2 Samuele 16:16 - Bibilia Buk na Ŋun nagon koti luŋu a

¹⁶ A ko gwe sona, na ’durökiŋdye Kusai Arukatyo ju lo Dawidi ko Abisaloma yu nu, a nye kulyani adi, Ti do mor si ’dani ŋupi! Ti do yeŋe a mor ŋupi!

2 Samuele 16:16 ပူးပေါင်းရင်းမြစ်များ

2 Samuele 15:32

A na ’durökiŋdye Dawidi i kwe na mere nagon a pirit kwakwaset na Ŋun nu, a Kusai Arukatyo poŋdi i rum ko lepeŋ, ko boŋgo nanyit a kerenya ko kujöŋ kanyit i kwe.

2 Samuele 15:34

Ama ko do a yitö köji a do kulyani ko Abisaloma adi do gwe a köliŋönit lonyit lo mor; do soŋinana de gwe a köliŋönit lonyit gwoso na gwoŋdi do köju a köliŋönit liŋ logon a monye lonyit nu. A do de kirut lopukö-kiŋdye nan jujuwesi ti Akitopele.

2 Samuele 15:37

A Kusai ju lo Dawidi ’duröki i köji lukata i diŋit na lupöri Abisaloma Yerusalema nu.

1 Moran 1:25

Kogwon lepeŋ aje dudula-ra kak i lo lor, ko aje ’duŋgö dwönin, ko kolojik lopir, ko köbilu jore a rubaŋga, ko aje lupuŋdya ŋwajik liŋ ti mor, ko dumalak ti kamorok, ko koane Abyatar; ko mete, lepeŋat soŋinana gwe i nyesu ko i möju kanyit i komor kulya adi, Ti mor Adoniya si ’dani ŋupi!

1 Moran 1:34

ko ti koane Sadok ko nebi Natana welakiŋdye lepeŋ nyu a mor lo Yisaraele; a kirut ta kuddye tore, a kulyani adi, Ti mor Solomona si ’dani ŋupi!

1 Moran 4:5

a Ajaria ŋuro lo Natana gwe a duma lo kamemetak; a Tabuda ŋuro lo Natana gwe a koane ko köti a ju lo mor;

2 Moran 11:12

A kirut Yoyada joŋdi ŋuro lo mor lo kaŋo, a sukiŋdye Iŋguya kanyit i kwe, a tiŋdi lepeŋ buk na saresi ti tomoret na Ŋun; a se welakiŋdye lepeŋ a mor lose; a se naŋgi könisi kase, a kulyajine ki, adi, Ti mor si ’dani ŋupi!

Daniele 2:4

A kirut ŋuto ti Kaledea nyobbi lepeŋ adi, Ti do si ’dani ŋupi pon mor! Takiŋdye koliŋonok kulok rudweet inot a yi de nyonyo ko kiŋdye do tokoret nanyit.

Daniele 5:10

A ŋote mor lupöni i kadi nagon rorwe gwon kata nu, kogwon lepeŋ a yiŋ woŋon na mor se ko na kimak; a lepeŋ kulyani adi, Ti do si ’dani ŋupi pon mor! Ti yeyeesi kunök gwe ti todelya, ju do, ko ti komor inot köti gwe ti löpuggö ka ’de ko kujönö.

Daniele 6:21

A Daniele nyobbi adi, Ti do si ’dani ŋupi pon mor!

Daniele 6:6

A kirut kilo temejik ko mödirön dumalak momoruŋdye ko mor ni ko yeyeet nase geleŋ. A se kulyani ko lepeŋ adi, Ti do si ’dani ŋupi pon mor Dario!

Matayo 21:9

A ŋutu jore logon tu kanyit ŋerot, se ko se lo kipuŋdyö lepeŋ kulo woŋe parik adi, ösana i Ŋuro lo Dawidi! Ŋuto lo po i karin ti MATAT lo, ti ’boriani ’boria! ösana i piritön ti ki yu!

1 Samuele 10:24

A Samuele kulyani ko ŋutu liŋ adi, Ta aje met nye logon MATAT aje wulun lo? Lele ’bayin gwoso lepeŋ i kiden na ŋutu liŋ. A ŋutu liŋ woŋoro ki adi, Ti mor si ’dani kanyit i tumatyan ŋupi!