2 Samuele 12:9 - Bibilia Buk na Ŋun nagon koti luŋu a

⁹ Ko nyo nagon do aje lauŋdya kulyaesi ti MATAT, i koŋdya na ŋo naron kanyit i komor? Do aje rembu Uriya ŋuto lo Kiti ko gor, a joŋgi narakwan nanyit anyen gwon a narakwan inot, a do aje tatuja lepeŋ ko gor na ŋutu ti Amon.

2 Samuele 12:9 ပူးပေါင်းရင်းမြစ်များ

2 Samuele 11:4

A Dawidi sonyoddi ŋutu i joŋdya na lepeŋ kanyit ni, a Dawidi dotoni ko lepeŋ. (Kogwon i ŋinu diŋit ŋina ŋuto gwon i toke ’ya na mugun i tolutwan nanyiŋ.) A kirut nye yitöni kanyit mede.

2 Samuele 12:10

Nyenagon a gor mo tine wuddya konut i kötumit asut; kogwon do aje lauŋdya nan i joŋga na narakwan na Uriya ŋuto lo Kiti na anyen gwon a narakwan inot.

2 Samuele 16:7

A Simei tomore ko lepeŋ adi, iŋgo, iŋgo, do ŋuto katowŋonit lo rima, do ŋuto kamönyönit.

1 Moran 15:5

kogwon Dawidi a koŋdya ŋo na rigwo ko MATAT i metet, a gwe a ko giran i nene ŋo nagon nye a sarakin lepeŋ i perok liŋ ti gwiliŋit nanyit, ama tuŋ a giran i kulya ti Uriya ŋuto lo Kiti.

1 Moran 21:19

A do pipije lepeŋ adi, MATAT lo kulya sona adi, Do aje tatuja a do lo ruddye köti le? A do de kulyani ko lepeŋ köti adi, MATAT lo kulya sona adi, I pirit nagon ’dioŋ jin a dadaŋgu rima ti Nabota kata na, nyena ’dioŋ jin de dadaŋgu rima kunök köti.

2 Dekat 33:6

a nye ’yuŋe ŋwajik kanyit a rubaŋgajin i pirit na ’dir na ŋuro lo Inoma, a nye koŋdi dolesi ti mian, a jwo jwo ŋgi ŋutu ko winiko, a koŋdi to ’bunun, a nye kitani ko ŋutu logon do ’ya ko kwen ti muloko se ko kawanak. A nye koŋdi po narok jore ko MATAT i metet, i towoŋa na lepeŋ.

Saumajin 51:14

Pon Ŋun, do a Ŋun kalwökönit lio, riŋundye nan kaŋo i ’bukwe na rima, a kutuk nio de yulundye kaŋo kulya kunok na rigwo.

Saumajin 51:16

Kogwon do ti nyar rubaŋga; ko nan ködyö a ’yurakindya do rubaŋga ’buluŋ, a do ködyö tine lyöŋön.

Saumajin 51:4

Nan a torondya do, ’diri nan a torondya do tuŋ, a nan aje kondya ŋonyan konut i komor; anyen do böŋö ködyö kurwe a loke ko liliesi kunök, anyen do ’bu ’buŋu i ’duŋgö inot na ŋutet.

Saumajin 90:8

Do aje petakin lyaŋesi kaŋ konut i komor, do a petakin toronjin kaŋ na kon yi a lwön kune i parara na komor inot.

Tolupesi 14:2

Ŋuto logon woro gwogwo ku-kugga MATAT, ama a ŋuto logon woro a lukwolor ’do ’doni ’do ’do lepeŋ.

Yisaya 5:24

Nyenagon gwoso nagon ŋedep lo kimaŋ nyesi kuku, ko gwoso döru teteyon a nogara kak i kimaŋ na, nyena a kokorite nase mo gwe a na ’burön, a köturön kase mo puriörö ki gwoso kurök; kogwon lepeŋat aje renya saret lo MATAT lo kurumi, a se iŋge lauŋdya kulyaet lo Ŋilo Loke lo Yisaraele.

Yeremia 18:10

A ko lepeŋat a koŋdya ŋo narok köyö i komor a tine yiŋga gworo lio, a nan mo kirut löpuŋge Iopuggo i ŋo na ’but naŋon nan a yeyeju konakiŋdya se na.

Amosa 2:4

Nan MATAT lo kulya adi, Nan mo ti lopuk riŋet, kogwon Yuda a koŋdya aka toronjin jore; kogwon ŋutu kanyit aje renya saresi kwe ti MATAT, a se tine ’debba kukuesi kwe lo wuro, ama ŋunyen kase logon a ’buronök logon merenyejin kase koju a keporo kulu aje togiŋa se.

1 Samuele 15:19

Nyo nagon do a ko yiŋ gworo lo MATAT? Nyo nagon do ’doro i ryaggu na ŋo a koŋdi ŋo naron ko MATAT i komor?

1 Samuele 15:23

Kogwon rerenya gwon gwoso toron na to ’bunun, a töili iŋgo gwe gwoso twöju na nyömue. Nyena MATAT aje renya do i gwon a mor kogwon do a renya kulyaet lonyit.

1 Samuele 15:26

A Samuele kulyani ko Saula adi, Nan ti bulö moraddu ko do, kogwon do aje renya kulyaet lo MATAT, a MATAT iŋge renya do i gwon a mor lo Yisaraele.