2 Samuele 10:18 - Bibilia Buk na Ŋun nagon koti luŋu a

¹⁸ A ŋutu ti Suria wöki wökön ko Yisaraele i komor; a Dawidi tatuje ŋutu ti Suria logon woro ko arabiajin miajin buryo, ko kajoŋak ti kusanjin aliŋan merya iŋwan, a böŋoddi Sobak duma lo teŋon ti kamörök kase, a nye twane twan nyu.

2 Samuele 10:18 ပူးပေါင်းရင်းမြစ်များ

2 Samuele 10:17

A kine kulya ko jamakine Dawidi, a lepeŋ momori ŋutu liŋ ti Yisaraele i pirit na geleŋ, a laŋaddi i nu pele na Yardene, a ’dure Kelam. A ŋutu ti Suria tetenakiŋdye ’börik i mörö ko Dawidi, a se möröni mörö ko lepeŋ.

2 Samuele 8:4

A Dawidi iŋge riŋuŋdya ko lepeŋ kamorok lo woro ko kusanjin aliŋ geleŋ ko miajin buryo, ko kamorok lo woro ko mok aliŋan merya murek; a Dawidi ’duŋge ludaŋin ti kusanjin liŋ kajikok ti arabiajin, ama a kölö-kiŋdye logon tetemakiŋdya i jiggo na arabiajin mia geleŋ.

1 Moran 11:24

a nye mo-moruŋdye ŋutu kanyit ni, a nye gwe a duma lo teŋ na kamörök i diŋit nagon Dawidi gwon i tatuja na se nu. A Rejon iti Damaseke, a si ’dani yu, a gwe a mor lo Damaseke.

1 Dekat 19:18

a ŋutu ti Suria wöki wokon ko ŋutu ti Yisaraele i komor; a Dawidi tatuje ŋutu ti Suria logon wörö ko arabiajin aliŋan buryo, ko kamörök logon wörö ko mok aliŋan merya iŋwan, a nye köti tatuje Sopak duma lo teŋon ti kamörök kase.

Saumajin 18:38

Nan a reremoju se, nyena a se tine bulö ŋien ki; a se ’do ’done kak köyö i mokosi.

Saumajin 46:11

MATAT lo kurumi gwon koyi; Ŋun lo Yakobo gwon a ŋirit ’danaet nikaŋ nago!

Saumajin 68:2

Nye a rikörö se kaŋo gwoso nagon koŋurot wuköji ’e mu ’diŋ na; ŋutu Lorok twatwa ko Ŋun i komor gwoso su ’bi na lulusoko nyona ko kimaŋ.

Ka’duŋök 4:2

A MATAT pakiŋdye se ko Yabin mor lo Kanana i könin, logon tumatyan Kasor yu lu. A duma lo kamörök kanyit gwe a Sisera, logon si ’da Karoset-agoim yu.

Ka’duŋök 4:22

Mete, a na kepoddi Barak Sisera nu, a Yaele lupöni koŋe i rum ko lepeŋ, a kulyani ko lepeŋ adi, Po, ti nan ko kweki do ŋuto logon do gaga lo. A Barak lupöni kanyit i kemia lukata; a meddi Sisera gwe kak a twan ko kaluti kanyit i temeneŋ.

Ka’duŋök 5:26

A nye riöddi könin i ’dumuŋdya na kaluti, a könin lonyit lutaten morgi ’beket lo kakitak; a nye ’beggi Sisera ko ’beket, a ’bikikiŋdye i kwe nanyit, iŋkoi, nye a rimikin ko a tuloro i temeneŋ nanyit tojo ko kak.