2 Samuele 13:14 - Bibilia Buk na Ŋun nagon koti luŋu a

¹⁴ Ama a Amunon tine ’bön yiŋga lepeŋ kogwon nye ko riŋit lwölwöŋ lepeŋ, a riŋuŋdye lepeŋ, a dotoni ko lepeŋ.

2 Samuele 13:14 ပူးပေါင်းရင်းမြစ်များ

Suluet 34:2

a Sekeme ŋuro lo matat lo lu jur logon a Amor lo kötumit na Kiwi, ko meddi nu ŋuro, a mokaddi lepeŋ, a dotoni ko lepeŋ, a toyuje kwe nanyit.

2 Samuele 12:11

MATAT lo kulya sona adi, Mete, nan mo toŋiju ŋo naron konut i kötumit lukata; a nan mo ’dumaddi wate kunok konut i komor, a mo tiŋdi se ko marate ilot, a nye mo dotori wate kunök i tuparan.

2 Samuele 13:15

A kirut Amunon mane man ŋuro na parik parik; nyena a manet na maŋdi lepeŋ na lwöŋe lwöŋ nyaret na nyaŋi nye lepeŋ na. A Amunon kulyani ko lepeŋ adi, Ŋine ki, iti tu.

Esetere 7:8

A mor yitwene yitwe i melesen na mede nanyit nagon gwon ko köturön na, a poŋdi i pirit nagon se dika möji binyo na, a ko meddi Aman aje ’doro i nu si ’daet na piriki ’e Esetere nu; a mor kulyani adi, Nye köti de yeyeju lubbö narakwan nio köyö i komor ko köyö i kadi lukata le? A nagon kulyaet a ko nyuŋ ’baka kanyit i kutuk nu, a köliŋönök kanyit muŋge komor na Aman.

Lewi 18:9

Do ködyö ti doto ko kiösur nagon a ŋuro na munyi kode a ŋuro na ŋuti, kode nye a yuŋwe i ’baŋ kode a yuŋwe i nene mede.

Nyökit 27:22

Nye a lömö logon a doto ko kiaser nanyit, kode a ŋuro na monye, kode a ŋuro na ŋote. A ti ŋutu liŋ ruŋge adi, Amin.

Ka’duŋök 20:5

A ŋutu ti Gibea ŋiki i mörö ko nan, a tumbe kadi na gwoŋdi nan nu i tukwaje. lepeŋat ’de ’deggi tatuja nan, a se riŋaddi ju nio na, a nye twane twan.