2 Petero 3:10 - Bibilia Buk na Ŋun nagon koti luŋu a

¹⁰ Ama Lor lo Matat mo popo gwoso kolanit, a ’diko mo likiörö likiörö adi wur, a toro ’bo kanyit mo lusököni lusökö ko yulöŋ na kimaŋ, a na kak se ko ŋo na gwon i lukata nanyit kune liŋ mo ’yurani ’yura.

2 Petero 3:10 ပူးပေါင်းရင်းမြစ်များ

Saumajin 102:26

Kine ŋo mo ’ba ’baka, ama do yeyeŋon; se liŋ mo wowora a ŋoroko gwoso boŋgwat, a do mo leuddye se gwoso boŋgwat, a se mo gwe ’bayin;

Saumajin 46:6

ŋutu ti juron wowoŋon ko kujono, tumatyanjin a tela; Ŋun rurumön, a kak lilikara lilikara adi kuyum.

Saumajin 97:5

Merya köti a lusökö gwoso su ’bi ko MATAT i komor, iŋkoi, ko MATAT lo kak ’bukuluŋ i komor.

Yisaya 2:12

Kogwon MATAT lo kurumi gwon ko lor logon nye möŋdu ’duŋgö kulya ti se liŋ logon a kabulak ti kusik ko a lowo ’duŋak, ko i se liŋ lo ’bilikiŋdya ’börik ki, i nyökuŋdyö na se kak,

Yisaya 24:19

A kak gwagwalakani gwagwala-ka asut, a kak kiki ’ye kiki ’ya, a kak totomijöjine totomijöji parik.

Yisaya 34:4

A kaser ti ki liŋ mo ’bakani ’baka a ’dikolo mo ŋi idulwene i pirit na geleŋ gwoso waraga na ŋuŋudula. A kurumi nase liŋ mo ’duruu kak, gwoso na ’duruuŋdye koropo i ködini lo toinyö, gwoso ’duriiun na koropo ti ki ’bi kak.

Yisaya 51:6

’Biluddi ta konyen kasu ki tojo i ’dikolo, ko metuŋdye ta kak ni; kogwon ’dikolo mo lilikiörö gwoso köpuröt, a kak mo ŋoroköji ŋorokoju gwoso boŋgo, a ŋutu lo si ’da kata kulo mo twa-twaŋe sona, ama a lwökit nagon nan lwölwöŋgi na mo yeŋe yeŋon ŋupi, a riŋit nagon nan ririŋuŋdye na mo tine ’baka kwöŋ.

Yoele 1:15

Woidio ŋilu lor! Kogwon lor lo MATAT gwe nyona ko po, nye a lor tukaret logon Kabulönit lo ŋo lio lo sunyuŋdyo.

Yoele 2:1

Kute ta toriot Siona yu; kute ta toriot sorosi i loki na mere lio loke lo rurwan; ti ŋutu liŋ ti jur boŋdi böŋdu kogwon lor lo MATAT popo,

Yoele 2:31

A kolor mo löpuŋge a mudwe, a yapa mo worani a rima i ŋerot na poŋdi lor lio lo MATAT nu, ŋilu lor a duma ko a kujönoet.

Yoele 3:14

Lödirön ti ŋutu jore parik lwölwoŋgu gwon kata i pirit na ’dir liliet na kulya. Kogwon lor lo MATAT gwe nyona ko po i pirit na ’dir liliet na kulya.

Amosa 9:13

Nan MATAT lo kulya adi, Perok kilo popo logon kakuruk mo ’demeji mukok na kaŋerak ti kinyojin, a karyokak ti ludweki ti binyo ’demeji mukok na kaweyak ti nyomot; a binyo luduko mo ’bukuŋdye kaŋo i merya, a lurwat liŋ mo ’doke a se.

Amosa 9:5

MATAT ŊUN lo kurumi a nye lo ’bo ’yu kak a kak lusököni lusökö, a ŋo liŋ na gwon i lukata nanyit kune delyani delya, a kak ’bukuluŋ burökuŋdye ki gwoso Supiri, a köti rorokara rorokara gwoso Supiri Ejipeto yu.

Mika 1:4

A merya mo lulusököni lulusöko kanyit i mokosi gwoso su ’bi na gwon i kimaŋ nyona, a piritön na ’dir mo kiki ’ye kiki ’ya gwoso ’buköddu na karya i piritön nagon a wilön.

Naum 1:5

A merya boboŋdi boboŋdu kanyit i komor; a lurwat luŋte luŋto; a kujoŋ ko kak ko ŋo liŋ lo gwolor kata kulo iŋge koro kanyit i komor.

