2 Petero 2:4 - Bibilia Buk na Ŋun nagon koti luŋu a

⁴ Ŋun a ko kölökin malaikajin logon aje toroŋdya kulo, ama a gubaddi se kak yu i pirit riŋet, a ’de ’deleji lepeŋat i mudwe a rereka, momordu lor ’dupet lo putet.

2 Petero 2:4 ပူးပေါင်းရင်းမြစ်များ

Eyobo 21:30

adi ŋutu lorok a pitöki i lor tukaret, a se iŋge lwökö i lor lo woran le?

Eyobo 4:18

Ma ’di Ŋun a ko yinikin kölipönök kanyit; iŋkoi, nye a ryö giresi ti malaikajin kanyit,

Saumajin 78:50

A nye tetenakindye woran nanyit kiko; a nye tine göja se i tatua, ama a nye kölökindye twanti loron i tatuja na se.

Yisaya 14:12

A dyoŋ, do a ’durtirin kak ki yu, do Dabur, ŋuro lo baŋun na kak! A dyoŋ, do a tukuki kak, do logon a to ’doroju jurön kak!

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Matayo 25:41

a kirut nan mo kulyani ko se lo gwon köyo i swöt lo kadoŋe kilo adi, Wuddye ta wuddya köyö i komor, ta ŋutu logon a senya. Iti ta i kimap na ti pepa, nagon aje tetenaki kapöönit se ko malaikajin kanyit nu;

Matayo 8:29

Mete, a se woŋe parik adi, Do Ŋuro lo Ŋun, do ’dek nyo kayaŋ? Do po ni i tomor na yi a kokwe nagon diŋit a ko nyuŋ temakiŋdya na?

Marako 5:7

a woŋe parik ko gworo lobot adi, Yesu Ŋuro lo Ŋun Katoŋanit lo ki liŋ, do ’dek nyo köyö? Nan saŋu do i karin ti Ŋun an do ko tomi nan.

Luka 10:18

A nye waddi se adi, Nan a met Satani a gube kak ki yu adi wulek gwoso meme ’dekta na ki.

Luka 8:31

A muloko lorok mamaŋdi mamaŋdu anyen Yesu gwon ti sarakiŋdya se i tu i dili nagon ’bak ’dutet.

Yoane 8:44

Munyi a ŋilu kaŋöönit, a ta koŋdi ŋo nagon munyi ’de ’dekan koŋdya. Suluja i suluet lepeŋ a katatuanit, a lepeŋ tine gwi ’dikin i to ’diri, kogwon lepeŋ ’bak to ’diri. Na jambi nye ’burönö na, a nye jambi gwoso na gwoŋdi nye a ’burönit na, kogwon nye a ’burönit ko a monye ’burönö liŋ.

Roma 11:21

Kogwon ko Ŋun a ko pitökin kenia gwak ti ŋilo ködini, a nye köti mo tine pitökin ta.

Roma 8:32

Lepeŋ a ko renya tiŋdu Ŋuro lonyit gwak, ama nye a wukin lepeŋ kogwon yi liŋ. A ko lepeŋ a koŋdya sona, nye ŋona mo ti tikin yi ŋo liŋ abur ko lepeŋ i pirit na geleŋ le?

Nyökit 29:20

A kirut MATAT mo tine pitökin lepeŋ, ama kölumbö a woran na MATAT se ko yulön nanyit puriörö ki ko lu ŋuto, a lömisi liŋ logon a wuröki i ŋina buk kulo mo poki kanyit loki, a MATAT mo seyaddi karin kanyit kaŋo i kak ’bukuluŋ.

2 Petero 2:11

Ama malaikajin logon lwölwöŋ kilo katodinok ’buronök i riŋit ko i kido kulo a ko joŋga se i putet ko Matat i komor ko momoröju.

2 Petero 2:5

A nye gwe a ko kolokin kak koju ’beron nu, na joŋdi nye bar i kak na ŋutu logon ti twoju Ŋun kilo, ama a nye lwöggi Noa katokuonit lo loti lo rigwo se ko kulye ŋutu buryo.

2 Petero 2:9

Konesi kase nagon koŋu saret kune totomi toili lonyit lo rigwo perok liŋ.Matat deden ko nye lwokun ŋutu lo twoju nye kulo ada kase i möriesi. Lepeŋ deden ’de ’ya ŋutu lorok i pirit ririŋet tojo ko lor ’dupet lo putet,

1 Yoane 3:8

Ŋuto logon yeŋon a kakonanit lo toronjin, lepeŋ a ŋuro lo ŋilo kaŋŋonit; kogwon ŋilo kaŋ bonit a katoronyanit suluja i suluwa na Ŋo liŋ. Kwe nagon Ŋuro lo Ŋun a pukun na anyen köŋu konesi ti ŋilo kaŋŋonit.

Yuda 1:13

Lepeŋat gwoso yalajin ti tor logon ya ’yu ko riŋit, a kobuŋe konesi kase nagon toyuuŋdyo kwe gwoso na kobuŋe pioŋ a gwe a ko ŋuto na. Lepeŋat gwoso kaser logon woro abur, logon pirit nagon a mudwe adi ’dii a wuloki lepeŋat ŋupi ŋupi.

Yuda 1:6

Köti yeyeji ta malaikajin logon a ko yeŋon si ’da i tumatyan nagon a tiki se na, ama lepeŋat a kolökin pirit gwiliŋit nase, Ŋun a ’delakin se i mudwe logon adi ’dii a rereggi se ko toŋot lo yeŋ nyin, mordu lor duma logon ’duŋdki ’e se putet lu.

Kweyatti 20:10

A kaŋöönit lo togiŋa se lo iŋge gubaki i tör na kimaŋ ko na pisek nagon ŋilo gworoŋ se ko nebi ’burönit aje gubaki kata na, a se mo tomieni tomie ŋupi ŋupi ko tuparan ko tukwaje.