutu logon wowon konyen ko ŋutu kilo a kalyöŋök; kogwon se mo woworikin konyen.

Yosua 2:14

A kulu ŋutu kulyani ko lepeŋ adi, Ti ru nikaŋ togwouŋdye ru nasu i twan. Ko do ti tuggö kulya kao, ’diri ’diri a yi mo konakiŋdye do ’bura ko to ’diri i diŋit na tiŋdi MATAT yi lo jur na.

Ruta 1:8

A Naomi kulyani ko wate ti ŋwajik kanyit murek kune adi, Iti ta, yitöni ta liŋ kase komunyi midijik. Ti MATAT konakiŋdye ta ’busaŋ gwoso köju na konakiŋdye ta lutwatwa kulu ko nan köti.