2 Petero 3:13 - Bibilia Buk na Ŋun nagon koti luŋu a

¹³ Ama yi möŋdu ’diko ludukötyo se ko kak ludukötyo nagon löti lo rigwo si ’da kata, gwoso na rukökiŋdye Ŋun yi na.

2 Petero 3:13 ပူးပေါင်းရင်းမြစ်များ

Yisaya 60:21

A ŋutu kulök liŋ koti mo gwe a lo rigwo; a se i riŋ morgi jur ŋupi, kilo logon a kene ria wilun nagon nan a ’yutukin kak, ko a kita na könisi kwe, anyen nan böŋö bubula.

Yisaya 65:17

Kogwon mete, nan gwegweja ki ludukötyo ko kak ludukötyo; a kulya ti köju kunu mo tine yeyeo köti kode lupö ko ŋutu i töilyet.

Yisaya 65:25

A lujinte ko kilolor mo nyesi i pirit na geleŋ, a kömiru mo nyesi döru gwoso kiteŋ; a munu mo nyesi ŋutut, A se mo tine köŋu kode tukaŋu i mere liŋ loke liŋ, nan MATAT lo kulya.

Yisaya 66:22

Nan MATAT lo kulya adi, Gwoso nagon ki ludukötyo ko kak ludukötyo nagon nan mo gwegwe kune mo yeyeŋon köyö i komor, nyena a nyakwariat kasu ko karin kasu mo yeŋe yeŋon ŋupi.

Roma 8:21

ŋo liŋ lo gweya kulo mo yuyukwe kaŋo i to ’dupien na ŋo na ’bu ’burön kune, anyen tolupöji i tolien nakwekwelen na ŋwajik ti Ŋun.

2 Petero 1:4

Yi a ryo kine po i deŋdya nikap na lepeŋ logon a lupuŋdya yi i paŋu na bulet nanyit ko gwon nanyit a lo ’but parik lo kwekwelen. Nyena kogwon kine ŋo nye aje milyekiŋdyo yi milyejin dumalak parik logon ko ’bulit, anyeni kine ŋo ta boŋö rwörwoddu i ŋo na ’bu ’buron ti na kak kine kogwon ’dekesi narok, ko anyen ta boŋo parundya gwon gwoso Ŋun.

Kweyatti 21:1

A kirut nan meddi ki ludukötyose ko kak ludukötyo; kogwon ki na kokwe na se ko kak na kokwe na aje likin, a tör duma na ’balaŋ köti gwe ’bayin.

Kweyatti 21:27

a nene ŋo nagon a lut mo tine tu nyin, kode lele ŋuto logon a koŋdya ŋo na mamana se ko ’burönö, ama ka ’de ŋutu logon a wuröki i buk na ŋilo Kilolor nagon a na ŋutu lo gwon jörun kilo mo lo tu nyin.