2 Samuele 2:18 - Bibilia Buk na Ŋun nagon koti luŋu a

¹⁸ A ŋwajik musala ti Seruya gwe nyu, logon a ko Yöaba ko Abisai ko Asaele. A mokosi ti Asaele gwe pa ’de ’de gwoso ti nyama na mu ’diŋ.

2 Samuele 2:18 ပူးပေါင်းရင်းမြစ်များ

2 Samuele 1:23

Saula ko Yonatana a lo nyanyara ko a lokwekwelen! Se a ko kora i gwon nase jörun ko i twan nase; se a lo wulekak lwölwöŋ yukuö, se a iŋgo lwölwoŋ kömiruöt.

2 Samuele 14:1

A Yöaba ŋuro lo Seruya kuruŋdye adi töili lo mor gwon i yeyeju na Abisaloma.

2 Samuele 2:19

A nye kepoddi Abiner, a nye tine girara i wökön nanyit kode i swöt lo lutaten kode i kadoŋe na kepoddi nye Abiner nu.

2 Samuele 22:34

Nye a tiŋdu mokosi kwe gwoso ti ka ’bu, a nye tosi ’dakiŋdye nan ’bura i kusik ti merya.

2 Samuele 23:24

A Asaele luŋaser Yöaba gwe a lele lo kilu ŋutu merya musala, se ko Elekanan ŋuro lo Dodo lo Beteleme,

1 Moran 2:5

Köti do luŋa a den ŋo nagon Yöaba ŋuro lo Seruya a konakin nan kune, ko ŋo nagon nye a konakin Abiner ŋuro lo Ner, ko Amasa, ŋuro lo Yeter, logon a dumalak murek ti kamörök ti Yisaraele. Nye a tatuja lepeŋat, ropakiŋdya rima na ’bukwe i gor kune i diŋit na taliŋ, a tiŋdi rima na mamaŋa i kamba nagon a dukuki köyö i mukök na, ko i kamuka lo gwon köyö i mokosi kulo.

1 Dekat 11:26

A ŋutu walan ti kamörök gwe a ko Asaele luŋaser Yöaba, ko Elekanan ŋuro lo Dodo lo Beteleme,

1 Dekat 12:8

A kulye ŋutu walan koraddi ’börik kaŋo ko nyakwariat ti Gada a moraddi ko Dawidi yu i pirit ’danaet nago i yöbu. Lepeŋat a diniki mörö ko ’bukwö ko goro, a komorsikan kase gwe a najögitök gwoso ti kömiruöt, a lepeŋat gwe a lowulekak i wöwöki i merya gwoso nyaman.

1 Dekat 12:9

A karin kase gwe a Ejer logon a duma, a Obadia lo gwe a tomurek, a Eliaba lo gwe a tomusala,

1 Dekat 27:7

A Asaele luŋaser Yöaba gwe a toiŋwan lo kita i yapa toiŋwan, a Jebadia ŋuro lonyit lo ruddye pirit nanyit. Lepeŋ ko ŋutu alipan merya murek wot iŋwan i teŋ nanyit.

Saumajin 18:33

Nye a tindu mokosi kwe gwoso ti ka ’bu, a nye tosi ’dakindye nan ’bura i kusik ti merya.

Katokuönit 9:11

A nan köti meddi adi i kita na kolor ti gwon a ŋutu lo wökön ’de ’de ka ’de logon tete ’ya i wökön, kode ti gwon a ŋutu ti riŋit ka ’de logon tete ’ya gor. Ti gwon a ŋutu lokoŋ ka ’de lo ryeju kinyo, kode ti gwon a ŋutu lotolokok ka ’de lo ryeju tukwörienjin, kode ti gwon a ŋutu logon a bodwat ka ’de lo ryeju ’busan; ama a diŋitan na ’but ko narok ’bunyökindye se liŋ jojo.

Koli Lo ’but Parik 2:17

A nagon kak liku likun a tölimöt mimijörö mimijorö nu, a ti do nyaratti lio boŋo yitwene bot, gwe do gwoso nyama kode gwoso la ’ba titinti i merya logon ko kwakiat.

Koli Lo ’but Parik 8:14

Nyaratti liŋ, nyoŋgi po ’de ’de, ti do gwe gwoso nyama kode la ’ba titinti, lo wokon i merya lo gwon ko ŋo na mon ’bura.

Amosa 2:14

ŋuto lo wowoki ’de ’de mo ti ryö pirit ’danaet, a ŋuto logon ko riŋit mo tolikiŋdye riŋit nanyit, ma di ŋuto wa mo ti lwok mugun;

Abakuk 3:19

ŊUN MATAT a riŋit nio; a nye tiŋdi mokosi kwe a lowulekak gwoso ti kilep, a nye tiŋdi nan i woro i piriton nagon a ko ’dulan.

1 Samuele 26:6

A kirut Dawidi pije Akimelek ŋuto lo Kiti, ko Abisai luŋaser Yöaba, ŋuro lo Seruya, adi, ŋa logon ruruk moraddu ko nan i mera na Saula? A Abisai waddi adi, Nan de lo moraddu ko do.