2 Samuele 2:5 - Bibilia Buk na Ŋun nagon koti luŋu a

⁵ A Dawidi sonyoddi luyökie i ŋutu ti Yabesa-gilada, a kulyani adi, Ti MATAT ’boroji ta, kogwon ta aje kwekiŋdya Saula duma losu ŋina ’busan, a ta aje nugga lepeŋ.

2 Samuele 2:5 ပူးပေါင်းရင်းမြစ်များ

Suluet 14:19

A nye ’boroji lepeŋ adi, Ti Ŋun Katoŋanit lo ki liŋ monye lo ki ko kak, ’boroji do Abarama,

Suluet 14:22

Ama a Abarama kulyani ko mor lo Sodoma adi, Nan a ’doggu könin liŋ ki ko MATAT Ŋun Katoŋanit lo ki liŋ monye lo ki ko kak,

2 Samuele 15:20

Do gwoso lo poŋdya kaje, nyena nan bubulö tiŋdu do i wörö ki koyi ada i lo lor? Kogwon nan lo wöki i pirit na ryö nan. Yitöni bot ko joŋgi luŋösurök ko do i pirit na geleŋ; ko ti nyaret na MATAT nagon ti ’duddyö na ko to ’diri nanyit ti gwe ko ta.

2 Samuele 21:12

a Dawidi iti tu a ’dumaddi kuyu ti Saula, ko kuyu ti ŋuro lonyit Yonatana i ŋutu ti Yabesa-gilada, kilu ŋutu köju a kokoladdu öpuö kase i terere na Bete-san, i nu pirit nagon ŋutu ti Pelesete a leleji se ki nu, i lor logon Pelesete tatuje Saula Giliboa lu.

Saumajin 115:15

Ti MATAT ’boroji ta, nye logon a gweja ko ki ko kak lo!

Yosua 2:14

A kulu ŋutu kulyani ko lepeŋ adi, Ti ru nikaŋ togwouŋdye ru nasu i twan. Ko do ti tuggö kulya kao, ’diri ’diri a yi mo konakiŋdye do ’bura ko to ’diri i diŋit na tiŋdi MATAT yi lo jur na.

Ka’duŋök 21:8

A se pipije adi, Nan kötumit na ŋutu ti Yisaraele nagon a ko tu ko MATAT i komor Misepa yu? Nyena mete, lele ŋuto ’bayin logon a poŋdya i Yabesa-gilada logon a tu i mera i momoret.

Ruta 1:8

A Naomi kulyani ko wate ti ŋwajik kanyit murek kune adi, Iti ta, yitöni ta liŋ kase komunyi midijik. Ti MATAT konakiŋdye ta ’busaŋ gwoso köju na konakiŋdye ta lutwatwa kulu ko nan köti.

Ruta 2:20

A Naomi kulyani ko narakwan na tore adi, Ti MATAT logon a ko ’dumara ’busan nanyit i ŋutu lo gwon jorun ko lo twatwa lo ti ’boroji lu ŋuto. A Naomi koti kulyani ko lepeŋ adi, ŋilu ŋuto a marate likaŋ, nye a karutyo likaŋ lo nyona.

Ruta 3:10

A Boaja kulyani ko lepeŋ adi, Ti MATAT ’boroji do pon ŋuro nio, kogwon ’busan inot na na diŋit a na ’but lwolwoŋ na kokwe nu, kogwon do a ko kebbu teton kode lomerika kode kwörinikö.

1 Samuele 11:1

A ko gwe sona, a Nakasa ŋuto A lo Amon iti i tumba na Yabesa-gilada; a ŋutu liŋ ti Yabesa kulyani ko Nakasa adi, Teteŋdi tomoret koyi, a yi de kitakiŋdye do.

1 Samuele 11:9

Ase kulyani ko luyökie lopete ’durkulo adi, Taki ta ŋutu ti Yabesa-gilada adi, ko ’bure i diŋit na tuparan a se de lwokoni lwoko. A luyökie kulo ko ’dure a takiŋdye ŋutu ti Yabesa, a se lyoŋi lyoŋon.

1 Samuele 15:13

A na ’durökiŋdye Samuele ko Saula yu nu, a Saula kulyani ko lepeŋ adi, Ti MATAT ’boroji do; nan aje koŋdya saret lo MATAT.

1 Samuele 23:21

A Saula kulyani adi, Ti MATAT ’boroji ta kogwon ta aje won konyen ko nan.

1 Samuele 24:19

Ko ködyö lele ŋuto a ryeju miriku lonyit, nye ŋona bubulö kölöddu lepeŋ a loke le? ’Nyenagon ti MATAT ropakiŋdye do ’busan kogwon ŋo nagon do a konakin nan i lo lor na.