2 Samuele 13:12 - Bibilia Buk na Ŋun nagon koti luŋu a

¹² a lepeŋ na nyobbi adi, ’Bayin sona pon luŋaser liŋ, an do ko ri ’dikin nan; kogwon ŋo gwoso na ti bulö kona i Yisaraele; ko koŋdya ŋo nagoŋ gwoso ŋina.

2 Samuele 13:12 ပူးပေါင်းရင်းမြစ်များ

Suluet 34:2

a Sekeme ŋuro lo matat lo lu jur logon a Amor lo kötumit na Kiwi, ko meddi nu ŋuro, a mokaddi lepeŋ, a dotoni ko lepeŋ, a toyuje kwe nanyit.

Suluet 34:7

A ŋwajik ti Yakobo ko yiŋge kine kulya, a se yitwene mede mu ’diŋ yu; a kilo teton gwe ko delya, a iŋge woran a tömönik, kogwon Sekeme a koŋdya ŋo na rurwan ko Yisaraele kiden i doto ko ŋuro na Yakobo, kogwon na a ŋo nagon ti jukin i kona.

Tolupesi 7:7

a nan iŋge meddya i kiden na ŋwajik logon yeyeesi kase a namunyak, a nan iŋge kurun titinti logon ’bak denesi i kiden na kilo teton.

Yeremia 29:23

Ko­gwon lepeŋat aje koŋdya tu ’böpön i Yisaraele ko aje doto ko wate ti maratejin kase, ko aje jambu kulyaesi ’burönö i karin kwe, a nan gwe a ko sarakin lepeŋat. Nan logon deden kine kulya, nan bubulö tökoŋu se. Kilo a kulyaesi kwe ti MATAT.

Lewi 18:11

Do ködyö ti doto ko ŋuro na nakwan na munyi nagon munyi lo yupuŋdyö na, kogwon nye a kiösur.

Lewi 18:9

Do ködyö ti doto ko kiösur nagon a ŋuro na munyi kode a ŋuro na ŋuti, kode nye a yuŋwe i ’baŋ kode a yuŋwe i nene mede.

Lewi 20:17

A ko lele ŋuto a joŋga kiaser nanyit nagon a ŋuro na monye lonyit kode a ŋuro na ŋote nanyit, a nye meddi tolimuön nanyit, a ŋuro meddi tolimuön na luŋaser, a kine kulya gwe a yu na kwe, a se ködyö ’duŋöjine kaŋo i komor na ŋutu kase; ŋilo ŋuto aje doto ko kiaser nanyit, a nye ’doggi ŋonyan nanyit.

Nyökit 22:21

a se ködyö joŋgi nu ŋuro kaŋo i kötumit na kadi na monye lonyit, a ŋutu ti köji nanyit ködyö gugubuje lepeŋ ko ŋurupö tojo a twan, kogwon nye a koŋdya tu ’böŋön i Yisaraele i koŋdya na lulupujö ko monye kadi; a ta ködyö lalaaddi kulya narok kaŋo kasu kiden.

Nyökit 22:29

nyena a lu ŋuto logon a doto ko lepeŋ lu ködyö tikiŋdye monye ŋuro pödöjin merya mukanat, a nye ködyö gwe a nakwan nanyit, kogwon nye aje to ’did-dya lepeŋ; a nye ködyö tine yan lepeŋ i perok gwiliŋisi kanyit liŋ.

Ka’duŋök 19:23

A ŋuto logon a monye kadi lo lupene koŋe kase ni, a kulyani adi, ’Bayin, luŋasirik kwe, ko koŋdya ta toron; kogwon ŋilo ŋuto a lupe köyö kadi, nyena an ta ko koŋdya ta ŋina ŋo nagoŋ.

Ka’duŋök 20:6

A nan ’dumuŋdye ju nio na, a tutupuje lepeŋ a tupesi, a sonyoddi i jur liŋ logon a lomore lo ŋutu ti Yisaraele; kogwon se a koŋdya ŋo nagon a lut ko a toron duma i Yisaraele.