2 Samuele 2:23 - Bibilia Buk na Ŋun nagon koti luŋu a

²³ Ama lepeŋ ti ’bön girara i lele swöt; nyenagon a Abiner iŋge rem lepeŋ i pele ko bidi lonyit lo gor, a iŋge tulöddu köke kanyit i ki ’diŋ; a lepeŋ ’dorone kak nyu a twane twan i ŋinu pirit. A gwe sona adi ŋutu lio logon a ’dur i ŋinu pirit nagon Asaele a ’doro ’i ko a twaji nu, a se gwo ’de gwo ’dan.

2 Samuele 2:23 ပူးပေါင်းရင်းမြစ်များ

2 Samuele 2:24

Ama a Yöaba ko Abisai gwe i kepöddu na Abiner; a se ’duröki i mere lo Ama logon gwon i ŋerot na Giya i kiko lo tiri yöbu na Gibeon i ’doro na kolor lu.

2 Samuele 20:10

Ama a Amasa gwe a ko tiriku baŋdu lo gwon ko Yöaba i könin lu, a Yöaba soji lepeŋ kanyit i pele, a moyok wuki kak, ama lepeŋ a ko nyakakin nene daŋ tomurek, a nye twane twan. A Yöaba ko Abisai luŋaser lonyit kepoddi Seba ŋuro lo Bikiri.

2 Samuele 3:27

A nagon Abiner aje yitwe Keberon, a Yöaba joŋgi lepeŋ a swot i lukata na kötumit lupet anyen tu jambu ko lepeŋ a lwön, a nye iŋge rem lepeŋ nyu kanyit i pele, a lepeŋ twane twan, ropakiŋdya rima ti Asaele luŋaser lonyit.

2 Samuele 3:30

Nyena Yöaba ko Abisai luŋaser lonyit lo tatuja Abiner, kogwon lepeŋ a tatuja luŋaser lose Asaele i mörö na gwon Gibeon yu nu.

2 Samuele 4:6

Mete, a ŋuto nagon a katiyunit na kötumit na ŋinu mede gwe i seddya na ’bolot, ama a konyen kanyit lure lur a dotoni doto; nyena a Rekaba ko luŋaser lonyit Bana kokoladdi ’börik lukata a lwön.

2 Samuele 5:6

A mor ko ŋutu kanyit iti Yerusa-lema i mörö ko ŋutu ti Yebusi logon a komonye kak, logon a jambu ko Dawidi adi, Do tine lupe ni asut, ama mo ’do-keno ko ŋodeki de lo riköddu do kaŋo; lepeŋat yeyeju adi Dawidi ti bulö lupe lukata ni asut.