2 Samuele 15:12 - Bibilia Buk na Ŋun nagon koti luŋu a

¹² A nagon Abisaloma gwe i ’duŋgö na rubaŋgajin nu, a nye luŋgi Akitopele ŋuto lo Gilö, kajujuwanit lo Dawidi, anyen po kanyit i köji nagon a Gilö. A ŋutu kamwönyök kulo gwe jore a löpukuŋdye ko Abisaloma i swöt.

2 Samuele 15:12 ပူးပေါင်းရင်းမြစ်များ

2 Samuele 15:31

A Dawidi iŋge taki adi, Akito-pele kata i kiden na kilu ŋutu lo momora a lwön ko Abisaloma i mwön ko do kulo. A Dawidi kulyani adi, Pon MATAT, böŋö löpuŋge jujuwesi ti Akitopele anyen gwon ’bak ’bulit.

2 Samuele 16:15

A Abisaloma ko ŋutu ti Yisaraele liŋ kulo ’duröki Yerusalema se ko Akitopele.

2 Samuele 17:14

A Abisaloma ko ŋutu liŋ ti Yisaraele kulyani adi, Jujuwet na Kusai Arukatyo nagon a na ’but lwölwöŋ jujuwet na Akitopele. Kogwon MATAT aje teteŋdya adi jujuwet na ’but na Akitopele ködyö tetela, anyen MATAT bubulö tiŋdu toron ko Abisaloma i kwe.

2 Samuele 17:23

A Akitopele ko meddi adi jujuwet nanyit a ko kona, a lepeŋ toŋi kaine nanyit, a iti köji kanyit mede yu. A nye tetenakiŋdye mede nanyit i miru ’bura, a to ’yi to ’yu mugun, a twane twan, a nukani ko monye lonyit i gulöm.

2 Samuele 23:34

ko Elipelet ŋuro lo Akasabai lo Maka, ko Eliam ŋuro lo Akitopele lo Gilö,

1 Moran 21:12

A se laikiŋdye lor minyet, a tosi ’dakiŋdye Nabota i ŋerot na ŋutu.

1 Moran 21:9

A nye wuŋe i waragalan kunu adi, Laikiŋdye ta lor minyet, ko tosi ’dakiŋdye ta Nabota i ŋerot na ŋutu;

1 Dekat 27:33

a Akitopele gwe a kajujuwanit lo mor, a Kusai Arukatyo gwe a ju lo mor.

Saumajin 41:10

Ama do ŋon MATAT, gwe ko toili lo ’but ko nan, toŋiji nan ki anyen nan ropakindya se.

Saumajin 41:9

Ma ’di ju lio logon yi totoden logon nan a yinikin lepeŋ, logon a nyesu kinyo lio lo a ’bi ’yu moköt ki a gwoji nan.

Tolupesi 15:8

MATAT maman rubaŋgajin ti ŋutu lorok, ama a nye lyöŋi lyöŋön ko kwa-kwasesi ti ŋuto lo rigwo.

Tolupesi 21:27

MATAT maman rubagga lo katoronyanit; a naron bia parik ko nye wukindya ko töili loron.

Yeremia 6:20

Nyenagon ’bulit a nyo köyö, ma ’di nagon ta a yekuŋdya bökur köyö ni i jur lo Seba yu, kode i joŋdya na welesi na mon ’bura i jur lo pajo? Nan ti ’bön wuju rubaŋgajin kasu lo ’yu ’yura ’buluŋ; nan ti lyöŋön ko rubaŋgajin kasu lo ’du ’duŋö.

Kenet 23:1

A Balam kulyani ko Balak adi, Dipakiŋdye nan ni piritön buryo ’yuresi ti rubaŋgajin, ko tetena-kiŋdye nan ni dwönin buryo ko lopijoki buryo.

Kenet 23:14

A Balak joŋgi lepeŋ i kak na Sopim i kwe na Pisiŋa, a nye dibbe piritön buryo ’yuresi ti rubaŋgajin, a wukiŋdye dwöt ko lopijot i se liŋ geleŋ geleŋ.

Kenet 23:30

A Balak koŋdi gwoso na kulyari Balam na, a nye wukiŋdye dwöt ko lopijot i piritön ’yuresi ti rubaŋgajin liŋ geleŋ geleŋ.

Yoane 13:18

Nan ti jambu i kulya kasu liŋ. Nan deden ŋutu logon nan aje wulun kilo; ama kulya ti Ŋun na wurö kine ködyö kokona nagon kulya adi, Ŋuto logon nyesu kinyo liŋ lo a ’bi ’yu moköt ki a gwoji nan.

Tito 1:16

Lepeŋat kulya adi se deden Ŋun, ama se renya lepeŋ kogwon konesi kase. Lepeŋat a loron parik, lepeŋat ti twoju, ko ti jukin i koŋdya na nene ŋo na ’but kwoŋ.

Yosua 15:51

ko Gosen, ko Kölön, se ko Gilö: kweja adi kine a köjino puök wot geleŋ se ko turön kase.