2 Samuele 13:2 - Bibilia Buk na Ŋun nagon koti luŋu a

² A Amunon gwe ko yeyeesi jore a nye giloni gilö i yeyeju na kulya ti kiaser nanyit Tamara; kogwon lepeŋ na nyuŋ gwon a ’diet, a Amunon mete a nago i konakiŋdya na lepeŋ nene ŋo.

2 Samuele 13:2 ပူးပေါင်းရင်းမြစ်များ

2 Samuele 13:1

A Abisaloma ŋuro lo Dawidi gwe ko kiaser nanyit nake parik, karin kanyit a Tamara, a i mukök na diŋit a na ’dit, a Amunon ŋuro lo Dawidi nyare nyar lepeŋ.

2 Samuele 13:3

Ama a Amunon gwe ko ju lonyit, karin kanyit a Yonadaba, ŋuro lo Simea, luŋaser Dawidi; a Yonadaba gwe a ŋuto lowat parik.

1 Moran 21:4

A Aba luŋöni kanyit kadi ko ŋoma ko yulön kogwon kulyaesi logon Nabota lo Yejerele a jamakin lepeŋ kulu, kogwon lepeŋ a kulya adi nye de ti tiŋdu lepeŋ lomore na merenyejin kanyit. A nye pirikine kanyit i dotoet a ’de ’yi komor nanyit, a tine nyesu kinyo.

Koli Lo ’but Parik 5:8

Ta ŋwajik kö ’disi ti Yerusalema, nan saŋu ta adi, ko ta a ryö nyaratti lio, böŋö taki ta lepeŋ adi nyaŋu nio na lepeŋ a tiŋdu nan i doddya.

2 Korinto 7:10

Kogwon delyaesi nagon ŋo ko Ŋun kine tiŋdu ŋutu i löpuggö na töilyet anyen lwölwökö, a tine todelyaju se. Ama delyaesi ti na kak joŋdya twan.