2 Samuele 16:4 - Bibilia Buk na Ŋun nagon koti luŋu a

⁴ A mor kulyani ko Siba adi. Mete, ŋo liŋ nagon a ti Mepiboset de gwe a kunök soŋinana. A Siba jambi jambu adi, Nan a katwöyönit ilot; böŋö ti nan ryeŋdi ’busan konut i komor pon mor duma liŋ.

2 Samuele 16:4 ပူးပေါင်းရင်းမြစ်များ

2 Samuele 14:22

A Yöaba ’dorone kak rupu, a twöji twöju, a tiŋdi mor tinate; a Yöaba kulyani adi, Nan köliŋönit ilot aje den i lo lor adi nan aje ryeju ’busan konut i komor Pon mor duma liŋ, kogwon do mor aje ruggö molet na köliŋönit ilot.

2 Samuele 14:4

A ŋina ŋuto na Tekowa ko ’duröki ko mor yu, a lepeŋ ’dorone kak rupu, a twöji twöju kulya adi, Ŋaraki nan pon mor.

2 Samuele 14:8

A mor kulyani ko ŋuto na adi, Iti konut mede, nan de sasar ŋutu i kulya kunök.

2 Samuele 16:3

A mor pipije adi, Liya ŋuro lo Saula duma ilot? A Siba waddi mor adi, Mete, lepeŋ lu si ’da Yerusalema; kogwon lepeŋ a jambu adi, I lo lor kötumit na Yisaraele de nyönyökökin nan tumatyan na baba.

2 Samuele 16:5

A nagon mor Dawidi aje ’durökin Bakurim nu, a lele ŋuto lo ’duŋet lo kötumit na Saula lo lupene kaŋo, karin kanyit a Simei ŋuro lo Gera; a nye tomuru tomurun i po nanyit.

2 Samuele 19:27

Lepeŋ a pökiŋdyö nan köliŋönit ilot kana konut pon mor duma liŋ. Ama do gwoso malaikatat lo ŋun pon mor duma liŋ; nyenagon do bubulö koŋdya ŋo nagon do a met a na ’but konut na.

2 Samuele 9:6

A Mepiboset ŋuro lo Yonatana, ŋuro lo Saula poŋdi ko Dawidi ni, a ’dorone kak rupu, a twöji twöju. A Dawidi kulyani adi, Mepiboset! A nye nyobbi adi, Nan malo, köliŋönit ilot.

2 Samuele 9:9

A kirut mor luŋgi Siba köliŋönit lo Saula, a kulyani ko lepeŋ adi, Nan aje nyökökin ŋuro lo duma ilot ŋo liŋ nagon a ti Saula ko kötumit nanyit liŋ.

Yuörö 23:8

Do ködyö ti wuju ’doket na ropaki do a lwön, kogwon ’doket na ropaki a lwön na tomo ’dokeju konyen ti Ŋutu i po nagon se memet kune, a togiŋe putet lo ŋuto lo rigwo.

Tolupesi 18:13

An do ko waddu kulya i ŋerot nagon do a ko nyuŋ yiŋun, kogwon gwon a tu ’böŋön ko a yu na kwe.

Tolupesi 18:17

Ŋuto logon tuggö kulya kanyit a kokwe meta gwoso a gwak, tojo ko lele ŋuto a pokin i pipija na lepeŋ.

Tolupesi 19:2

Köti ’bayin a na ’but ko ŋuto ’de ’dekan nene ŋo ama lepeŋ ’bak kogon; ŋuto lo rumara ’de ’de lyalyaŋan i kiko.

Nyökit 19:15

A katokoronit geleŋ ködyö tine pökiŋdyö lele ŋuto nene ŋonyan kode nene toron, i toronjin liŋ nagoŋ nye a toroŋdi kune; ake kine kulya ririki gwogwo i tökoresi ti katökorok murek kode musala.