2 Samuele 18:8 - Bibilia Buk na Ŋun nagon koti luŋu a

⁸ A möro nu iŋge rekin i jur liŋ. A ŋutu jore iŋge likin i rudu lukata i ŋilu lor lwölwöŋ ŋutu lo tatua i gor.

2 Samuele 18:8 ပူးပေါင်းရင်းမြစ်များ

2 Samuele 18:7

A köliŋönök ti Dawidi iŋge te ’ya ŋutu ti Yisaraele nyu, a ŋutu jore iŋge tatua i ŋilu lor a aliŋan merya murek.

2 Samuele 18:9

A köliŋönök ti Dawidi kulo iŋge ’bunyökin Abisaloma na wöggiri nye ko kaine nu. A kaine wöggiri lepeŋ i ködini duma logon kenia kanyit a reregga, a lepeŋ iŋge reka i kwe i ŋilu ködini. A nye iŋge liliŋ i ki, a kaine na ’doggu lepeŋ na wöki wökön.

1 Moran 20:30

A pitönö kulu wöki i köji na Apek; a gorom nagon a mariŋ na köji iŋge muju ŋutu aliŋan merya murek wot buryo lo pituŋdyö kulu. A Ben-adada köti wöki wökön, a luŋöni i nene kadi na lukata i nu köji.

Saumajin 3:7

Pon MATAT, ŋine ki! Lwoggi nan ŋon Ŋun lio! kogwon do nanaŋaju merok kwe kase i ŋebia, do ’be ’beleŋgu kala ti ŋutu lorok kaŋo.

Saumajin 43:1

Pon Ŋun, ’duŋge ŋutet lio adi nan ’bak kulya, jundye kulya kwe i gweyari lo ŋutu logon ti den do Ŋun kilo; lwöggi nan i ŋutu kamu mulu kak ko a lorok kilo!

Yuörö 15:10

Do a towuggö ko köbuŋöt ilot, a tör iŋge muluja se; se a ’dirörö kak i törön temejik adi surum gwoso witi.

Tolupesi 24:21

Ŋuro lio, kuŋge MATAT se ko mor, an do ko mora ko ŋutu temejik ti jur;

Tolupesi 24:22

kogwon se mo jondya kulya narok a lwön, a ŋa lo dendi karan nagon mo po ko lepeŋat yu?

Yosua 10:11

A ko gwe sona na woggiri se kaŋo ko ŋutu ti Yisaraele i komor, i diŋit nagon se gwe i dudulet na Bete-koron nu, a MATAT gubakiŋdye torok dumalak ti ki kase i kusik tojo ko Ajeka, a se twatwane twatwa; a se logon twatwa kogwon torok ti kudu kulu lwöŋe lwöŋ se logon ŋutu ti Yisaraele lo tatuja ko baŋdujin kulo.