2 Samuele 11:1 - Bibilia Buk na Ŋun nagon koti luŋu a

¹ A ko gwe sona i suluet na kiŋa, i diŋit nagon moran wöröri i gor nu, a Dawidi sonyoddi Yöaba se ko köliŋönök kanyit kulo, ko Yisaraele liŋ, a se tukaŋi ŋutu ti Amon, a tuma-kiŋdye köji na Raba kiden. Ama a Dawidi karaki Yerusalema.

2 Samuele 11:1 ပူးပေါင်းရင်းမြစ်များ

2 Samuele 10:14

A ŋutu ti Amon ko meddi adi ŋutu ti Suria aje wökön nu, a se köti wöki wökön ko Abisai i komor, a lupöni köji. A kirut Yöaba yitwene bot i mörö ko ŋutu ti Amon, a poŋdi Yerusalema.

1 Moran 20:22

A lu nebi ŋoŋdi ko mor lo Yisaraele nyona, a kulyani ko lepeŋ adi, Iti, ’yalakiŋdye mugun riŋit, ko yeyeji yeyeju ’bura ko do ködyö koŋdya nyo; kogwon mor lo Suria mo yiyitwe i mörö ko do i suluet na kiŋa.

1 Moran 20:26

A i suluet na kiŋa, a Ben-adada momori ŋutu ti Suria, a iti tojo ko Apek, i mörö ko ŋutu ti Yisaraele.

1 Dekat 20:1

A ko gwe sona i suluet na kiŋa, i diŋit nagon moran wöröri i gor nu, a Yöaba nyömöddi kamörök kaŋo, a se tukaŋi jur lo ŋutu ti Amon, a ŋoŋdi ŋo a tumakiŋdye köji na Raba kiden. Ama a Dawidi karaki Yerusalema. A Yöaba möröni ko Raba a te ’yi lepeŋ.

2 Dekat 36:10

A nye koŋdi ŋo nagon a naron ko MATAT i metet. A gwe sona i suluet na kiŋa, a mor Nebukadanesar soŋdi ŋutu i joŋdya na lepeŋ Babela ni, se ko tito nakwekwelen ti kadi na MATAT, a tiŋdi Sedekia luŋaser Yeyoyakin a mor lo Yuda ko lo Yerusalema.

Saumajin 60:9

Ŋa logon mo nyömöddu nan i köji nago na titiyu? Ŋa logon mo nyömöddu nan tojo ko Edom?

Katokuönit 3:8

diŋit nyaret kata, ko diŋit manet kata; diŋit na gor kata, ko diŋit na taliŋ kata.

Yeremia 49:2

Nyenagon nan MATAT lo kulyaadi, Mete, perok kilo popo logon nan mo tiŋdu ŋutu ti Raba i jur lo Amoni yiŋ na merok i sira na poŋdi se i mörö nu, a köji na Raba mo konani a murwö ko a sudi, a turön kanyit mo ’yurani ’yura ko kimaŋ, a kirut ŋutu ti Yisaraele mo riköddi ŋutu logon a morga köjinö kase kilo; a mo ruddye se. Ŋilo a nan MATAT lo jambu.

Yeremia 49:3

Ta ŋuti i ti Kesebon luluje talulujö, kogwon Ai aje körö a gwe a murwö! Ta ŋutu ti turön ti Raba, gwine ta gwien! Jupuni ta boŋgwat terekesi, delyani ta delya, ko wöwökine ta abur i kiden na mariŋan! Kogwon Milikom ko koanejin kanyit se ko ŋutu kanyit temejik mo joŋa a ’dupi.

Ejikele 21:20

Gerakiŋdye kiko lo ŋutu ti baŋdujin logon tu Raba nagon a köji na ŋutu ti Amon, köti gerakiŋdye kiko lo tu Yuda tojo Yerusalema nagon a köji nago na titiyu.

Amosa 1:14

Nyena a nan mo mokakiŋdye kimaŋ i gorom nagon a mariŋ na Raba, a mo ’yuŋe kadijik kanyit ti tumatyan. A i ŋilu lor a ŋutu mo sirani sira i pirit moriet, a kobuŋot wome ko libibiu wukun-dye wukuŋdyo.

Jakaria 14:3

A MATAT mo iti ŋerot i möro ko kulo jurön gwoso na möröri nye i lor möriet lu.

Nyökit 3:11

(Kogwon ŋga mor lo Basan tuŋ lo pituŋdyö i pitönö ti ŋutu ti Repa; mete, saŋduk nuket nanyit a kuruwe kaŋo i lurutat logon a wiyu; nye nyuŋ kata Raba na ŋutu ti Amon, ’bayin sona le? A tojolan nanyit gwe a lokiliŋan buŋwan, ko tugalaŋ nanyit a lokiliŋan Iŋwan, gwoso lokiliŋ lo ŋuto.)

1 Samuele 18:30

A dumalak ti kamörök ti Pelesete poŋdi kaŋo i mörö, ama temba i diŋitan nagon se pöri kaŋo nu, a Dawidi gwe a lokoŋ i mörö lwölwöŋ köliŋönök ti Saula; nyena a karin kanyit bulani bula parik.