Malaki 4:5

Mete ta, nan mo sunyukiŋdyo ta nebi Eliya a kokwe na ’dur na ŋilu lor duma lio lo MATAT logon a tokujönöet ko a sörit lu.

Matayo 24:35

Ki ko kak mo ’du ’duddyö, ama kulyaesi kwe mo ti ’duddyö kwöŋ.

Marako 13:31

Ki ko kak mo ’du ’duddyö, ama kulyaesi kwe mo ti ’duddyö kwöŋ.

Luka 12:39

Ta deden ’bura adi ko monye kadi kodyo a den saa nagon kolanit popori na nye ködyö tine kolokin kadi nanyit i turoji lukata.

Roma 8:20

Kogwon ŋo liŋ lo gweya kulo a nyökwe kak a gwe ’bak ’bulit, ’bayin ko ’dekesi kase ama kogwon Ŋun ’de ’dekan adi ti se gwe sona. Ama yenet kata adi

1 Korinto 1:8

Lepeŋ mo titin ta i gwo ’dan go tojo ko ’dutet, anyen ta mo rye ’bak kulya i lor lo pöri Matat likaŋ Yesu Kristo lu.

1 Korinto 5:5

a ta ködyö ŋutö kiŋdye ŋilo ŋuto ko Satani i riŋit anyen kökör mugun nanyit, anyen ködudwö nanyit böŋö lwölwökö i lor lo pöri Matat lu.

2 Korinto 1:14

ama i lor lo pöri Matat Yesu lu, a ta mo bu ’ye ’borik kogwon kulya kaŋ gwoso na bu ’ye yi ’börik i kulya kasu na.

1 Tesalonike 5:2

Kogwon ta ko ’börik deden ’bura adi Lor lo Matat mo popo gwoso na poŋdi kolanit i tukwaje na.

1 Tesalonike 5:4

Ama ta luŋasirik ti gwon i mudwe, a ŋilu lor tine dumba ta gwoso kolanit.

2 Petero 3:11

A ko kine ŋo liŋ mo lusökö sona, ta ködyö gwon a kulon ŋutu i gwiliŋisi kasu? Ta ködyö gwolor a ŋutu loke lo twöju ŋun,

2 Petero 3:12

na momordi ta po na Lor lo Ŋun ko na rurumbi ta ’durökin na ŋilu lor nu. Ŋilu lor mo tin ’diko i lilikara ko kimaŋ, a toro ’bo kanyit mo lulusokoni lulusoko ko yulor na kimaŋ.

2 Petero 3:7

Ŋilo kulyaet lo geleŋ lo a ’de ’ya ’diko ko kak anyen möŋdu ’yura ko kimaŋ i lor ’duŋet lo putet na tukarari ŋutu logon ti twoju Ŋun kilo.

Yuda 1:6

Köti yeyeji ta malaikajin logon a ko yeŋon si ’da i tumatyan nagon a tiki se na, ama lepeŋat a kolökin pirit gwiliŋit nase, Ŋun a ’delakin se i mudwe logon adi ’dii a rereggi se ko toŋot lo yeŋ nyin, mordu lor duma logon ’duŋdki ’e se putet lu.

Kweyatti 16:15

Mete, nan ŋilo ŋoŋo gwoso kolanit. Ŋuto logon konyen kanyit gwon pa ko a jupu ajo lo a kalyöŋi, anyen nye gwon ti wörö a limu kana a ŋutu gwe ti meddya lepeŋ i gwon ’buson.)

Kweyatti 20:11

A kirut nan meddi si ’daet na tumatyan a duma ko a nakwe, se ko nye lo si ’daki nyin lo. A kak ko ’diko wöki wökön kanyit i komor a liki likin asut.

Kweyatti 21:1

A kirut nan meddi ki ludukötyose ko kak ludukötyo; kogwon ki na kokwe na se ko kak na kokwe na aje likin, a tör duma na ’balaŋ köti gwe ’bayin.

Kweyatti 3:3

Yeyene yeye ŋo na wu do ko ŋo na yiŋ do kine; ’depe ’dep se ko löpuŋge töili. A ko do ti ’bön purwe, a nan mo poŋdi gwoso kolanit, a do mo tine den diŋit nagon nan mo ’durukin konut nu.

Kweyatti 6:14

a ki ŋudu ’ye mugun gwoso waraga a likiörö likiörö, a merya liŋ ko tikönyö liŋ iŋge wusa kase i piritön.