2 Samuele 2:26 - Bibilia Buk na Ŋun nagon koti luŋu a

²⁶ A Abiner laije Yöaba adi, Ti yi yeŋe mörö le? Do a ko den adi i ’dutet nanyit a gwe pötwör? Do de saŋu ŋutu kulök i nan diŋit anyen yitö bot i kipuŋdyö na luŋasirik kase?

2 Samuele 2:26 ပူးပေါင်းရင်းမြစ်များ

2 Samuele 11:25

A Dawidi kulyani ko luyökie lo adi, Mana ŋo nagon do de nyönyökökin Yöaba adi ti nye gwe ti delya i kine kulya, kogwon gor lo tutuŋgö ŋutu liŋ jojo a tuka ’de gwe ’bayin. Möröni ta parik ko ŋinu köji, i te ’ya na lepeŋ. Ko togole togo Yöaba i kine kulya.

2 Samuele 2:14

A Abiner kulyani ko Yöaba adi, Ti teton ŋine ki anyen möŋu ’börik kayaŋ i komor. A Yöaba kulyani adi, Ti lepeŋat ŋine ki.

2 Samuele 2:16

A se tomoke i murutö, a leŋe soji marate i merete ko wale; a se ’do ’done kak i pirit na geleŋ. Nyenagon a ŋinu pirit luŋuni a Kelekat-asurim, nagon gwon Gibeon.

2 Samuele 2:25

A kötumit na Benyamina momori ’börik i pirit na geleŋ ko Abiner i mukök, a poŋdi a teŋ geleŋ, a gwo ’de i lele mere ki.

2 Samuele 2:27

A Yöaba waddi adi, ’Diri gwak gwoso na gwoŋdi Ŋun na, ko do ködyö a ko kulya, a ŋutu kulök ködyö tine kö ’yu kebbu luŋasirik tojo ko ko ’bure.

Eyobo 18:2

Diŋit ŋoman nagon do ga ’yu kulyaesi gwoso katogoranit? Yeyeji yeyeju a kirut yi de lo jambi.

Eyobo 19:2

Diŋit ŋoman nagon ta tomije nan, a kököröji nan ka ’de ka ’de ko kulyaesi?

Saumajin 4:2

Ta ŋutu logon a liŋo, diŋit ŋoman nagon ta lalaun bu ’ya nan? Diŋit ŋoman nagon ta nyanyar kulya kana, a ta ga ’yi kulya ’burönö?

Tolupesi 17:14

Suluja na moro gwon gwoso tulundyo na piŋo kaŋo, nyena wuddye wuddya i ŋerot nagon moro a ko nyuŋ po pape.

Yisaya 1:20

ama ko ta titiŋga ko rerenya, a ta de tutuŋoni ko baŋdujin; kogwon nan MATAT a jambu sona.

Yeremia 12:12

Karyakak aje po i yöbu na sese, i piriton liŋ nagon a ko ’dulan na gwon kana; a baŋdujin ti MATAT tukaŋi jur ’bukuluŋ suluja i ’dutet tojo ko nene ’dutet, a ŋo lo gwon jorun tine ryo yukan kwoŋ.

Yeremia 2:30

’Bulit ’bayin nagon nan gwuddyö ŋwajik kasu kak, tojumisi kwe ti yiŋa; a ta gwe gwoso kömiru nagon a kaŋ ai tatuja na nebijin kasu ko walya kasu.

Yeremia 4:21

Diŋit ŋoman nagon nan mo meddi beret i ’biliki ki, ko i yiŋga na wogon na tore?

Yeremia 46:10

Lo lor a lor lo MATAT ŋun lo kurumi, ŋilo lor a lor logon nye ropakiŋdye merok kanyit. A baŋdu mo tatuje tatuja a yimönöni yimönö, a mere meran ko rima kase. Kogwon MATAT ŋun lo kurumi koŋdya rubaŋga i jur lo lobot nyona ko kare Perat.

Yeremia 46:14

Tuke ta kine kulya Ejipeto yu, laiyara ta se Migedola, ko Mempisa, ko Takapenesa, adi, Gwo ’de ta ajo, teteŋdi ta teteŋdya, kogwon merok tatatuja kasu i swö­tön liŋ.

Osea 11:6

Baŋdu mo kakapakiŋdya kase i köjinö, a tu ’baka ’yi rigilesi ti kötumitön kase, a mo tutuŋge se kogwon yeyeet na teten se na.

Konesi 7:26

Ko ’bure nanyit a nye ’bunyö kiŋdye ŋutu murek ti Yisaraele momorö, a nye yöŋöni tomor a lepeŋat, a nye suŋge adi, Yakulo, ta a luŋasirik, ko nyo nagon ta konakiŋdya ’börik arabat sona?