2 Samuele 14:3 - Bibilia Buk na Ŋun nagon koti luŋu a

³ ko iti ko mor yu, ko jambi ko lepeŋ sona. Nyena a Yöaba jamakiŋdye lepeŋ kulya liŋ nagon nye tu jajam.

2 Samuele 14:3 ပူးပေါင်းရင်းမြစ်များ

2 Samuele 14:19

A mor pipije adi, Könin lo Yöaba kata i kine kulya kunök liŋ le? A ŋuto na nyobbi adi, ’Diri gwak gwoso na gwoŋdi do pon mor duma liŋ na, ŋuto ti bulö girara i könin lutaten kode i kadoŋe i nene ŋo nagon mor duma liŋ aje kulyari kine. ’Diri gwon a köliŋönit ilot Yöaba logon a saŋu nan; a nye aje takiŋdya nan köliŋönit inot i jambu na kilo kulyaesi liŋ.

2 Samuele 14:4

A ŋina ŋuto na Tekowa ko ’duröki ko mor yu, a lepeŋ ’dorone kak rupu, a twöji twöju kulya adi, Ŋaraki nan pon mor.

Ejira 8:17

A nan soŋdi lepeŋat ko Ido ŋuto duma lo pirit na luŋu a Kasipia, a nan iŋge takin lepeŋat kulya nagon se ko tu jamakin Ido ko luŋasirik kanyit logon a kakitak ti kadi na Ŋun, logon gwolor ko lepeŋ i pirit na luŋu a Kasipia yu kulu, anyen parakiŋdya yi ko kakitak ti kadi na Ŋun likaŋ.

Yuörö 4:15

A do kodyö jambi ko lepeŋ, a do tiŋdi kulyaesi ko lepeŋ i kutuk; a nan mo gwe konut i kutuk ko kanyit i kutuk Köti, a nan mo todiŋdye ta ko ta koŋdya ada.

Yisaya 51:16

A nan aje tiŋdu kulyaesi kwe kasu i kutusen, a nan aje muk ta ko tölimöt na könin liŋ, a nan aje riöddu ’dikolo, ko aje sukiŋdyö pipilesi ti kak, a nan kulyani ko ŋutu ti Siona adi, Ta a ŋutu kwe.

Yisaya 59:21

Nyena nan MATAT lo kulya sona adi, Na a tomoret nio ko se, adi, Mulökötyo liŋ logon gwon kasu, ko kulyaesi kwe logon nan aje tiŋdu kasu i kutusen kulo, mo ti tu kaŋo kasu i kutusen, kode i kutusen ti ŋwajik kasu, kode i kutusen ti nyakwariat kasu, suluja i na diŋit teŋ ko ŋupi ŋupi. Ŋilo a kulyaet liŋ lo MATAT.

Yeremia 1:9

A kirut MATAT riuŋdye könin lonyit a taŋdi kutuk nio, a kulyani ko nan adi, Mete, nan aje tiŋdu kulyaesi kwe konut i kutuk.

Kenet 23:5

A MATAT tiŋdi kulyaet ko Balam i kutuk, a kulyani adi, Yitöni ko Balak yu, a do de kulyani sona.

Nyökit 18:18

Nan mo topukökiŋdyo se lele nebi gwoso do i kiden na kötumit nase; a nan mo tiŋdi kulyaesi kwe kanyit i kutuk, a nye mo jamakiŋdye se ŋo liŋ nagoŋ nan a saŋi lepeŋ kune.