2 Samuele 16:23 - Bibilia Buk na Ŋun nagon koti luŋu a

²³ Nyena i kilu perok, a jujuwet na Akitopele gwe gwoso ŋuto logon a piyuŋdya ko Ŋun; a Dawidi ko Abisaloma murek liŋ yinikiŋdye yeyeet na Akitopele.

2 Samuele 16:23 ပူးပေါင်းရင်းမြစ်များ

2 Samuele 15:12

A nagon Abisaloma gwe i ’duŋgö na rubaŋgajin nu, a nye luŋgi Akitopele ŋuto lo Gilö, kajujuwanit lo Dawidi, anyen po kanyit i köji nagon a Gilö. A ŋutu kamwönyök kulo gwe jore a löpukuŋdye ko Abisaloma i swöt.

2 Samuele 15:31

A Dawidi iŋge taki adi, Akito-pele kata i kiden na kilu ŋutu lo momora a lwön ko Abisaloma i mwön ko do kulo. A Dawidi kulyani adi, Pon MATAT, böŋö löpuŋge jujuwesi ti Akitopele anyen gwon ’bak ’bulit.

2 Samuele 17:1

A Akitopele kulyani ko Abisaloma adi, Ti nan wuluŋdye ŋutu aliŋan puök wot murek, a nan de ŋine ŋien anyen kepöddu Dawidi i lo tukwaje.

2 Samuele 17:14

A Abisaloma ko ŋutu liŋ ti Yisaraele kulyani adi, Jujuwet na Kusai Arukatyo nagon a na ’but lwölwöŋ jujuwet na Akitopele. Kogwon MATAT aje teteŋdya adi jujuwet na ’but na Akitopele ködyö tetela, anyen MATAT bubulö tiŋdu toron ko Abisaloma i kwe.

2 Samuele 17:23

A Akitopele ko meddi adi jujuwet nanyit a ko kona, a lepeŋ toŋi kaine nanyit, a iti köji kanyit mede yu. A nye tetenakiŋdye mede nanyit i miru ’bura, a to ’yi to ’yu mugun, a twane twan, a nukani ko monye lonyit i gulöm.

Eyobo 28:28

A lepeŋ takiŋdye ŋutu adi, Mete ta, koŋon gwon a kugga na MATAT; a kuruŋdyö na kulya gwe a kö ’yu na toron.

Eyobo 5:12

nye kökör yeyeesi ti ŋutu kamumulukak, anyen se gwon ti ryeju komor na ’but;

Saumajin 19:7

Saret lo MATAT a lo ’but liŋ, a toruje ködudwö. Todinet na MATAT a ’diri, a tokoŋ-gi ŋuto logon a ko den kulya.

Saumajin 28:2

Yiŋge momolesi kwe ko nan a gwien ko do, ko nan a mamanyaddu ko könisi kwe tojo i ŋirit inot nake na rurwan na mumuk.

Katokuönit 10:1

Kadoŋan lo twatwa tindu welet i na tetena ko bodo lo riyajin i mon a naron parik; nyena tu ’böŋön na ’dit to ’diddya koŋon se ko bula.

Yeremia 4:22

A MATAT kulyani adi, Kine ŋo po kogwon ŋutu kwe a lu ’boŋ, lepeŋatti den nan; lepeŋat a ŋwajik logon ’bak denesi, a tine kurun kulya. Lepeŋat a lokoŋ i koŋdya na toron, ama a se tine den koŋdya go na ’but.

Yeremia 8:9

Ŋutu lokoŋ mo totoyuö kusik, a mo todelyani todelya, a momokani momoka. Lepeŋat a renya kulyaet lo MATAT, a koŋon na gwon kase na gwe a nyo?

Kenet 27:21

A nye mo gwo ’de ko koane Elejara i komor, a koane mo galakiŋdye nye kulya kanyit ko MATAT i komor gwoso i ’duget na Urim; a ko lepeŋ a kulya adi, Iti ta, a se ködyö iti kaŋo, a ko lepeŋ a kulya adi, Lupöni ta, a se lupöni lukata, kweja adi Yosua se ko momoret liŋ na ŋutu ti Yisaraele.

Matayo 11:25

A i nu diŋit gwak a Yesu kulyani adi, Tinate pon Baba, MATAT lo ki ko lo kak, kogwon do aje ’de ’ya kine kulya i ŋutu lokoŋ ko i ŋutu lo kukurun kulya, a do iŋge kwekin se i lupudiet;

Luka 16:8

A duma lo pupurje kamemetanit loron lo kogwon nye aje koŋdya ko koŋon. Kogwon ŋutu ti na kak a lokoŋ i konesi kase ko ’börik lwölwöŋ ŋutu ti parara.

Roma 1:22

Lepeŋat bu ’ya ’börik adi se a lokoŋ kölumbö a se koŋdi ’börik a lu ’böŋ,

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

1 Samuele 30:8

A Dawidi muluŋdye ko MATAT adi, Nan ŋona bubulö kepöddu nu teŋ na kamörök le? Nan ŋona de wowokun lepeŋat le? A MATAT nyobbi adi, Kepoddi se; kogwon do ’diri de wowokun se, do ’diri de lwölwökun se.