2 Samuele 11:16 - Bibilia Buk na Ŋun nagon koti luŋu a

¹⁶ A ko gwe sona nagon Yöaba gwe i tumba na köji nu, a nye tiŋdi Uriya i pirit nagon nye deden adi ŋutu walan lo gwon kata nu.

2 Samuele 11:16 ပူးပေါင်းရင်းမြစ်များ

2 Samuele 11:15

Lepeŋ a wuŋö i ŋinu waraga adi, Tiki ta Uriya i komor na gor lo pape, kirut a ti ta mijöro bot ko lepeŋ nyona, anyen nye bubulö rimiki kak anyen twatwan.

2 Samuele 11:17

A ŋutu ti köji lupene kaŋo i mörö ko Yöaba; a kulye lo tatua kulu gwe a köliŋönök ti Dawidi; a Uriya ŋuto lo Kiti lo iŋge tatua köti.

2 Samuele 11:21

Ŋa na tatuja Abimelek ŋuro lo Yerubeset? ’Bayin a ŋuto nanakwan Ŋona na gubuŋdya karito duma i mariŋ loki, a nye ’duki kanyit i mugun, anyen nye ko twaji Tebese yu nu le? Nyo nagon ta a mijörö nyona parik ko ŋinu mariŋ? A kirut do kulyani adi, Köliŋönit ilot Uriya ŋuto lo Kiti lo köti aje tatua.

2 Samuele 3:27

A nagon Abiner aje yitwe Keberon, a Yöaba joŋgi lepeŋ a swot i lukata na kötumit lupet anyen tu jambu ko lepeŋ a lwön, a nye iŋge rem lepeŋ nyu kanyit i pele, a lepeŋ twane twan, ropakiŋdya rima ti Asaele luŋaser lonyit.

1 Moran 2:5

Köti do luŋa a den ŋo nagon Yöaba ŋuro lo Seruya a konakin nan kune, ko ŋo nagon nye a konakin Abiner ŋuro lo Ner, ko Amasa, ŋuro lo Yeter, logon a dumalak murek ti kamörök ti Yisaraele. Nye a tatuja lepeŋat, ropakiŋdya rima na ’bukwe i gor kune i diŋit na taliŋ, a tiŋdi rima na mamaŋa i kamba nagon a dukuki köyö i mukök na, ko i kamuka lo gwon köyö i mokosi kulo.

2 Moran 10:6

A Yeu wurökiŋdye lepeŋat nene waraga adi, Ko ta ködyo a ŋutu kwe, köti ko ta ködyö yiyiŋ gworo liŋ, ’dupe ta kaŋo kusik ti ŋwajik lulyan ti duma losu, ko ŋoŋdi ta köyö ni Yejerele de ko ’bure i na saa. A ŋwajik lulyan ti mor merya buryo kulo gwon ko ŋutu dumalak ti köji logon a kawowoak kase.

Tolupesi 29:12

Kasaranit logon yiŋga kulya ’buröno ŋutu kanyit liŋ kakitak gwon a katoronyak.

Osea 5:11

Kotumit na Epuraima a karu-danit, a ryokakiŋdye ’duŋgö na ŋutet kak, kogwon Lepeŋat a tiŋdu töilyet i keŋoddu na ŋo nagon a köpuröt kana.

Konesi 5:29

Ama a Petero se ko luyökie kulye kulo waddi adi, Yi agu kodyo twöju Ŋun Iwolwoŋ ŋutu.