2 Samuele 17:8 - Bibilia Buk na Ŋun nagon koti luŋu a

⁸ A Kusai kulyani adi, Do a den adi munyi ko ŋutu kanyit a ŋutu walan, soŋinana lepeŋat a woran parik gwoso gworoŋ nagon torela kanyit a ripaji mu ’diŋ yu. Köti munyi a ŋuto lokoŋ i gor; lepeŋ de ti doto i tukwaje ko ŋutu kulu i pirit na geleŋ.

2 Samuele 17:8 ပူးပေါင်းရင်းမြစ်များ

2 Samuele 15:18

A köliŋönök kanyit liŋ lwöŋöddi lwöpöddu kanyit yu, ko kamörök liŋ logon a Kereti ko Peleti, ko ŋutu liŋ miajin buker ti Gata, logon köju a kipuŋdyö lepeŋ Gata kulo, a lwöŋöddi lwöpöddu ko mor i komor.

2 Samuele 17:9

Meddi, ma ’di i na diŋit lepeŋ aje ’delakiŋdya mugun i nene dili, kode i nene pirit. A ko lepeŋ a ’dukin i kulye kasu i mörö na kokwe, a nye logon a yiŋga lo de kulyani adi, Kulye ŋutu kakepok ti Abisaloma aje tatua.

2 Samuele 23:16

A kirut ŋutu walan musala kulo tulöddi i kiden na mera na ŋutu ti Pelesete, a ’dipuŋdye pioŋ i ŋilu kidi lo Beteleme logon nyona ko kotumit na mariŋ lu, a joŋdi ko Dawidi ni. Ama a nye tine ’bon möju kine pioŋ; a lepeŋ ’bukö-kiŋdye se kak ko MATAT i komor,

2 Samuele 23:18

A Abisai luŋaser Yöaba, ŋuro lo Seruya gwe a duma lo ŋutu walan merya musala kulu. A lepeŋ gwe a lo wulek i mörö ko ŋutu miajin musala ko gor nanyit, a rembi se, a lepeŋ köti kune kuön ko kilu ŋutu walan musala.

2 Moran 2:24

A nye boŋgi se, a lömbi se i karin ti MATAT. A gwuruŋin murek nawate na burunyuŋdye kaŋo i rudu a roroŋdi kulye kase merya iŋwan wot murek.

Tolupesi 17:12

A na ’but i törumbo ko ŋworoŋ nagon torela kanyit aje likin, Iwolwoŋ törumbo ko ŋuto lu ’boŋ logon kondya aka ko tu ’bögön nanyit.

Tolupesi 28:15

Kasaranit loron lo saŋu ŋutu lomerika gwon gwoso kömiru lo rurumön kode gwoso gworoŋ lo totŋgoŋa.

Ejikele 19:2

taki lepeŋat adi, Ŋote nasu köju a kömiru nakwan i kiden na kömiruöt! Lepeŋ piriki i kiden na kömiruöt lo ’di ’dik a tunöggi torela kanyit.

Daniele 7:5

Mete, a lele gworoŋ tomurek lo gwe gwoso lubogu. A nye iŋge ’bilikiŋdya mugun ki a swot geleŋ; a lepeŋ gwe ko mara musala kanyit i kutuk i kiden na kala kanyit. A lepeŋ takine adi, ŋine ki, nyesi lokore a duma.

Osea 13:8

Nan mo lalabakin kasu loki gwoso gworoŋ nagon torela kanyit a ryakaji, a nan mo giddye mara kasu kaŋo, a nan mo nyesi ta nyu gwoso kömiru, gwoso kijakutat lo mu ’diŋ ködyö kekereŋdi ta na.

Ka’duŋök 18:25

A ŋutu ti Dan petakiŋdye ko lepeŋ ki adi, Yi ti ’dekan yiŋga gworo ilot an ŋutu logon toilyet a lorok ’doro kasu loki, an do ko tolikiŋdyo ru inot ko ru na ŋutu kulok liŋ ti ’baŋ.

1 Samuele 16:18

A lele titinti lonyit waddi adi, Mete, nan a meddya lele ŋuro lo Yisai ŋuto lo Beteleme, lepeŋ a bodo i ju ’yö, lepeŋ a ŋuto wa ko jujukin i mörö, ko a lokoŋ i jambu, ko a ŋuto lokwekwe-len, köti MATAT gwon ko lepeŋ.

1 Samuele 17:50

Nyena a Dawidi te ’yi Pelesetetyo lo ko lowiset se ko ŋurupit, a iŋge gumba Pelesetetyo lo a tatuje lepeŋ; ama a baŋdu möriet gwe ’bayin ko Dawidi i könin.

1 Samuele 23:23

Nyenagon meddi ta ’bura ko deŋdi ta piritön ’danaesi liŋ na ’danari lepeŋ kunu, a i mukök ti ta yitwene köyö ni ko lore logon a gwak. A kirut nan mo moraddi ko ta; a ko lepeŋ ’diri kata i jur yu a nan mo ga ’yi lepeŋ i kiden na kötumitön liŋ ti Yuda.