2 Samuele 17:10 - Bibilia Buk na Ŋun nagon koti luŋu a

¹⁰ A ma ’di ködyö ŋuto wa logon töili lonyit gwoso lo kömiru lo mo roponi roŋo asut; kogwon ŋutu liŋ ti Yisaraele a den adi munyi a ŋuto wa, ŋutu lo gwon ko lepeŋ kulu a ŋutu walan köti.

2 Samuele 17:10 ပူးပေါင်းရင်းမြစ်များ

Suluet 49:9

Yuda a tore lo kömiru; ŋuro lio, do aje yitwe i koja.Nye a rupakiŋdya kak, nye a piriki kak rupu gwoso kömiru, ko a piriki gwoso kömiru na nakwan; ŋa logon gona totoŋi lepeŋ?

2 Samuele 1:23

Saula ko Yonatana a lo nyanyara ko a lokwekwelen! Se a ko kora i gwon nase jörun ko i twan nase; se a lo wulekak lwölwöŋ yukuö, se a iŋgo lwölwoŋ kömiruöt.

2 Samuele 17:9

Meddi, ma ’di i na diŋit lepeŋ aje ’delakiŋdya mugun i nene dili, kode i nene pirit. A ko lepeŋ a ’dukin i kulye kasu i mörö na kokwe, a nye logon a yiŋga lo de kulyani adi, Kulye ŋutu kakepok ti Abisaloma aje tatua.

2 Samuele 23:20

A Benaya ŋuro lo Yoyada gwe a wa, lepeŋ a ŋuto lo ŋo Kabasele; lepeŋ a kakonanit lo ŋo temejik; lepeŋ a tatuja ŋwajik murek ti Ariele Moaba yu. A nye köti iti kak a iŋge tatuja kömiru i dili i lor logon kak a muluwa ko luru duma lo lilik parik.

Saumajin 89:19

I kulya na meta do köju a jambu ko ŋutu kulök katwöyök, adi, Nan a sarakindya paret i ŋuto lo gwon ko riŋit, nan a ’dulukindya ki ŋuto logon a wulwe i kiden na ŋutu.

Yuörö 15:15

A kimak ti Edom söŋi soŋu; a ŋutu temejik ti Moaba iŋge moka ko kujönö a böŋdi böŋdu; a töilyet ti Ŋutu liŋ lo si ’da Kanana kulo iŋge doddya ko kujönö.

Tolupesi 28:1

Katoronyanit wöwökön ŋuto ’bayin lo riköddu lepeŋ, ama ŋutu lo rigwo a riör gwoso kömiruöt teton.

Koli Lo ’but Parik 3:7

Meddi, Solomona lo ’doko lu kanyit i dotoet nagon yeyekarikin lepeŋ nu; a ŋutu walan merya buker ti Yisaraele gwe a kanyomök ka­nyit,

Yisaya 13:7

Nyenagon könisi ti ŋutu liŋ mo gwon a lomunyak, a töilyet ti ŋutu liŋ mo doddi doddya,

Yisaya 19:1

’Dole i kulya ti Ejipeto adi, Mete, MATAT popo i ’dikö na wökun ’de ’de, a ’duki Ejipeto; a nyömuejin ti Ejipeto mo böböŋdi i böböŋdu kanyit i komor, a töilyet ti ŋutu ti Ejipeto mö lwö ’yi lwö ’yu.

Ejikele 21:15

Nan aje tiŋdu baŋdu lo kokobbu i kötumitön liŋ ti köji anyen töilyet ti ŋutu lwölwö ’yu, a lojore kase köpuköni köpukö a ’dorone ’doro, iŋkoi, ŋilo baŋdu me ’yu gwoso meme ’dekta na ki, lepeŋ aje poto a tatuet.

Nyökit 1:28

Yi de tu da? Luŋasirik kaŋ aje tomunyaŋdu töilyet kaŋ adi, Kulu ŋutu a temejik ko a lojo totoŋun yi; a kunu köjinö a temejik ko gwon ko mariŋan nagoŋ yeŋga i ’diko; ko lwolwöŋ ŋo liŋ yi köti a meddya ŋutu ti Anak nyu.

Ebere 11:34

a iŋge peŋ kimaŋ na tule ko riŋit, a iŋge rwöddu i tatua ko baŋdujin. Ma ’di nagon se a lomunyak ama se a wora a iŋgo. A se iŋge kon ’börik a kamörök walan, a se iŋge rikökin teŋon ti kamorök logon a Lwaka.

1 Samuele 16:18

A lele titinti lonyit waddi adi, Mete, nan a meddya lele ŋuro lo Yisai ŋuto lo Beteleme, lepeŋ a bodo i ju ’yö, lepeŋ a ŋuto wa ko jujukin i mörö, ko a lokoŋ i jambu, ko a ŋuto lokwekwe-len, köti MATAT gwon ko lepeŋ.

1 Samuele 18:17

A Saula kulyani ko Dawidi adi, Mana Meraba ŋuro nio kayu. Nan de tiŋdu do nye a narakwan inot; ama tuŋ ti do gwe a purutat i kulya kwe, ko möröni mörö goro ti MATAT. Kogwon Saula a yeyeju adi nye ti ’bulukiŋdyö könin lonyit ko lepeŋ loki, ama ti ŋutu ti Pelesete lo tatuje lepeŋ.